💬 Думаем, ты і без нас ведаеш, што бяспека, асабліва digital, — гэта важна! Наладжваць «двухфактарку», чысціць браузар і ставіць таймер аўтавыдалення паведамленняў можа быць ляніва (мы разумеем), але нават паўгадзіны хопіць, каб усталяваць і наладзіць пэўныя штукі, а потым падзякаваць сабе, што гэта зрабіл_а!

Інфармацыі шмат, мы выбралі для цябе тры актуальныя артыкулы:

💻 Як абараніцца ад дзяржавы ў інтэрнэце? Каму што бачна ў сеціве і ў якія міфы аб бяспецы верыш ты — правер!

🔒 7 спосабаў схаваць апкі на смартфоне. Вучымся рабіць так, каб твае мабільныя дадаткі не прыцягвалі непатрэбную ўвагу.

✈️ Чэк-ліст па наладах Telegram — мастхэв для кожнага і кожнай.

🌠 Бонус: Digital Skills Coalition Belarus робіць летнюю школу па лічбавай бяспецы. Калі ты публікуеш кантэнт, вядзеш сацсеткі, кіруеш сайтам ці абараняеш дадзеныя сваёй каманды — гэта праграма для цябе. Фармат — афлайн і анлайн, удзел у афлайн частцы цалкам пакрыюць арганізатары. Праграма стартуе 20 ліпеня, дэдлайн заявак — 16 ліпеня.

Карыстайся і перасылай далей!

#матэрыялы #магчымасці

🔔 Падпісацца на «Падборку»

⭐️ Хочаш вучыцца, развівацца, знаёміцца з аднадумцамі і заставацца сабой? Сёння мы прынеслі табе магчымасці, якія падыходзяць для ЛГБТК+ персон.

1️⃣ Biz by Queers і Future ладзяць вебінар «Кар’ера без межаў: як ЛГБТК+ спецыяліст_цы пабудаваць паспяховы шлях».

✨Для каго: для квір-людзей усіх гендэраў і прафесій: на пачатку кар’еры або на этапе яе развіцця.
✨Што будзе: плануецца абмеркаванне стратэгіі пошуку працы для ЛГБТК+ людзей (дзе шукаць працу і як гэта рабіць, базавыя навыкі самапрэзентацыі і складання рэзюмэ, як адчуваць упэўненасць, нават калі сутыкаешся з дыскрымінацыяй).
✨Калі: 31 ліпеня 19:00 (па Менску)

‼️Неабходна рэгістрацыя.

2️⃣ Quarteera e.V. пры падтрымцы Міністэрства замежных спраў Германіі абвясцілі open call «Квір-культура супраць дэзінфармацыі».

✨ Для каго: для мастачак і мастакоў, якія жывуць у Азербайджане, Арменіі, Грузіі, Малдове, Германіі, а таксама людзей, што выехалі ў гэтыя краіны з Украіны, Беларусі і Расіі.
✨ Што будзе: ментарства і рэгулярныя варкшопы ад эксперт_ак, падтрымка міжнароднай каманды квір-маста_чак і актывіст_ак, фінансаванне вашых праектаў у памеры да 5 тысяч еўра, супольнае прасоўванне вашых прац, удзел у міжнародным культурным фестывалі ў Берліне ў 2026 годзе.

‼️ Запоўніць заяўку трэба да 24 жніўня.

3️⃣ EQUAL PostOst прымаюць заяўкі на праграму для мастакоў і мастачак з уразлівых рэгіёнаў (не толькі ЛГБТК+).

✨ Для каго: для мастачак і мастакоў, якія знаходзяцца ва ўразлівым становішчы з-за палітычнай сітуацыі, пагрозы цэнзуры, пераследу або вайны.
✨ Што прапануюць: магчымасць на 15 месяцаў пераехаць у Германію, атрымліваць стыпендыю і рэалізаваць свой мастацкі праект.

‼️ Заяўку на ўдзел можна даслаць на пошту [email protected] да 4 жніўня.

4️⃣ Прызматыка распачала новы набор у анлайн-групу псіхалагічнай падтрымкі для ЛГБТК+ людзей з Беларусі (незалежна ад цяперашняга месцазнаходжання).

✨ Для каго: для людзей ад 18 год, якія пацярпелі ад рэпрэсій у Беларусі і шукаюць дапамогі ў перажыванні гэтага досведу і іншых досведаў, звязаных з ЛГБТК+ ідэнтычнасцю.
✨ На сустрэчах можна: падзяліцца сваёй гісторыяй і атрымаць зваротную сувязь, папрактыкавацца ў тым, каб падтрымліваць і валідаваць іншых удзельні_ц, глыбей зразумець уласныя эмоцыі і ўмацаваць навыкі самападтрымкі.
✨ Калі: 8 zoom-сустрэч па серадах, 19:00 (па Менску), пачынаючы з 6 жніўня.

‼️ Запоўніць заяўку можна да 1 жніўня.

#магчымасці

🔔 Падпісацца на «Падборку»

Што там па жнівеньскім дэдлайнам? Сабралі некалькі варыянтаў куды даслаць заяўку 🫰

🚀 «Чаму гэтае відэа ідзе 10 гадзін? Сакрэты зачапляльнага відэамантажу» – VUC-варкшоп для ўсіх, хто працуюць з відэа.

🤩Пра што: ты дакладна разбярэшся, як рабіць відэа, ад якіх немагчыма адарвацца: паглядзіш, як мантаваць відэа ў CapCut і навучышся фішкам, якія працуюць на прагляды.
🤩Дата і час: 4 жніўня (панядзелак) з 18:00 да 20:00 (па Мінску).

⏳ Дэдлайн заявак — 4 жніўня (12:00 па Мінску).


😖 CSO Fusion робіць серыю анлайн-варкшопаў па кіраванні персаналам у НДА.

🤩Даты: 5, 7, 12 і 14 жніўня.
🤩Тэмы: рэкрутынг і адаптацыя ў НДА, арганізацыйная культура і матывацыя, развіццё патэнцыялу супрацоўні_ц, арганізацыя працы каманды.
🤩Час сустрэч: 16:30–18:30 (па Мінску).
🤩Умовы: паўдзельнічаць можна ў адной ці ва ўсіх сустрэчах, рэгістрацыя на кожную закрываецца за 48 гадзін да яе пачатку.


