#Mumtoz_adabiyot

📚 Tazmin

Tazmin (arabcha «bir narsani ikkinchi bir narsa orasiga qo‘ymoq»)da san’atkor yaratilayotgan asariga boshqa biror shoirning kuchli ta’sir qilgan misra yoki misralarini o‘zgartirishsiz kiritadi; faqat buning sharti bor: yaratilayotgan asardagi bosh g‘oyaga mos bo‘lishi, uning mohiyatini chuqurroq va ta’sirchanroq ochishi lozim.

👳🏻‍♂️ Mashrab o‘zining:

Sensan sevarim, xoh inon, xoh inonma,
Qondur jigarim, xoh inon, xoh inonma.
G‘am shomi firoqingda kabob etti falakni
Ohi saharim, xoh inon, xoh inonma –

tarzida boshlanuvchi g‘azalida Lutfiyning mashhur:

Sensan sevarim, xoh inon, xoh inonma,
Qondur jigarim, xoh inon, xoh inonma –

baytini aynan keltiradi.

👩🏻‍⚖️ Zulfiya ham «O‘rik gullaganda» she’rida:

«Derazamning oldida bir tup
O‘rik oppoq bo‘lib gulladi...»
Gulni ko‘rib ishqparast qalbim
Ming aytilgan darddan kuyladi –

deb yozar ekan, sevimli yori Hamid Olimjonning shu nomdagi she’rining birinchi ikki misrasini aynan keltiradi. Bu ham tazmin san’atiga misol bo‘la oladi.

📲 Imtihonga tayyorlanayotgan do'stlarga asta yuborib qo'yamiz!

☝️ Kanaldan post olayotganingizda kanal nomi va linkiga manba bering.

👉 @onlaynonatili_uz 👈

#Adabiyot_saboqlari
#Milliy_sertifikat

📚 Fard (arabcha “yakka, yolg‘iz” so‘zidan) mumtoz adabiyotda qo‘llangan janrlardan biri bo‘lib, unda muallifning hayotiy kuzatish lariga asoslangan xulosalari, g‘oyalari ilgari suriladi. Fard bir bayt (ikki qator)dan tashkil topadi.

❗️ Quyidagi fardni o‘qing. Unda qanday g‘oya ifodalanmoqda? Fardning ikkinchi misrasi (qatori) nimaga xizmat qilmoqda?

Yuqar yamonlig‘ angakim, kirar yamon el aro,
Ko‘mur aro ilik urg‘on qilur ilgini qaro.

❓ Berilgan maqollardan qaysi biri fardning g‘oyasini aks ettiradi?
A) Yomonga aytsang siringni, mingta qilar biringni.
B) Zolim oshi osh bo‘lmas, yomon yig‘ilib bosh bo‘lmas.
C) Qozonga yaqin yursang, qorasi yuqar, yomonga yaqin yursang – balosi.

🔥 Manzilimiz: 👉 @onlayn_adabiyot 👈

#Adabiyot_vaqti

Radif (arabcha “mingashib keluvchi, izma-iz boruvchi” so‘zidan) — mumtoz she’riyatda baytlar yoki misralar oxirida qofiyadan keyin takrorlanadigan bir xil so‘z yoki so‘z birikmasi.

Ochinglar, millati vayronni obod etgusi maktab,
O‘qusin yoshlarimiz, ko‘nglini shod etgusi maktab.

©️ Avaz O'tar

❗️ Ushbu parchada “obod” va “shod” so‘zlari qofiyadosh bo‘lib, ulardan keyingi “etgusi maktab” birikmasi esa radif bo‘lib kelmoqda.

❗️ Agar post tushunarli boʻlgan boʻlsa shu postga "👍" belgisini qoldiring!

👉 @onlayn_adabiyot 👈

#Adabiyot_vaqti

Jonlantirish – badiiy tasvir vositasi, insonlarga xos xususiyatlarni jonsiz narsalar, tabiat hodisalari, hayvonlarga ko‘chirish, ularni “jonli” qilib tasvirlash. Misol uchun:

Pastak hovli chetida dilxun
Bir bola yig‘laydi –
qo‘lida kitob.
Bahodirning qilichi sindi,
Bahodirning qilichi sindi.
Yovniki butun!
Qayga ketdi yaproqdek bola,
Bo‘ta kabi qayda bo‘zlaydi?
Uchib yurgan varaqlar, ana,
Shamollarga ertak so‘zlaydi.
Bola qani?.. Bilmayman, ammo,
Ishonaman, qaylardadir u
Bahodirga qilich izlaydi...

©️ Azim Suyun

❗️ Ushbu parchada kitob varaqlari “jonlantirilgan”: ular inson kabi “shamollarga ertak so‘zlaydi”

❗️ Agar post tushunarli boʻlgan boʻlsa shu postga "🔥 " belgisini qoldiring!

👉 @onlayn_adabiyot 👈