#Parkent_tumani
#Ma'naviyat_Kengashi_yiģilishi

✅Joriy yilning 19 oktyabr` kuni tuman Ma'naviyat va ma'rifat Kengashining navbatdagi yig'ilishi bo'lib o'tdi. Yig'ilishda tuman hokimi o'rinbosari, tuman hokimining Davlat tili bo'yicha maslahatchisi, din ishlari bo'yicha tuman vakili, tashkilot rahbarlari, yoshlar yetakchilari ishtirok etishdi. Yig'ilish davomida tuman Ma'naviyat va ma'rifat Kengashining 2023 yilning to'qqiz oyi davomida amalga oshirilgan ishlari muhokama qilindi.

❇️Yig'ilishda tuman Ma'naviyat va ma'rifat Kengashi raisi o'rinbosari B.Soatov tumandagi ma'naviy-ma'rifiy ishlar samaradorligini oshirishda e'tibor qaratilishi shart bo'lgan masalalarga to'xtaldi va tuman Ma'naviyat va ma'rifat bo'linmasi tomonidan to'qqiz oy davomida amalga oshirib kelingan ma'naviy-ma'rifiy ishlarini tanqidiy tahlil qildi. Hokim o'rinbosari mahallalarda yoshlar bilan ma'naviy-ma'rifiy masalalarda hamkorlik sezilmayotganini, hamkorlikni samarali yo'lga qo'yish zarurligini qat'iy ogohlantirdi. Shuningdek, “Ma'naviyat” maskanini tashkil etish borasidagi harakatlar to'g'risida so'z yuritildi. Muzokaralarda Mudofaa bo'limi boshlig'i A.Xudoyberganov, tuman Axborot kutubxona markazi rahbari, tuman Kengashi deputati M.Ahmedova, tuman yoshlar agentligi mutaxassisi D.Mahkamovalar so'zga chiqib, o'z fikr-mulohazalarini bildirib o'tishdi. Yig'ilish so'ngida, ma'naviy-ma'rifiy sohada amalga oshirilayotgan ishlar mobaynida yo'l qo'yilgan kamchiliklar yuzasidan mas'ullarga taklif va ko'rsatmalar berildi.