⭐️ Прававая ініцыятыва ладзіць 9-дзённую школу «Правы чалавека ў дзеянні».

🤩Змест: курс складаецца з трох сустрэч у Вільні (Літва).
🤩Даты: 22–24 жніўня, 5–7 верасня і 26–28 верасня.
🤩Умовы: акрамя навучання прапануецца узяць удзел у конкурсе стажыровак, а таксама рэалізаваць уласны праект з магчымасцю падтрымкі (фінансавай і ментарскай).

⏳ Дэдлайн — 13 жніўня.


✨ Іншыя адкрылі прыём заявак на стадзі-тур «Скразныя каштоўнасці» у Берліне (Германія).

🤩Што ў праграме: сустрэчы з прадстаўні_цамі нямецкіх медыя і НДА; абмен лепшымі практыкамі нямецкіх калег па тэме скразных каштоўнасцяў у галіне роўнасці, інклюзіі і недыскрымінацыі; абмеркаванне магчымасцяў адаптацыі практык да беларускага кантэксту; нэтворкінг з беларускімі журналіст_камі і актывіст_камі.
🤩Умовы: пакрываюцца выдаткі на дарогу і пражыванне. Візавая падтрымка не аказваецца.

⏳ Дэдлайн падачы заявак — 17 жніўня.

#магчымасці

🔔 Падпісацца на «Падборку»

💌 Варшава+культура=падборка івэнтаў для беларуса_к!

Гэтым разам звярнулі ўвагу, якія творчыя мерапрыемствы бліжэйшым часам пройдуць у польскай сталіцы. Карацей, калі душа цягнецца да чароўнага — запаўняй заяўкі і перасылай сяброў_кам!

‼️ Język kultury арганізуе Summer City Camp — дзесяцідзённую серыю сустрэч, майстар-класаў і практык, заснаваных на цялесным асяроддзі.

🤩Якія тэмы ў фокусе: цела, дыханне, рух, дотык, а таксама праца з мовай і развіццё штодзённай устойлівасці.
🤩Сярод куратарак — Вольга Мжэльская, менеджарка культуры.
🤩Узяць удзел могуць спецыяліст_кі ў сферы культуры і мастацтва.
🤩Даты: 18 жніўня – 18 верасня.
🤩Умовы: пажадана валодаць польскай на ўзроўні не менш за А2.

✏️ Дэдлайн заявак сёння — 14 жніўня.


⚡️ BLAU запрашае варшавян_ак наведаць студыю беларускай мастачкі-керамісткі Ульяны Дулкінай і ўзяць удзел у арт-тэрапеўтычным варкшопе.

🤩На майстар-класе наведвальні_цам прапануюць абвесці сілуэт свайго цела на паперы вялікага фармату і запоўніць яго колерам і жэстамі, ператвараючы рух у яркую эмацыйную мапу.
🤩Калі: 23 жніўня з 15:00 да 18:00.

✏️ Для ўдзелу патрэбна зарэгістравацца.


🏠 Фундацыя «KRAINA» запрашае далучыцца да творчых сустрэч у межах рэзідэнцыі Машы Мароз — беларускай мастачкі і этнографкі.

🤩На рэзідэнцыі Маша працягвае ўласнае этнасеміятычнае даследаванне беларускай архаічнай культуры, факусуючыся на канцэптуальных кодах міфапаэтычнай карціны свету карэнных жыхароў Палесся — роднага для мастачкі рэгіёна.
Расклад мерапрыемстваў:
🤩15 жніўня / 18:00 – майстар-клас па ручным калераванні архіўных фотаздымкаў;
🤩18 жніўня / 18:00 – майстар-клас: фартух як аб’ектавая форма культуры;
🤩24–26 жніўня / 15:00–18:00 – Pop Up і адкрытая майстэрня.

#івэнты #культура #Варшава

🔔 Падпісацца на «Падборку»

Сёння выбралі для цябе 2️⃣ стыпендыяльныя праграмы ў Германіі, каб упрыгожыць тваю восень. Рызыкуй, пішы матывацыю і адпраўляйся насустрач сваёй лепшай прыгодзе!

💡 RAZAM e.V. запрашае падаць заяўку для намінацыі да ўдзелу ў стыпендыяльнай праграме «Hilde Domin-Programm» на зімовы семестр 2026/2027 у магістратуры ці дактарантуры.

🤩Для каго: праграма падтрымлівае студэнт_ак і дактарант_ак, якім у іх краіне паходжання фармальна альбо фактычна адмаўляюць у праве на адукацыю, і дае магчымасць пачаць альбо працягнуць навучанне ў Германіі на нямецкай або ангельскай мовах.
🤩Крытэрыі: узрост ад 18 гадоў, апошняя ўніверсітэцкая ступень не павінна быць атрыманая больш за 6 год таму, знаходжанне па-за межамі ЕС.

❗️Падацца можна да 1 верасня.


⭐️ Ініцыятыва Вернера Шульца (WSI) запускае стыпендыяльную праграму для студэнта_к і дактаранта_к, а таксама спецыяліста_к, працуючых у галіне грамадзянскай супольнасці, медыя, культуры, адукацыі, палітыкі і навукі.

🤩Мэта: падтрымка даследаванняў і праектаў у галіне прасоўвання дэмакратыі, умацавання вяршэнства права, супрацьстаяння дыктатуры і таталітарызму, а таксама сумежных тэм.
🤩Умовы: стажыроўка да 3 месяцаў у Германіі (з кастрычніка па снежань 2025). Памер стыпендыі — 2 000 EUR (у месяц).

❗️Дэдлайн: 10 верасня.

#магчымасці #стыпендыі

🔔 Падпісацца на «Падборку»

Хэй 👋

Сабралі для цябе пару-тройку новых грантаў са спасылкамі і дэдлайнамі. Захоўвай и перасылай сваёй камандзе!

1️⃣ Праграма RITA прапануе гранты польскім некамерцыйным арганізацыям на сумесныя праекты з арганізацыямі ці асобамі з краін Усходняй Еўропы, Паўднёвага Каўказа і Цэнтральнай Азіі.

