«Ты ў сэрцы маім, Беларусь!». Канцэртная праграма пад такой назвай адбылася ў Палацы культуры города Ліды. Удзельнікі IV фестывалю мастацтваў беларусаў свету падаравалі лідскім гледачам часцінку сваей творчасці і сваёй душы. Землякоў, якія жывуць ў Расіі, Рэспубліцы Карэлія, Рэспубліцы Крым, Злучаных Штатах Амерыкі і Латвіі прывітаў народны ансамбль песні і танца «Лідчанка». У сваю чаргу госці дзяліліся талентамі ў песенным, літаратурным і танцавальным напрамках мастацтва.
На памяць аб радзіме кожны ўдзельнік праграмы забярэ з сабой яскравыя ўспаміны, сувеніры, дыпломы і любоў лідскай аўдыторыі.
#Палац_культуры_горада_Ліды #Фестываль_мастацтваў_беларусаў_свету

У рамках канцэртнай праграмы “Ты ў сэрцы маім, Беларусь!”
творчых калектываў і выканаўцаў– удзельнікаў
IV фестывалю мастацтваў беларусаў свету прагучалі выключна
творы беларускіх аўтараў, народныя песні. Нашы землякі не забыліся і беларускія народныя танцавальныя кампазіцыі. Як адзначыў начальнік аддзела культурна-асветнай работы, мастацтваў і вучэбных устаноў упраўлення культуры Гродзенскага аблвыканкама Сяргей Давыдзік, мастацтва аб'ядноўвае, робіць беларусаў, якія жывуць у розных краінах, бліжэй, нягледзячы на ​​межы і адлегласці.
#Палац_культуры_горада_Ліды #Фестываль_мастацтваў_беларусаў_свету

Рэдакцыйна-выдавецкая ўстанова "Культура і мастацтва" падзялілася з інтэрнэт-карыстальнікамі інфармацыяй аб тым, як Палац культуры горада Ліды сустракаў удзельнікаў IV фестывалю мастацтваў беларусаў свету. У матэрыяле выдання адзначана, што на памяць пра радзіму кожны ўдзельнік праграмы забраў з сабой яскравыя ўспаміны, сувеніры, дыпломы і любоў лідскай аўдыторыі, а запісы ў кнізе ганаровых гасцей сведчаць аб прыемных уражаннях беларусаў свету ад знаходжання ў сцянах Палаца культуры горада Ліды.
https://kultura-info.by/view/986/Prajshlo_%D1%96_zastalosya_va_uspam%D1%96nah
#Палац_культуры_горада_Ліды #Фестываль_мастацтваў_беларусаў_свету #Культура_і_мастацтва #СМІ_ПРА_НАС

Раз у два гады на базе Гродзенскага абласнога метадычнага цэнтра народнай творчасці праходзіць абласны конкурс выканаўцаў размоўнага жанру. У гэтым годзе у конкурсе прынялі удзел каля 70 калектываў і індывідуальных выканаўцаў Гродзенскай вобласці.
Конкурс праводзіўся ў двух узроставых катэгорыях – дзіцячай і дарослай у наступных намінацыях: народная проза (легенды, паданні, апавяданні, казкі); проза, інсцэніроўка празаічнага твора; паэзія, інсцэніроўка паэтычнага твора; камедыйна-сатырычныя творы (гумарэскі, байкі, інтэрмедыі, анекдоты, пародыі).
Палац культуры горада Ліды прадстаўлялі ўдзельнікі ўзорнага тэатра "Какос" і народнага драматычнага тэатра "Ракурс".
Вынікам выступлення стала перамога Крыцкай Дзіны. Руслан Півавараў атрымаў дыплом “За лепшы аўтарскі твор”.
Віншуем пераможцаў!!!
#Палац_культуры_горада_Ліды #Па_шляху_творчасці_да_поспеху

Супрацоўнікі Палаца культуры горада Ліды далучыліся да святкавання Дня роднай мовы. З самай раніцы наведвальнікаў установы сустракалі прывітаннямі на беларускай мове.
На працягу ўсяго дня ў Палацы культуры пройдзе цэлы шэраг мерапрыемстваў, прысвечаных святу:
11:00- ГУЛЬНЯВАЯ ПРАГРАМА “ХВІЛІНКА РОДНАЙ МОВЫ”
(вялікая зала)
11:20- СПЕКТАКЛЬ “ЯК КАЗКІ ПЕРАБЛЫТАЛІСЯ” ЎЗОРНАГА ТЭАТРА “КАКОС” (вялікая зала)
15:00- ЛІТАРАТУРНА-МУЗЫЧНАЯ ПРАГРАМА “РОДНАЯ МОВА, У МАРАХ, У ПЕСНЯХ, У СНАХ” (маладзежны інфармацыйна-пазнавальны праект “Студэнцкая серада”) (фае вялікай залы)
16:30- ТАНЦАВАЛЬНА-ПАЗНАВАЛЬНАЯ ЗАБАВА "ТАНЦУЕМ ПА-ДАЎНЕЙШАМУ” (фае вялікай залы)
Уваход вольны.
ДАВЕДКІ ПА ТЭЛ.: 80154548691
#Палац_культуры_горада_Ліды #Дзень_роднай_мовы

