#Ҳоким_кубоги

⚡️⚡️⚡️ Улоқ Аъзам чавандозда кетди

Туман ҳокими кубоги учун ўтказилган кўпкари мусобақаси байрамона руҳда ўтди.

Унда туманимизнинг моҳир ҳамда ҳаваскор чавандозлари иштирок этди.

Отлар тўпиридан ҳайратга тушган кўпкари ихлосмандлари ҳоким Шоҳрух Шоаҳмедов мукофоти қайси чавандозга насиб этишини орзиқиб кутишди.

Ҳоким ғолиб чавандоз учун той ваъда қилганди.

Шиддатли кечган кўпкарида ғолиб чавандоз аниқланди.

Кўпкари ихлосмандларининг "улоқ Аъзам чавандозда кетди", деган ҳайқириғи чор-атрофдан янграб турди.

Бир уюр отлар орасидан ёриб чиққан чавандознинг учқур оти марра сари шамолдек елди.

Пишқириб чопаётган отнинг дўпири қалбларга завқ бағишлади.

Ҳа, чиндан ҳам улоқ "Ўчоқ" маҳалласидан Аъзамжон Сайдуллаевда кетди.

Ғолиб чавандозга Шоҳрух Шоаҳмедов тойни катта хурсандчиликда топширди.

Обуна бўлинг
🔻🔻🔻
@PARKENT_TONGI