🤩Праекты павінны садзейнічаць доўгатэрміновым дэмакратычным, грамадскім і эканамічным пераўтварэнням у краінах-удзельніцах праграмы і ўключаць абмен польскім вопытам.
🤩Максімальная сума падтрымкі складае 60 000 – 63 000 PLN.

📞 Дэдлайн: 15 кастрычніка.


2️⃣ RIZA — грантавая праграма для арганізацый, якія працуюць з жанчынамі-мігранткамі.

🤩Падавацца могуць НДА і ініцыятывы, зарэгістраваныя ў краінах ЕС, з гадавым бюджэтам менш за 300 000 EUR і мінімум 1 годам актыўнасці, а таксама з гендарна збалансаваным кіраўніцтвам. Прыярытэт маюць арганізацыі, якія ўзначальваюць жанчыны-мігранткі/бежанкі.
🤩Прыярытэты: правы жанчын-мігрантак і роўнасць; удзел у дэмакратычным дыялогу і мясцовым жыцці; барацьба з дыскрымінацыяй і гвалтам; салідарнасць і пабудова супольнасцяў; устойлівасць і рост арганізацый.
🤩Сумы падтрымкі ў 2025 годзе: 15 мікра-грантаў (17 778 EUR), 12 малых грантаў (32 778 EUR), 6 сярэдніх грантаў (60 000 EUR). Акрамя гэтага можна паўдзельнічаць у 10-месячнай праграме развіцця, якая ўключае юрыдычную падтрымку, працу з супольнасцямі, лідарства, трэнінг у Бруселі, сертыфікацыю.

📞 Дэдлайн: 31 кастрычніка.


3️⃣ Neighbourhood Fund падтрымае праекты ў шасці краінах Усходняга партнёрства.

🤩Мэта фонду — дэмакратычнае развіццё і ўмацаванне разнастайнай і ўстойлівай грамадзянскай супольнасці, асабліва ў кантэкстах канфліктаў і ўразлівых груп.
🤩Што падтрымаюць: партнёрскія праекты паміж дацкімі арганізацыямі і мясцовымі арганізацыямі з Украіны, Малдовы, Беларусі, Грузіі, Арменіі і Азербайджана. Абавязковы дацкі заяўнік (зарэгістраваная ў Даніі прыватная НКА).
🤩Сумы: ад невялікіх грантаў (20 000 EUR) да падтрымкі памерам 600 000 EUR.

📞 Дэдлайны — розныя, у залежнасці ад тыпу гранта. Бліжэйшы для невялікіх (20 000 EUR) і вялікіх (94 000 EUR) грантаў — 5 лістапада.


4️⃣ і 5️⃣ Fundacja im. Stefana Batorego адкрыла адразу два конкурсы для арганізацый грамадзянскай супольнасці: абмену досведам і хуткага рэагавання.

🤩Конкурс абмену досведам (dotacje na wymianę doświadczeń) — гранты для арганізацый, якія хочуць вучыцца адна ў адной, абменьвацца ведамі і праверанымі рашэннямі.
🤩Памер грантаў: 10 000 – 20 000 PLN.
🤩Інфасесія: 25 верасня, 10:00–12:00 (рэгістрацыя).

📞 Дэдлайн: 30 кастрычніка 2026 года (ці да вычарпання сродкаў).

🤩Конкурс хуткага рэагавання (dotacje szybkiego reagowania) — падтрымка дзеянняў арганізацый грамадзянскай супольнасці, запушчаных у адказ на раптоўныя падзеі ці новыя абставіны, якія патрабуюць хуткага і рашучага рэагавання.
🤩Памер грантаў: 20 000 – 40 000 PLN.
🤩Інфасесія: 26 верасня, 10:00–12:00 (рэгістрацыя).

📞 Дэдлайн: 15 жніўня 2026 года (ці да вычарпання сродкаў).

#магчымасці #гранты #фінансаванне

🔔 Падпісацца на «Падборку»

⭐️ Сёння знайшлі для цябе тры крутыя адукацыйныя праграмы! Запаўняй заяўку і залятай у апошні вагон (ёсць дэдлайн сёння) ці заплануй навучанне на кастрычнік.

💢 Кампус палітычнай навукі робіць Data + Research Lab — курс па візуалізацыі дадзеных.

🤩Што: за 2 месяцы асвоіш, як ператвараць сухія лічбы ў наглядныя візуалізацыі і гісторыі, якія будуць зразумелыя розным аўдыторыям.
🤩Каго запрашаюць: студэнта_к ВНУ, спецыяліста_к ва ўзросце да 30 гадоў з досведам працы ў медыя, аналітыцы ці даследаваннях, а таксама ўсіх, хто жадаюць перайсці ад збору інфармацыі да стварэння дата-прадуктаў.
🤩Даты: 25 верасня – 30 кастрычніка.
🤩Фармат: анлайн і афлайн (самыя актыўныя ўдзельні_цы будуць запрошаны на кэмп у Польшчы).

🔥 Дэдлайн заявак сёння — 22 верасня.


🎊 Human Autumn Camp — адукацыйны асеннік ад Human Constanta.

🤩Што: Human Camp — гэта інтэнсіўная пяцідзённая прыгода, дзе ты зможаш даведацца аб правах чалавека ў займальнай форме, засвоіш новыя навыкі і атрымаеш натхненне для ўласных ініцыятыў. Будуць інтэрактыўныя варкшопы, трэнінгі ад эксперта_к і магчымасці абмену досведам з аднадум_камі.
🤩Для каго: калі табе ёсць 18 гадоў і ты робіш першыя крокі ў правах чалавека і грамадскай дзейнасці.
🤩Даты і месца: 23 – 28 лістапада, Польшча.
🤩Умовы: пакрываюцца выдаткі на пражыванне і харчаванне і, па запыце, часткова на праезд.

🔥 Дэдлайн падачы заявак: 29 верасня.


💫 Школа кампетэнцый запускае курс па стварэнні кантэнту «FABRICA».