Да дня роднай мовы была прымеркавана гульнявая праграмма “Хвілінка роднай мовы”. Маленькія гледачы актыўна адказвалі на пытанні вядучых, а таксама з асаблівай цікавасцю сачылі за прыгодамі герояў спектакля "Як казкі пераблыталіся" ўзорнага тэатра "Какос".
#Палац_культуры_горада_Ліды #Дзень_роднай_мовы

Да 80-годдзя вызвалення Беларусі ад нямецка-фашысцкіх захопнікаў Гродзенскі абласны драматычны тэатр і Палац культуры горада Ліды прадставілі спектакль "Трыбунал" па п'есе Андрэя Макаёнка.
Выбар гэтага нацыянальнага твора быў не выпадковым.
Гісторыі пра вайну рэдка падаюцца ў жанры трагікамедыі. Трагедыя ў беларускай вёсцы паказана не праз ілюстрацыю баёў і батальных сцэн, а праз канфлікт, які адбываецца ўнутры галоўнага героя Цярэшкі Калабка. Пастаўлены ў складаныя абставіны ён вымушаны выконваць загад камандзіра партызанскага атрада і становіцца старастай, дапамагаючы тым самым знішчаць фашыстаў.
У спектаклі раскрываецца тэма гераізма, расказваецца аб тым, як змог народ перажыць такую цяжкую вайну, а дакладней, без якіх рыс і якасцей беларусаў не магло быць Вялікай перамогі.
Лідскія гледачы высока ацанілі пастаноўку, выказвалі толькі станоўчыя водгукі.
#Палац_культуры_горада_Ліды #80_год_вызвалення_Беларусі

Родная мова, цудоўная мова!
Ты нашых думак уток і аснова!
Гэтыя радкі Уладзіміра Дубоўкі сталі рэфрэнам літаратурна-музычнай праграммы "Родная мова, у марах, у песнях, у снах".
У рамках мерапрыемства прагучалі творы лідскіх паэтаў - удзельнікаў аматарскага аб'яднання "МузАльянс", прашла інтаракціўная гульня “Пагуляем у роднае слова”, адбылося выступленне народнага хора ветэранаў “Майскія зоры”.
#Палац_культуры_горада_Ліды #Дзень_роднай_мовы

Танцавальна-пазнавальная забава "Танцуем па-даўнейшаму" завяршыла шэраг мерапрыемстваў Палаца культуры горада Ліды, прымеркаваных да Міжнароднага дня роднай мовы.
#Палац_культуры_горада_Ліды #Дзень_роднай_мовы

Святы заканчваюцца, але застаюцца ў вашых здымках на фотазонах, зробленых з любоўю да нашых наведвальнікаў.
#Палац_культуры_горада_Ліды #Дзень_роднай_мовы #ПалацХол

🐣ЯДНАЕМСЯ РАМЕСТВАМІ🐣
✨🌿Велікодныя сувеніры, вербы і роспіс яек: рэгіянальны фестываль-кірмаш вырабаў рамеснікаў "Гродзенскія традыцыі ды свята Вялікня" прайшоў дзевяты раз. Свае вырабы на кірмашы прадставілі больш за сто майстроў народнай творчасці з 17 раёнаў Гродзенскай вобласці і горада Гродна, а таксама майстры з іншых рэгіёнаў Беларусі.
✨🌿Удзельнікі народнага тэатра гульні "100 друзей" и народнага драматычнага тэатра "Ракурс" пабывалі на свяце. Калектывы Палаца культуры горада Ліды падрыхтавалі насычаную гульнявую праграму для гараджан і гасцей горада, за што былі узнагароджаны дыпломамі .
P.S. Цікавы ролік з удзелам работнікаў Палаца культуры, які перадае атмасферу фестываля "Гродзенскія традыцыі ды свята Вялікня", выклаў карыстальнік @olesiabaklaha у TikTok.
#Палац_культуры_горада_Ліды #яднаемся_рамёствамі