⚡️⚡️⚡️

2025 йил юртимизда “Атроф-муҳитни асраш ва “яшил” иқтисодиёт йили” деб эълон қилинди.

@oltin_voha

#телекомга_гап_йў
#жа_унақа_кулиб_ташамела
#бизарам_одам

Бир тошбақа бўлган экан. У Қозоғистонга бориб, осбақа бўлибди. Ўзбекистонга келиб жизбақа бўлибди, деган ғирт уйдирма юморни ўқигандирсиз.

Ўша тошбақа Оҳангаронга келибди. Оҳбақа бўлдим, деб бақирса, интернет чўта тинчмиш. Ҳеч ким у ҳақда ёзмасмиш.

Тошбақа секин суриштирса, бияғда интернет узиб ташланган экан. Телеком истаса ишларкан, хоҳламаса ишламаскан. Истеъмолчига ҳеч ким чурқ деган изоҳ айтмас экан.

Тошбақанинг ҳафсаласи пир бўлиб, воҳбақа бўлиб қотиб турган жойи экан. Шунда у кўзида ёш билан байт тўқиворибди:

Оҳангарон бўлди обод,
Мен йиғламай, ким йиғласин...

P.S. Оҳангарон Телеком интернетни огоҳлантирмасдан узгани, аҳолини, ташкилотларни интернетсиз қолдиргани ва бу ҳақда изоҳ бермагани учун лопатка услубида ёзилди.

Ҳурматли Музаффар Эркабоевич, сиз инвесторлар ҳақида қайғуряпсиз, шаҳарни яшил ҳудудга айлантиришга, халқ турмуш даражасини кўтаришга ҳаракат қиляпсиз, ташқарида эса замонавий дунёнинг бош талаби - интернет йўқ...

@oltin_voha

#Диққат

Эркин Бекзод Эркин ўғли номига берилган ID карта ва пластиклар Ёшлар ишлари агентлиги Оҳангарон шаҳар бўлими биноси (Ватанпарвар" ташкилоти ёнидаги бино) да тушириб қолдирилган. Топиб олганлардан 99-848-24-26 рақамига боғланишлари сўралади.

Суюнчиси бор!

@oltin_voha

#Ностальгия

Баҳодир Мамажонов
"18 ёшимда эди"

Куз ҳам тилларанг сарпоси этакларини йиғиб, кетишга чоғланмоқда. Йигирма тўртинчи йилнинг бу фаслида нимага эришдик, нималарни бой бердик, сарҳисобга чўчийсан гоҳо...

Ҳадемай остонада мўйсафид Қиш томоқ қиради. Тирикликнинг, тирикларнинг ташвиши янада ортади...

Келинг, азизим, қув-қув, чоп-чоплардан бир зум тин оламиз. Ёшликка, юрак соғинган асл туйғуларга қайтамиз. Ишонинг, қолгани бўладиган гаплар...

____

Бизларга бахт тилаб қушлар тинмасди,
Бу олис ўн саккизда ёшимда эди...

@oltin_voha

​#Кузатиш

Бугунги кун психологлари қандайдир нотўғри йўлдан кетяпти. Айниқса, аёлларнинг қалбига "ёқимли ўлим вируси" юқтиряпти. Эгоизм, айёрлик, қасдма-қасдига яшаш, ўч олишга очиқчасига даъватлар урчиди. Бу иллатнинг оилалар таназзулига таъсирини ўлчайдиган ускуна йўқ, афсуски.

Аёл итоати ва хушмуомаласи билан гўзал. Унинг бахти шунда. Оиладаги тенглик деганда аёлнинг безбетлиги, тўрсайиб эрига гап қайтариши тушунилмайди. Муҳаббатни нафратга айлантирадиган омил – чучмал психологларнинг бир тийинга қиммат маслаҳатларидир.

Аёл киши қулоғи билан севади. Унга ёқимли ва эгоизмни ривожлантиришга хизмат қиладиган гаплар айтиб бошини айлантираётган руҳшунослар на олим, на ҳаёт мактабини тузукроқ кўрган инсон. Уларнинг гапига тупуриб, аёл ўз ҳаётини асраб-авайлайвериши керак. Аёл ўйлаши керак: эртага мен ўзимга ўхшаган итфеъл характерли қизни ўғлимга раво кўраманми, хўш, айнан мана шу "ақлли" психолог хонимни келин қилган бўлармидим? Албатта йўқ, у фаришта, ҳалим, ўғлига ақл ўргатадиган эмас, хотинлик қиладиган қизни излайди.