🤩Каго шукаюць: каманды і ініцыятывы з сацыяльнай місіяй; маладых крэатара_к, якія ствараюць кантэнт у Instagram, TikTok, Telegram, YouTube; падкастэра_к, старытэлера_к, візуальных аўтара_к.
🤩Якія тэмы ахоплівае праграма: алгарытмы, пазіцыянаванне, кантэнт, камунікацыі, прасоўванне, стратэгія і інш.
🤩Што ў выніку: да канца курса ў цябе будзе гатовая міні-кампанія ці серыя кантэнту, новыя партнёрствы і дакладная стратэгія, як далей пракачваць праект.
🤩Важна: тут не вучаць «з нуля». Калі твой кантэнт і праект ужо існуюць, але ты хочаш, каб яны сталі больш мацнейшыя — падавай заяўку!
🤩Даты: 15 кастрычніка – 19 лістапада анлайн, 5 – 7 снежня — Варшава (для фіналіста_к).

🔥 Дэдлайн заявак: 7 кастрычніка.

#магчымасці

🔔 Падпісацца на «Падборку»

📌 Тры топавыя праграмы з дэдлайнамі ў кастрычніку 📌

🖥 Human Constanta робіць курс для трэнера_к «Лічбавая суперсіла».

🤩Гэты курс для тых, хто жадае не проста абараняць сябе ў лічбавым асяроддзі, але і ўмець вучыць гэтаму іншых, а таксама зрабіць рэальныя крокі, каб наладзіць бяспеку ў сваіх арганізацыях і ініцыятывах.
🤩Фармат: 10 анлайн-сесій па 2 гадзіны, 4-дзённы афлайн-інтэнсіў (зіма 2026), жывая камунікацыя, рэальныя кейсы, практыка фасілітацыі.
🤩Старт курса — 21 кастрычніка.

🗓 Дэдлайн заявак: 16 кастрычніка.


👍 РАДА запрашае ў школу па стварэнні камьюніці «Цяпліца».

🤩Пра што: ты навучышся праектаваць прадукты для супольнасці, выбудоўваць праграму актыўнасцяў, задаваць метрыкі і цыклы развіцця, а па заканчэнні праграмы выйдзеш з 90-дзённым планам дзеянняў.
🤩Фармат: 6 анлайн-заняткаў (два разы на тыдзень), індывідуальныя кансультацыі для распрацоўкі планаў, афлайн-частка ў Варшаве для самых актыўных удзельні_ц.
🤩Хто можа падацца: лідар_кі ініцыятыў і арганізацый; актывіст_кі, якія шчыльна камунікуюць са сваімі мэтавымі аўдыторыямі; тыя, хто ўжо маюць свае камьюніці і плануюць развіваць іх далей.
🤩Старт — 27 кастрычніка.

🗓 Дэдлайн рэгістрацыі: 23 кастрычніка.


🎤 Цэнтр новых ідэй запускае CNI Women Fellowship: advancing visibility.

🤩Праграма разлічана на беларускіх экспертак, якія хочуць узмацніць сваю бачнасць і ўплыў у публічнай прасторы. Да праграмы далучацца ментаркі з розных сфераў, якія дапамогуць зрабіць твой голас чутным.
🤩Што будзе: анлайн-навучанне, ментарства, псіхалагічныя сесіі, study visit у Стакгольм і двухдзённы форум у Варшаве.
🤩Працягласць: лістапад – чэрвень 2026 года (з перапынкам на зімовыя вакацыі).

🗓 Заяўкі чакаюць да 28 кастрычніка.

#магчымасці

🔔 Падпісацца на «Падборку»

Што думаеш наконт вэбінараў? Падборка вельмі гарачых прапановаў 🚀

📣«Праўда ці дзеянне? Як праца ў выгнанні змяняе журналістыку і што з гэтым рабіць» — анлайн-дыскусія 29 кастрычніка (15:00 па Варшаве).

🤩На сустрэчы абмяркуюць, журналіст_кі ў выгнанні павінны гаварыць ці дзейнічаць і як яны могуць заставацца аб’ектыўнымі. Таксама будуць прадстаўлены вынікі даследавання пра супрацу медыя і НДА.

🔍 Дэдлайн рэгістрацыі на дыскусію сёння — 28 кастрычніка.


💡 Журналісты за талерантнасць ладзяць вэбінар «Не проста падпісчыкі, а «свае». Як гадаваць і развіваць супольнасць вакол брэнда ці медыя».

🤩Сустрэча будзе карысна рэдактар_кам і SMM-спецыяліст_кам, камунікацыйным камандам і тым, хто развіваюць старонкі ў сацсетках і хочуць ператварыць падпісчы_ц у супольнасць.
🤩Калі: 30 кастрычніка (17:00-18:00 па Варшаве).

🔍 Зарэгістравацца можна да 29 кастрычніка (16:00 па Варшаве).


📎 Моладзевая ментарская праграма правядзе 4 вэбінары:

🤩Хто прымае паўсядзённыя рашэнні ў сем'ях, школах і на працоўных месцах? (29 кастрычніка, 18:00 па Мінску)
🤩Сіла клопату: размова аб падтрымцы, бяспецы і павазе (5 лістапада, 18:00 па Мінску)
🤩Як нараджаюцца ініцыятывы, якія працуюць (12 лістапада, 18:00 па Мінску)
🤩Дыялог, які змяняе (19 лістапада, 18:00 па Мінску)

Можна наведаць як адну, так і ўсе сустрэчы.

🔍 Рэгістрацыя праз форму.

#магчымасці

🔔 Падпісацца на «Падборку»

Прывіт! Сёння прапануем табе новую порцыю вэбінараў. Выбірай і запісвайся ⚡️

🔥 Журналісты за талерантнасць запрашаюць на сустрэчу пра крэатыўнасць і генераванне ідэй «Як перастаць штампаваць і пачаць ствараць новае».

🤩Пра што: тут паглыбяцца ў два працоўныя падыходы да генерацыі ідэй — CRAFT і латэральнае мысленне. Ты атрымаеш інструменты, якія дапамогуць прыдумваць свежыя, нечаканыя і арыгінальныя ідэі ў любы момант — нават калі натхнення няма.
🤩Каму будзе карысна: усім, хто працуе з ідэямі: спецыяліст_кам па камунікацыях, журналіст_кам, дызайнер_кам, медыяменеджар_кам і тым, хто ствараюць новыя падыходы і фарматы.
🤩Дата і час: 20 лістапада, 17:00 (па Варшаве).

