​#Faxr

👨‍🏫 Tumanimiz o’qituvchisi TOP-100talik ro’yxatidan o’rin oldi

💠 Xalq ta’limi hamda Axborot texnologiyalari va kommunikatzsiyalarini rivojlantirish vazirliklarining qo’shma qaroriga muvofiq har yili an’anaviy tarzda “Bir million dasturchi” loyihasi amalga oshirilmoqda. 

♻️ Joriy yilda ham o’quvchilari “Bir million dasturchi” loyihasi doirasida o’quv kurslarini muvaffaqiyatli yakunlagan umumta’lim maktablarining 100 nafar eng yaxshi “Informatika va axborot texnologiyalari” fani o’qituvchilari 5 400 000 so’m miqdorida pul mukofotini qo’lga kiritdi. 

✅ Oqqo‘rg‘on tumani Xalq ta’lim bo‘limi tasarrufidagi 49-sonli maktab o‘qituvchisi Yusupov Izzat Ilhomovich ham yuqori natijani qo’lga kiritib, mazkur Top-100 ro’yxatda respublika miqyosida yuqori o’rinlarni band qildi.

🔹Ustozning kelgusi ishlariga omad va zafarlar tilaymiz!..


📌 Top-100 ro’yxatda Toshkent viloyati o’qituvchilaridan 10 nafari yuqori natijaga erishib, respublika miqyosida (Xorazm - 16 nafar, Namangan - 14 nafar va Andijon - 11 nafar) 4-o’rinni qo’lga kiritdi.

👉 Top-100 ro`yxat ushbu havolada

👉kanalga qo‘shilish:👇
https://t.iss.one/oqqorgon_hokimligi

#faxr
#intilganga_toleyor

Oqqo'rg'on tumani ixtisoslashtirilgan maktab bitiruvchisi Nazarqulov Shoxjaxon Otabek o'g'li Xalqaro Sertifikat IELTS dan 7.5 Band scoreni qo'lga kiritdi.

Shoxjahon xalqaro sertifikatga intiluvchanligi, ilm olishga boʻlgan chanqoqligi va albatta, unga taʼlim berayotgan ustozi Ingliz tili fan o'qituvchisi, TKT sohibasi, Chet tilini o'qitish metodikasi bo'yicha trenerlik qilayotgan Umida Yoraliyevaning qoʻllab-quvvatlashi, koʻmagida erishdi.

Sh.Nazarqulovga kelgusi oʻqish va ishlarida ulkan muvaffaqiyatlar tilaymiz.

Ogʻa yoshlar!!!
Oʻqish va izlanishdan toʻxtamang!!!

#faxr

Osiyoni zabt etishda Oqqoʻrgʻonning ham hissasi bor

Ayni kunlarda millionlar oʻyini sanalgan futbol ixlosmandlari nigohi poytaxtimizda yoshlar oʻrtasida oʻtayotgan U20 Osiyo kubugi chempionatiga qadalgan. Chempionatda Oʻzbekiston yoshlar terma jamoasi ham munosib oʻyin koʻrsatmoqda. Buni yosh futbolchilarimiz Janubiy Koreya bilan oʻyinda penaltilar seriyasida magʻlub etib, finalga chiqqanidan futbol ishqibozlarining xabari bor. 18-mart kuni “Iroq” va “Oʻzbekiston” terma jamoasi oʻrtasida kechadigan bahsda yurtdoshlarimizga omad tilaymiz.

Biz uchun ahamiyatlisi, faxrlanadigani Terma jamoamiz safida “Sultonobod” mahallasida dehqon oilasida voyaga yetayotgan Diyor Ortiqboyev asosiy tarkibda markaziy himoyachi sifatida Vatanimiz sharafini himoya qilayotganidir.

Diyor 2003-yilda Oqqoʻrgʻonda tugʻilgan. Bolaligidan maktab stadionida tengqurlari bilan toʻp tepib sportga boʻlgan mehri ortib borgan. Farzandining futbolga boʻlgan ishtiyoqini toʻgʻri anglagan otasi Shuxrat aka uni 12 yoshida “Paxtakor” futbol klubi maktabiga berdi. Ustozlar koʻmagida diyorbek tez fursatda murabbiylar eʼtiboriga tushib, ikkinchi va birinchi liga oʻyinlarida maydonga tushdi. 2021-2022-yillar mavsumida ijara asosida Oʻzbekiston Oliy ligasida oʻynayotgan Toshkentning “Olimpik” klubida ajoyib oʻyinlar koʻrsatib, terma jamoa bosh murabbay Ravshan Haydarov eʼtiboriga tushdi. Diyor ushbu ishonchni oʻz mehnati, ajoyib oʻyinlari bilan himoya qilib kelmoqda.

Eslatib oʻtamiz, Oqqoʻrgʻonda aynan U-20 yoshlar musobaqasida tumandoshimiz Islom Inomov ham millionlab futbol ishqibozlari mehrini qozongan. Bugun uning izdoshlari futbol maydonlarida yurtimiz sharafini himoya qilmoqda. Eʼtiborlisi ikki futbolchimizning ham birinchi ustozi Sulaymon Boyboʻtayevdir.

Maʼlumot oʻrnida U-20 yoshlar terma jamoasi joriy yilda Indoneyziyada boʻlib oʻtadigan Jahon chempionati yoʻllanmasini naqd qilib qoʻyishgan. Jahon chempionati bahslarida ham tumandoshimiz Diyorbek chiroyli oʻyinlari bilan futbol ishqibozlari mehrini zabt etishiga ishonamiz.

Olgʻa Oqqoʻrgʻon, yoshlari!!!
Yoshlarimizni qoʻllab-quvvatlashdan charchamang aziz tumandoshlar!!!