Ўзбекистонда ҳақиқий психология илми бор ва улар ҳам интернетда вазминлик билан, илмий асосланган гаплар билан чиқиш қиладилар. Улар рекламага муҳтож эмас. Яна шуни дангал айтиш керакки, телефон экранларини тўлдириб, тутуруқсиз чиқишлари билан ўзини пиар қилаётган аёлларнинг ҳеч бири ҳақиқий психолог эмас. Улар инфолўли.

Психология қутуриш сирлари ҳақидаги фан эмас. Ўзини босиб олиш, орқа-олдига қараб иш тутишни ўргатадиган соҳа, фан. Шу. Умуман, шу кунларда бир-иккита психологларнинг "оламшумул" нутқлари, пулга очилиш, саёҳатга очилиш, қанақадир диний ибодатга ўхшаб кетадиган кармалари, асл мусиқадан узооқларда бўлган мусиқалари ҳақида ёзмоқчи бўлиб юрибман. Қуруқ сафсатадан иборат, мантиқий асослари ўта заиф ва оми, ўртача, ундан паст савияли хотин-қизлар учун мўлжалланган дарс машғулотларини таҳлил қилмоқчиман.

Эгоизмда ҳам меъёр бўлиши керак. Акс ҳолда бундай ахлоқсиз психология билан қуролланган аёл ҳеч кимга керак бўлмаган, ўзидан бошқа бировга ёқмайдиган бир қоп гўштга, ижтимоийлашмаган махлуққа айланади, қариганда итдек хор бўлади.

✍️Хорун Рашидов
🎨Фаррух Авелов

@oltin_voha

#Тайинлов

Тошкент вилояти ҳокими биринчи ўринбосари Эркин Муҳитдинов Экология вазирлигининг Ўрмон, биохилмахиллик ва экотуризм сиёсатини юритиш департаменти бошлиғи лавозимига тайинланди.

Эркин Муҳитдинов вилоят ҳокимига 2024 йил 20 май куни биринчи ўринбосар этиб тайинланган. Ундан олдин, 2023 йилнинг август ойидан Оҳангарон туманига ҳокимлик қилиб келаётганди.

@oltin_voha

#Аёллар_куч ✊

Қизиқ бир фикрни ўқиб қолдим:

Эркак қаерда бўлмасин, ё онаси, ё аёли бор жойга талпиниб яшайди. Бу дегани аёл Ватандир.

Эркак эса ҳеч қачон Ватан бўла олмайди, нари борса Давлат бўлиши мумкин.

Шу фикрга қўшиласизми?Қўшилганлар 👍, маъқулламаганлар 👎 босинг.

@oltin_voha

#Огоҳбўлинг

Ўрта Чирчиқдаги корхонада газ портлади

Бугун соат 7:46 да Ўрта Чирчиқ тумани Ким Пен Хва маҳалласидаги корхонанинг маъмурий-хўжалик биносида газ портлади. Чақнаш оқибатида бир киши вафот этгани, 6 киши тан жароҳати билан шифохонага ётқизилгани айтилмиоқда.

Ҳозирда ҳолат юзасидан дастлабки терговолди суриштирув ишлари олиб борилмоқда.

Совуқ тушди, газ ва электр асбобларидан фойдаланишда эҳтиёткорликни кучайтириш керак. Огоҳ бўламиз!

@oltin_voha

⚡️⚡️⚡️

Бугун Президент Шавкат Мирзиёев Тошкент вилоятига ташриф буюриб, транспорт, энергетика ва туризм соҳаларида амалга оширилаётган ишлар, истиқболли лойиҳалар билан танишади.

@oltin_voha

#Таъзия

Ҳалима Ибрагимова хасталикдан вафот этди.

Бу ҳақида Ўзбекистон халқ артисти Юлдуз Усмонова ўз инстаграм саҳифасида маълум қилди.

@oltin_voha