✏️ Дэдлайн рэгістрацыі: 20 лістапада (10:00 па Варшаве).


📞 Зялёны тэлефон ладзіць эфір «Чалавек і клімат: інструкцыя па выжыванні».

🤩Аб чым даведаешся: як клімат уплывае на паводзіны і рашэнні людзей; якая кліматычная палітыка зараз у свеце і ў Беларусі; як людзі могуць дзейнічаць самастойна і разам.
🤩Дата і час: 24 лістапада, 19:00 (па Мінску).

✏️ Для ўдзелу патрэбна запісацца.


✨ ISKRA і Арганізацыя еўрапейскай экспертызы і камунікацый (ОЕЕК) робяць серыю размоваў з беларускамі, што стаялі ў вытокаў гендарнага руху.

🤩Фокус сустрэч: як усё пачыналася ў 1990-я і 2000-я, хто стаялі побач, як узнікалі супольнасці, якія тэмы былі балючымі, што выклікала спрэчкі і што давала сілы працягваць. Важны не столькі храналогія і факты, колькі магчымасць адрэфлексаваць досвед мінулых дзесяцігоддзяў праз перспектыву сённяшняга дня.
⬇️ Расклад: усяго запланаваны тры асобныя сустрэчы з трыма жанчынамі:

🤩Людміла Пеціна – 25 лістапада, 17:00 – 18:00 (па Варшаве)
🤩Валянціна Палевікова – 2 снежня, 17:00 – 18:00 (па Варшаве)
🤩Алена Аўтушка – 9 снежня, 17:00 – 18:00 (па Варшаве)

✏️ Зарэгістравацца можна як на адну, так і на некалькі.

#вэбінары #магчымасці

🔔 Падпісацца на «Падборку»

Снежань на носе, а ў нас свежыя магчымасці з гарачымі дэдлайнамі 🔥

☺️ Цэнтр новых ідэй ладзіць Belarus Future Unconference 2025. NextGen Edition.

🤩Неканферэнцыя збярэ ў Варшаве каля 100 актыўных грамадскіх актараў і актарак, каб разам абмеркаваць ролю беларускай моладзі ў фармаванні будучыні краіны. Гэта прастора для свабоднага дыялогу і шанец падзяліцца тым, што цябе хвалюе сёння.
🤩Калі: 29 лістапада, 12:45 – 17:15.
🤩Дзе: Варшава, Noakowskiego 16.

🍃 Рэгістрацыя абавязковая.


😖 ІншыЯ запускаюць праграму «Базавы мінімум. Школа роўнасці і інклюзіі».

🤩Гэта чатырохдзённая праграма для тых, хто хоча зразумець, як зрабіць свет больш справядлівым і сяброўскім для ўсіх. Школа разлічаная на пачаткоўцаў.
🤩Даты: 12–17 студзеня 2026 году.
🤩Месца правядзення: Вільня (Літва).
🤩Арганізацыйны ўнёсак: 50 EUR, але могуць прапанаваць частковае ці поўнае пакрыццё выдаткаў, а таксама замену арганізацыйнага ўнёску на валанцёрскую дапамогу.

💫 Падаць заяўку можна да 30 лістапада.


🍀 Нацыя Лідараў запрашае далучыцца да анлайн-курсу «Ад выгарання да рэсурсу».

Калі ты стамі_лася трымацца і хочаш вярнуць у сваё жыццё радасць і энергію — гэты курс для цябе!
🤩Што ў праграме: кароткія відэалекцыі і дадатковыя матэрыялы; 6 вэбінараў з дасведчанымі выкладчы_цамі; падтрымліваючае кам'юніці ў Тэлеграм.
🤩Працягласць: 3 тыдні.
🤩Старт навучання: 1 снежня.

⚡️ Дэдлайн: 30 лістапада.


💡 Школа кампетэнцый робіць трохгадзінны анлайн-інтэнсіў «Self-Pitch. П(р)одай себя как единорога».

🤩На інтэнсіве цябе правядуць праз чатыры крокі да ідэальнай падачы сябе: самапрэзентацыя як канструктар — тыпалогія блокаў самапрэзентацыі — падрыхтоўка некалькіх версій самапрэзентацыі — практыка.
🤩Экспертка: Валянціна Чэкан.
🤩Калі: 8 снежня, 16:30 (па Варшаве).

🌪 Дэдлайн рэгістрацыі: 3 снежня.

#магчымасці

🔔 Падпісацца на «Падборку»

Сёння прынеслі табе мікс падзей з дэдлайнамі да канца снежня: вэбінар пра дзікую прыроду ў горадзе, сустрэча аб пошуку працы ў 2026, школа па правах чалавека і стыпендыя для актывіста_к ❄️

📞 Зялёны тэлефон правядзе эфір «Дзікая прырода ў горадзе: трэнды і рашэнні для людзей».

🤩Тут раскажуць аб сучасных трэндах у азеляненні, прыцягненні біяразнастайнасці і рашэннях, якія робяць гарады больш устойлівымі і камфортнымі.
🤩Дата і час: 16 снежня а 19:00 (па Мінску).
🤩Спікерка: Ірына Макарэвіч, экспертка ў сферы біяразнастайнасці і экасістэм.

✏️ Рэгістрацыя праз форму.


⭐️ Журналісты за талерантнасць арганізуюць вэбінар «Пошук працы ў 2026: тэндэнцыі, LinkedIn і самапрызнанне».

🤩Што абмяркуюць: як зараз выглядае пошук працы, як штучны інтэлект уплывае на гэты працэс, што сённяшнія тэндэнцыі могуць падказаць пра пошук працы ў 2026 годзе і як весці сваю старонку ў LinkedIn.
🤩Экспертка: кар’ерная кансультантка і HR спецыялістка Яўгенія Сядова.
🤩Калі: 18 снежня а 20:00 (па Мінску).

🗓 Дэдлайн рэгістрацыі — 17 снежня, 20:00 (па Мінску).


