#bayram_shukuhi

Birinchi iyun Xalqaro bolalarni himoya qilish kuni munosabati bilan Oqqoʻrgʻon tuman hokimligi, tuman Maktabgacha va maktab taʼlimi boʻlimi hamkorligida bir guruh boquvchisini yoʻqotgan, ijtimoiy himoyaga muhtoj oilalar farzandlari Oqqoʻrgʻon tuman Tarix va oʻlkashunoslik muzeyiga sayohat tashkil etildi.

Bolajonlar muzeydan oʻlkamiz tarixi, boy madaniy merosi haqida katta taassurotlar oldi.

#bayram_shukuhi

Yoshlar va madaniyat markazida 1-iyun Xalqaro bolalarni himoya qilish kuni munosabati bilan ajoyib bayram tadbiri tashkil etildi.

Bayramda bolajonlar uchun turli koʻngil ochar oʻyinlar, konsert dasturi va tuman Madaniyat va turizm boʻlimi qoshidagi "Humo" yosh tomoshabinlar teatri tomonidan spektakl namoyish etilmoqda.

Bolajonlarni ajoyib sovgʻalar va bayram dasturxonida koʻtarinki kayfiyatda nishonlamoqdalar

#bayram_shukuhi

Shu kunlarda mamlakatimiz mustaqilligining 32 yilligiga puxta hozirlik koʻrilmoqda. Mahallayu ovullar, korxona-tashkilotlarda bayram tantanalarini oʻtkazilmoqda.

Xususan, bugun “Nezih” tantanalar uyida Prezidentimizning 2023-yil 27-iyuldagi “Oʻzbekiston Respublikasi davlat mustaqilligining oʻttiz ikki yillik bayramiga tayyorgarlik koʻrish va uni oʻtkazish toʻgʻrisida”gi qarorida belgilab berilgan vazifalardan kelib chiqqan holda “Yangi hayot uchun, Yangi Oʻzbekiston uchun!” bosh gʻoyasi asosida Oqqoʻrgʻon tuman hokimligi tashabbusi, homiy va tadbirkorlar birgalikda tumanimizda istiqomat qilayotgan bir guruh nogironlarga bayram dasturxoni yozildi.

Shuningdek, bayram bayramga ulanib “Koʻzi ojizlar ”ning Toshkent viloyati boʻlimi tashkil etilganligining 85 yilligi keng nishonlandi. Kuy-qoʻshiqlar bayramga oʻzgacha fayz ulashdi.

#taraddud
#bayram_shukuhi

🇺🇿 Mamlakatimiz mustaqilligining oʻttiz ikki yillik sanasini baland ruh va koʻtarinki kayfiyat bilan nishonlashga tumanimizda qizgʻin tayyorgarlik koʻrilmoqda.

📌Prezidentimizning 2023-yil 27-iyuldagi “Oʻzbekiston Respublikasi davlat mustaqilligining oʻttiz ikki yillik bayramiga tayyorgarlik koʻrish va uni oʻtkazish toʻgʻrisida”gi qarorida belgilab berilgan vazifalardan kelib chiqqan holda bir guruh nuroniy Hoji otalari Oqqoʻrgʻon tumanining bayram oʻtkazilishi rejalashtirilayotgan markaziy oʻyingohda boʻlib tayyorgarlik ishlari bilan tanishdi.

💥Maʼlumot uchun Joriy yilning 24-avgust kuni soat 18-00 dan  Oqqoʻrgʻon markaziy sport oʻyingohida “Yangi hayot, Yangi Oʻzbekiston uchun!” shiori ostida katta bayram tadbiri boʻlib oʻtadi.

#Diqqat_e’lon!!!
#bayram_shukuhi

Oqqo‘rg‘on tumanimizda mamlakatimiz mustaqilligining 32 yillik bayrami keng nishonlanmoqda.

2023-yil 28-avgust kuni kech soat 18:00da tumanimizning chekka hududlaridan biri “Zarbdor” MFY hududidagi Zarbdor madaniyat uyida tuman Madaniyat bo‘limi xodimlari, xalq ansambllari hamda Doston Ergashev, Dina Asrayeva kabi elimiz suygan san’atkorlar tumandoshlarimiz xizmatida bo‘ladi.

#bayram_shukuhi

Bugun tumanimizning Sirdaryo viloyati bilan chegaradosh “Navbahor” MFYda "Yangi hayot uchun, yangi O'zbekiston uchun!" shiori ostida Respublikamiz mustaqilligining 32 yilligiga bagʻishlangan bayram tadbiri bo‘lib o‘tdi.

Tadbirda yoshlar va elimiz suygan san’atkorlar xizmatda bo‘lishdi.

#bayram_shukuhi

Shu kunlarda yurtimiz bo‘ylab bayram shukuhi kezmoqda. Ana shunday tantana kecha birinchi sektor hududidagi, Piskent va Bo‘ka tumanlari bilan chegaradosh “Zarbdor” MFYda bo‘lib o‘tdi.

Bayram bayramdek bo‘lishi uchun doshqozonlarda osh damlanib, dasturxon tuzaldi. Xalqimizning suyukli san’atkorlari yigʻilganlarga ko‘tarinki kayfiyat, tadbirga oʻzgacha shukuh bag‘ishladi.

#bayram_shukuhi

Истиқлол шукронаси

Бугун "Қуштамғали" МФЙдаги Наво тўйлар мажмуасида 4-сектор фаоллари мамлакатимиз мустақиллигининг 32 йиллик шодиёнасини "Янги ҳаёт учун, янги Ўзбекистон" шиори остида кенг нишонлашди.

Байрам тадбирида туман ҳокими Т.Боболов ҳамда сектор раҳбарлари ҳам иштирок этиб тумандошларимиз қувончини биргаликда баҳам кўришди.

Туман ҳокими йиғилганларни байрам билан самимий қутлаб, мустақиллик мана шундай имкониятлар бергани, янги мақсадларга катта марраларни кўзлаб ҳаракат қилишга ундаётганини таъкидлади.

Байрамга элимиз суйган эстрадамиз юлдузлар файз ва шукуҳ қўшишди.