#Диққат_эълон
#штаб

Тошкент вилояти аҳолиси диққатига!

Тошкент вилояти Уй-жой коммунал хизмат кўрсатиш бошқармаси қошида штаб ташкил этилди

Жойлардаги коммунал хизмат кўрсатиш , иситиш тизими, газ таъминоти, ичимлик суви, электр энергияси ҳамда ободонлаштиришга доир муаммоларни ўз вақтида бартараф этиш мақсадида узлуксиз навбатчилик штаби ташкил этилган.

Ҳурматли фуқаролар! Мурожаатлар юзасидан 1055 қисқа рақамли колл-марказга қўнғироқ қилиб, тезкор навбатчилик штабига мурожаатингизни етказинг ҳамда ҳудудлардаги мавжуд муаммо ва камчиликларни бартараф этишга ўз ҳиссангизни қўйинг.

Штабнинг асосий вазифаси – аҳолидан келиб тушадиган мурожаатларни тезкор равишда бартараф этиш ҳамда амалий ёрдам кўрсатишдан иборат.

💐Мамлакатимиз миқёсида 8 март – Халқаро хотин-қизлар кунига бағишланган тадбирлар ўтказиб келинмоқда.

📌Ана шундай байрам тадбирларидан бири Паркент туманидаги 41-умумтаълим мактаби 5-синф ўқувчилари ва мактаб маънавиятчиси томонидан «Оналарга эҳтиром» мавзусида ташкил этилди.
Тадбирда ўқувчилар томонидан оналарга бағишланган шеърлар айтилиб, рақслар ижро этилди, уларга атаб чизилган расмлар намойиш этилди.

🌷Туманнинг 38-умумий ўрта таълим мактаби 11- ҳамда 1-синф ўқувчилари томонидан ҳам «Аёлларга эҳтиром», «Онажонлар, сизларга таъзим» деб номланган тадбирлар ўтказилди. Ўқувчилар томонидан оналарни мадҳ этувчи қўшиқлар ижро этилиб, шеърлар айтилди. Бир сўз билан айтганда, Паркент тумани мактабларида байрам тадбирлари кўтаринки кайфиятда ўтказилмоқда.

Паркент тумани ҳокимлиги Ахборот хизмати

📌Мамлакатимиз Президентининг 2020 йил 30 октябрдаги Фармонига кўра Паркент туман Жисмоний тарбия ва спорт, Маҳалла ва оилани қўллаб-қувватлаш ва туман тиббиёт бўлимлари ҳамкорлигида тумандаги маҳалла фуқаролар йиғинларида тадбирлар бўлиб ўтди.

⛹‍♀Беллашувларда 18 ёшдан 30 ёшгача бўлган аёллар ва уюшмаган аҳоли «Спортни сев, спорт билан яша!» шиори остида спортнинг баскедбол тури бўйича беллашдилар. Мусобақаларда 1-ўринни «Навдак» МФЙ, 2-ўринни «Чўққайма», 3-ўринни эса «Марказий» маҳалла фуқаролар йиғинининг аёллари эгаллашди.

🎁Мусобақа ғолиблари туман Жисмоний тарбия ва спорт, Маҳалла ва оилани қўллаб-қувватлаш бўлимлари томонидан диплом ва эсдалик совғалари билан тақдирландилар.

Паркент тумани ҳокимлиги Ахборот хизмати

📝Республика Маданият Вазирлиги ҳамда Тошкент вилояти ҳокимлиги қарорлари ижросини таъминлаш мақсадида вилоят бўйлаб тадбирлар ўтказиб келинмоқда. “Маданият ҳафталиги” ҳамда Ўзбекистон Давлат Филармониясининг ҳудудий бадиий ва ижодий жамоалари ўртасида республика кўрик-танлови доирасида ўтказилаётган тадбир Паркент туманидаги Болалар мусиқа ва санъат мактабида бўлиб ўтди.

👏Концерт давомида Сирдарё вилояти филармонияси ижодий жамоаси аъзолари ўзларининг куй-қўшиқлари, милий рақслар билан маҳоратларини тамойиш этишиб, тадбир иштирокчиларини хушнуд этишди.

Паркент тумани ҳокимлиги Ахборот хизмати

Бугун Паркент тумани ҳокимлигида навбатдаги фуқаролар қабули бўлиб ўтди. Фуқаролар муаммоларини туман ҳокими Ниғмат Муҳамедов тегишли ташкилот раҳбарлари билан ўрганиб чиқди. 

📝 Қабул жараёнида моддий ёрдам, тадбиркорлик билан шуғулланиш учун ер ажратиш, уй-жой, ер участкаси, ва кредит масаласи, иш билан таъминлаш ва бошқа масалаларда 34 нафар фуқаронинг мурожаатлари тингланди. 5 нафар фуқаронинг мурожаатлари жойида ҳал қилинди.

⚡️ Шунингдек, уй-жой, ер участкаси, тадбиркорлик билан шуғулланиш учун ер ажратиш ва кредит масалаларида мурожаат қилган фуқароларга қонун доирасида тушунтиришлар берилди, масалалар ечими юзасидан тегишли ташкилотлар мутасаддиларига топшириқлар берилди.
Муддат талаб қиладиган мурожаатлар тегишли ташкилот раҳбарлари томонидан назоратга олинди.
 
Паркент тумани ҳокимлиги Ахборот хизмати