🔈 Беларуская Праваабарончая Школа вядзе набор на базавую школу па правах чалавека ў Празе (Чэхія).

🤩На працягу 5 дзён удзельні_цы будуць вывучаць ключавыя паняцці, аналізаваць рэальныя кейсы, удзельнічаць у форум-тэатры, ЛАРПах, семінарах і практычных занятках, а таксама распрацоўваць уласны міні-праект у галіне правоў чалавека.
🤩Даты: 1–7 лютага 2026 году.
🤩Умовы: арганізатары цалкам пакрываюць удзел (без візавай падтрымкі).

🗓 Дэдлайн падачы заявак — 29 снежня.


👍 EaP Civil Society Fellowship 2026 — стыпендыі для грамадзянскіх актывіста_к з краін Усходняга партнёрства.

🤩Тыпы стыпендый:
– Civic Digital Fellowship (для праектаў у галіне адкрытых даных, лічбавых рашэнняў, празрыстасці і ўмацавання адказнасці)
– Community Engagement Fellowship (для праектаў у сферы мясцовага ўдзелу, маніторынгу, адукацыі, палітычных ініцыятываў і ўмацавання грамадзянскай супольнасці).
🤩Што можна атрымаць: фінансаванне да 5 000 EUR на рэалізацыю праекта, ментарства, магчымасць паўдзельнічаць у міжнародных падзеях, навучальных сесіях і сустрэчах, а таксама далучыцца да супольнасці выпускні_ц EaP Civil Society Fellow.

🗓 Заяўкі збіраюць да 30 снежня.

#магчымасці

🔔 Падпісацца на «Падборку»

2️⃣ класныя прапановы для жанчын. Глядзі і перасылай сяброўкам і каляжанкам.

✨ Handmade бізнес 2026: як вывесці справу на новую вышыню з дапамогай Etsy — бясплатны вэбінар, які дапаможа разабрацца з Etsy і асноўнымі правіламі працы там.

🤩Ты даведаешся, да чаго варта рыхтавацца, калі ты адкрываеш краму на маркетплейсе — колькі часу, грошай і намаганняў спатрэбіцца, і што можна чакаць наўзамен.
🤩Экспертка: Юлія Малькова — маркетолаг і брэнд-стратэг.
🤩Калі: 20 студзеня а 19:00 (па Мінску).

✏️ Для ўдзелу патрэбна зарэгістравацца.


⚡️ SheLeads — курс па лідарстве для беларусак у Варшаве (Польшча).

🤩Ты навучышся:
— асэнсоўваць гендарныя стэрэатыпы,
— пераадольваць сіндром самазванкі і шукаць свае моцныя бакі,
— развіваць лідарскія якасці і навыкі самапрэзентацыі,
— будаваць сувязі і знаходзіць узаемную падтрымку ў досведзе вымушанай міграцыі,
— прыдумляць ідэі ўласных праектаў, накіраваных на свае суполкі (некамерцыйныя ініцыятывы альбо сацыяльны бізнес).
🤩Даты: 31 студзеня, 7 лютага і 21 лютага (па суботах).

✏️ Рэгістрацыя адкрыта да 23 студзеня.

#магчымасці

🔔 Падпісацца на «Падборку»

Адразу 2 магчымасці ў сферы правоў чалавека ⤵️

💭 Беларуская праваабарончая школа ладзіць вэбінар «Сторытэлінг як дзеянне ў абарону правоў чалавека».

🤩Пра што раскажуць:
– што такое сторытэлінг, якія ёсць фарматы
– калі ён можа служыць абароне правоў чалавека і грамадскіх інтарэсаў
– асноўныя прынцыпы і правілы эфектыўнага сторытэлінгу
– архетыпы гісторый і як з імі працаваць
– як зрабіць гісторыі бачнымі, пачутымі і ўплывовымі
🤩Дата і час: 20 студзеня, 20:00 (па Мінску).
🤩Мова сустрэчы: украінская.

📣 Рэгістрацыя праз форму.


☀️ Гэта База запускае трэці паток анлайн-курсу па правах чалавека з абноўленым зместам і фокусам на тэму лідарства.

🤩У праграме:
– 9 інтэрактыўных сэмінараў
– рэальныя кейсы і дыскусіі
– запрошаныя эксперт_кі
– нэтворкінг і ментарства пасля курсу
🤩Навучанне будзе праходзіць у студзені-сакавіку.
🤩Каго запрашаюць: беларускую моладзь, актывіста_к, студэнта_к, супрацоўні_ц НДА і ўсіх, хто толькі пачынаюць знаёмства з тэмай.
🤩Мова курса: беларуская.

📣 Дэдлайн падачы заявак — 20 студзеня.

#магчымасці

🔔 Падпісацца на «Падборку»

Вітанкі 👋 Сабралі 3 конкурсы грантаў з дэдлайнамі ў студзені і лютым.

1️⃣ SPLOT Wartości 2.0 — конкурс грантаў, які накіраваны на падтрымку польскіх арганізацый грамадзянскай супольнасці ў сферы правоў чалавека, дэмакратыі, роўнасці і развіцця грамадзянскай супольнасці.

🤩Узяць удзел могуць няўрадавыя арганізацыі, фонды, асацыяцыі і іншыя юрыдычна ўпаўнаважаныя суб'екты, якія дзейнічаюць на тэрыторыі Польшчы.
🤩Памер падтрымкі: ад 10 000 да 15 000 EUR.

⚡️ Дэдлайн: 30 студзеня.


2️⃣ Visegrad+ — конкурс грантаў на праекты, якія спрыяюць працэсам дэмакратызацыі і трансфармацый у краінах Заходніх Балкан і Усходняга Партнёрства.

🤩Прыярытэтныя напрамкі праектаў:
– культура і агульная ідэнтычнасць
– адукацыя і развіццё патэнцыялу
– інавацыі, даследаванні і прадпрымальніцтва
– дэмакратычныя каштоўнасці і медыя
– публічная палітыка і інстытуцыйнае партнёрства
– рэгіянальнае развіццё, навакольнае асяроддзе і турызм
– сацыяльная ўстойлівасць і развіццё супольнасцяў
🤩Умовы: праекты павінны забяспечваць міжнароднае супрацоўніцтва паміж 2-3 краінамі Вышаградскай групы: Польшча, Чэхія, Славакія і Венгрыя і 1-2 краінамі Ўсходняга Партнёрства ці Заходніх Балкан.
🤩Фінансаванне: 25 000 – 35 000 EUR.

