#mavsum_yumushlari

Aholini favqulodda vaziyatlardan muhofaza qilish boʻyicha amaliy ishlar kuchaytiriladi

Viloyatda kuz-qish mavsumi davomida aholi va hududlarni favqulodda vaziyatlardan muhofaza qilish sohasida oʻzaro hamkorlikni muvofiqlashtirish, profilaktik ishlar samaradorligini oshirish yuzasidan amaliy ishlar olib kuchaytiriladi.

Unga koʻra:

- sektorlar hududida joylashgan har bir uy (kvartiralar) hamda ijtimoiy soha obyektlarining isitish tizimi va dudboʻronlari, elektr jihozlarining texnik va yongʻin xavfsizligi holatlari oʻrganiladi;

- aniqlangan kamchiliklarni joyida bartaraf etish va bu boradagi masalalarni hal etishda amaliy yordam koʻrsatiladi;

- aholini standart va xavfsizlik talablariga mos isitish moslamalari bilan taʼminlashga koʻmaklashiladi;

- viloyat favqulodda vaziyatlar boshqarmasi har kuni 17:00 ga qadar amalga oshirilgan ishlar toʻgʻrisida umumlashtirilgan maʼlumotlarni Favqulodda vaziyatlar vazirligiga taqdim etib boradi.

Bu haqda Toshkent viloyati hokimi tomonidan tegishli farmoyish imzolandi.

Mazkur hujjat ijrosini nazorat qilish viloyat hokimining shaharlar infratuzilmasini rivojlantirish, obodonlashtirish va kommunal xoʻjalik masalalari boʻyicha oʻrinbosari B.Meliyev zimmasiga yuklatilgan.

✉️Telegram 🌐Website 🌐YouTube 📱Instagram 📱Facebook 📱Twitter