⚡️ Дэдлайн: 1 лютага.


3️⃣ Civic Innovation Fund (CIF) прапануе фінансаванне праектам, якія спалучаюць фінансавую і эканамічную пісьменнасць з грамадзянскай адукацыяй, дэмакратычным удзелам і сацыяльнай устойлівасцю.

🤩Падавацца могуць арганізацыі з Еўропы, якія працуюць у сферы грамадзянскай адукацыі. Прыярытэт маюць маладыя арганізацыі і ініцыятывы, якія ўзначальваюцца моладдзю.
🤩Памер фінансавання: да 10 000 EUR (на праект).
🤩Фарматы праектаў: адукацыйныя праграмы, варкшопы, культурныя і грамадскія ініцыятывы, даследаванні, лічбавыя інструменты і гд.
🤩Умовы: праекты павінны рэалізоўвацца ў межах транснацыянальнага партнёрства (мінімум адзін еўрапейскі партнёр).

⚡️ Дэдлайн: 16 лютага.

#фінансаванне

🔔 Падпісацца на «Падборку»

Разглядаеш працэс справаздачнасці як нешта прымусовае і фармальнае?

🎮 Глядзі серыю пастоў ад канала «Насамрэч» пра справаздачнасць у грамадзянскай супольнасці і заглядвай на трэнінг, які дакладна падвысіць твае навыкі на новы ўзровень і пакажа, што справаздачнасць — гэта карысны інструмент камунікацыі і пабудовы стасункаў з донарам.

🔗 «Гэта ваш знак зрабіць гадавую справаздачу» (пра віды, мэтавыя аўдыторыі і тэмы);
🔗 «Фарматы гадавых справаздач» (і якую форму яны могуць мець);
🔗 «Разбіраемся з вызначэннямі: падсправазначнасць, празрастасць, адказнасць» (разбярыся, у чым розніца, каб не заблытацца);
🔗 «Чаму я люблю пісаць справаздачы па праектах» (асабісты вопыт праектнай менеджаркі).

❗️Бонус-трэк: «Што пра вас кажа справаздача?» Анлайн-трэнінг для актывіста_к, АГС і ўсіх, хто хочуць лепш арыентавацца ў тэме. Спікерка: экспертка ў галіне стратэгічнага праграмнага развіцця і фандрэйзінгу з больш як 15-гадовым досведам працы ў міжнародных донарскіх структурах у сферы грамадзянскай супольнасці, правоў чалавека і дэмакратычнага развіцця.
🗓 Калі: 28 студзеня, 15:00 – 17:00 (па Варшаве).
✏️ Рэгістрацыя: праз форму.

#матэрыялы #магчымасці

🔔 Падпісацца на «Падборку»

Калі шукаеш працу ў сферы камунікацый, вось дзве вакансіі:

✨ Беларускі нацыянальны моладзевы савет «РАДА» адкрыў вакансію камунікацыйн_ай сакратар_кі.

🤩Асноўныя абавязкі:
– распрацоўка і рэалізацыя камунікацыйнай стратэгіі, планаванне і каардынацыя камунікацыйнай дзейнасці арганізацыі;
– распрацоўка кантэнт-плана для сацыяльных сетак (разам з smm-спецыялісткай);
– адміністраванне сайта;
– падрыхтоўка штогадовых справаздач;
– распрацоўка і каардынацыя інфармацыйных кампаній;
– падрыхтоўка прэс-рэлізаў і г.д.
🤩У патрабаваннях:
– досвед працы ў сферы камунікацый, PR, SMM;
– досвед працы ў беларускіх некамерцыйных арганізацыях не менш за 2 гады;
– выдатныя пісьмовыя і вусныя камунікатыўныя навыкі;
– добрае валоданне беларускай мовай.
🤩Умовы: праца на 0,7 стаўкі (да 28 гадзін на тыдзень); офіс у Вільнюсе, але магчыма праца анлайн; сэрвісны кантракт з літоўскай арганізацыяй; старт працы з сярэдзіны лютага; заробак 1400 EUR брута; магчымасць удзельнічаць у міжнародных івэнтах і адукацыйных праграмах.

‼️ Дэдлайн — 1 лютага.


⭐️ ARS BALTICA шукае памочні_цу па СМІ і праектах у сакратарыят арганізацыі ў Германіі.

🤩Што трэба рабіць: працаваць над падрыхтоўкай і вядзеннем медыя-кантэнту (тэксты, рассылкі, сацсеткі), абнаўляць сайты, падтрымліваць праектную і адміністрацыйную працу сакратарыяту, удзельнічаць у рэалізацыі бягучых міжнародных праектах.
🤩Сярод патрабаванняў: вельмі добрая ангельская (вусная і пісьмовая), досвед у камунікацыях/медыя, цікавасць да міжнародных культурных адносін у Балтыйскім рэгіёне.
🤩Умовы: узровень аплаты залежыць ад досведу, міжнародныя камандзіроўкі (пры неабходнасці), офіс у Nordkolleg Rendsburg, магчымасць частковай дыстанцыйнай працы.

‼️ Дэдлайн — 15 лютага.

#вакансіі

🔔 Падпісацца на «Падборку»

⚡️Сённяшні пост — пра ШІ ⚡️

Вось тры нагоды, каб пагрузіцца ў тэму ў найбольш прывабным для цябе фармаце — пачытаць, паслухаць ці паўдзельнічаць (а можна і ўсё разам).

❤️ Што нейрасеткі ведаюць пра карыстальні_ц? (прынцыпы працы)

❤️ Як навучыць штучны інтэлект працаваць дакладна і па-чалавечы (лекцыя для тых, хто на шляху да выкарыстання)

❤️ AI4NGO — двухдзённы івэнт у Варшаве пра ўкараненне ШІ ў працу НКА, медыя і аналітычных праектаў.

🟰 Пра івэнт: практычная лабараторыя для тых, хто хочуць не абмяркоўваць штучны інтэлект, а прымяняць яго ў рэальнай працы: тэставаць інструменты, разбіраць кейсы і ўзмацняць устойлівасць каманд і праектаў.
🟰 Даты: 27-28 лютага.
🟰 Месца: Варшава, Польшча.
🟰 Мовы: руская, беларуская (частка матэрыялаў можа быць на ангельскай).

🗯 Падаць заяўку на ўдзел можна да 20 лютага.


#магчымасці #матэрыялы

💙 Падпісацца на «Падборку»

Калі хочаш папрацаваць з камандай над распрацоўкай праекта і атрымаць фінансаванне на яго запуск, ёсць 2️⃣ прапановы:

⚡️ Нацыя лідараў вядзе набор на акселератар адукацыйных праектаў.

🟠Што: гэта інтэнсіўная праграма падтрымкі, дзе ты пройдзеш шлях ад ідэі да працуючага прататыпа, і зможаш запусціць свой адукацыйны прадукт.
🟠Каго запрашаюць: індывідуальных аўтара_к і каманды, якія хацелі б ствараць курсы, трэнінгі і ініцыятывы для беларуса_к.
🟠Праграма ўключае:
🟠12 практычных вэбінараў,
🟠асабістыя кансультацыі з ментар_камі,
🟠супольнасць аднадума_к,
🟠фінансавую падтрымку (500 EUR на рэалізацыю пілотнага праекта),
🟠суправаджэнне пасля акселератара.
🟠Тэрмін навучання: сакавік – красавік. Прэзентацыя праектаў — у траўні.

➡️ Заяўкі збіраюць да 15 лютага.


⚡️ Eastern Partnership Civil Society Facility адкрывае набор на EaP Civic Tech Hackathon 2026.

🟣Пра праграму: хакатон аб'яднае прадстаўні_ц грамадзянскай супольнасці і ІТ-спецыяліста_к для распрацоўкі лічбавых інструментаў, якія вырашаюць рэальныя сацыяльныя праблемы ў рэгіёне Усходняга Партнёрства.
🟣Заяўкі прымаюцца толькі ад каманд, якія павінны ўключаць:
🟣civic-актывіст_ку / аўтар_ку ідэі (цімліда);
🟣распрацоўшчы_ц, дызайнера_к або іншых tech-спецыяліста_к.
🟣Што прапануюць камандам:
🟣ментарскую і навучальную падтрымку,
🟣магчымасць распрацаваць прататып праекта,
🟣удзел у афлайн-хакатоне ў Малдове,
🟣шанец атрымаць фінансаванне (каля 10 000 EUR) на запуск праекта.
🟣Даты:
🟣анлайн-навучанне: 19 сакавіка – 3 красавіка
🟣хакатон у Кішынёве (Малдова): 17–19 красавіка
🟣Працоўная мова — ангельская.

➡️ Заяўку трэба падаць да 2 сакавіка.

#магчымасці

💜 Падпісацца на «Падборку»

Не змаглі прайсці міма класных курсаў і праграм, на якія зараз адкрытыя наборы, таму сённяшняя падборка — пра навучанне.

🟢 Фасілітацыя груп роўных — практычная навучальная праграма для беларуса_к у Польшчы, якія прайшлі праз вопыт эміграцыі і хочуць ствараць прастору ўзаемнай падтрымкі.

💚Чаму навучаць:
⭕️фасілітаваць групы роўных у розных фарматах;
⭕️выкарыстоўваць негвалтоўную камунікацыю і інклюзіўную мову;
⭕️дзейнічаць у канфліктных і крызісных сітуацыях;
⭕️ствараць супольнасці, заснаваныя на даверы, бяспецы і прыняцці.
💚Змест: курс уключае 3 афлайн-сустрэчы (у Гданьску) і 4 анлайн-сустрэчы з сакавіка па травень.
💚Навучанне будзе праходзіць на польскай з перакладам на расейскую.
💚Умовы: арганізатары пакрываюць пражыванне, харчаванне і білеты.

💚 Рэгістрацыя адкрыта да 19 лютага.


🟣 Школа кампетэнцый робіць анлайн-інтэнсіў «Troubleshooting thinking» для дызайнера_к, крэатыўных прадзюсэра_к і кіраўні_ц digital-агенцтваў.

💜Што ўнутры: за 4 гадзіны ты разбярэшся, як стаць больш каштоўн_ай, карысн_ай і незаменн_ай дызайнер_кай у часы, калі рабіць проста прыгожа ўжо недастаткова.
💜Фокус будзе на інструментах troubleshooting-мыслення, ад дыягностыкі праблем да абгрунтавання рашэнняў, а таксама эфектыўным вырашэнні задач кліента праз дызайн.
💜Калі: 21 лютага з 13:00 да 17:00 (па Мінску).

💜 Дэдлайн падачы заявак — 19 лютага.


🔵 Гэта База вядзе набор на серыю анлайн-семінараў па правах чалавека і лідарству.

💙Каго запрашаюць: беларускую моладзь, актывіста_к, студэнта_к, працаўні_ц НДА, а таксама ўсіх, каго цікавіць тэма правоў чалавека.
💙Семінары праходзяць штоаўторак ўвечары а 19:00 (па Мінску) да канца сакавіка. Падавацца можна як на адзін семінар, так і на ўвесь цыкл сустрэч.
💙Праграма праводзіцца цалкам на беларускай мове.

💙 Заяўкі прымаюць праз форму.


🟣 IFAE ладзіць анлайн-курс па SMM для журналіста_к і блогера_к.

Калі хочаш навучыцца сістэмна, прафесійна і этычна працаваць з сацсеткамі і даведацца пра лайфхакі і падыходы, якія працуюць у 2026 годзе — прыходзь на курс!
💕Што ўнутры: 4 модулі па 2 гадзіны: лекцыя + разбор кейсаў + адказы на пытанні.
💕Працягласць: 5 – 26 сакавіка.
💕Вядоўца: Дзяніс Васількоў.

💓 Падаць заяўку трэба да 26 лютага.

#магчымасці

✨ Падпісацца на «Падборку»