#Seminar

📍Respublikaning bir qator viloyatlaridan kelgan sektor rahbarlari uchun “Olmazor holding grand” boshqaruv tashkiloti faoliyatiga bag’ishlangan amaliy seminar bo’lib o’tdi.

Mazkur seminar Qurilish va uy-joy kommunal xo’jaligi vazirligi, Prokuratura va boshqa mutasaddi tashkilotlar tomonidan ayni damda Davlat boshqaruvi akademiyasida malakasini oshirayotgan, respublikaning turli viloyatlaridan kelgan 300 nafarga yaqin sektor rahbarlari uchun tashkil etildi.

🏘 Vazir o’rinbosari Ozoda Jo’rayeva so’zga chiqib, bugungi kunda kommunal sohani rivojlantirishga qaratilgan keng islohotlar, bunda davlat organlarining ishtirokiga alohida urg’u berdi. Xususan, Prezidentimiz tashabbusi bilan ko’p qavatli uylarga xizmat ko’rsatuvchi boshqaruv tashkilotlari faoliyatini qo’llab-quvvatlash, ularga ko’mak berish yo’nalishida Prokuratura, Ichki ishlar va hokimlikning muhim ahamiyatini e’tirof etdi.

Tadbir davomida ishtirokchilar kompaniya binosi, moddiy-texnika bazasi, qo’shimcha servis xizmatlar, tadbirkorlik faoiyatlari bilan yaqindan tanishishga muvaffaq bo’ldilar.

Shuningdek, seminar qatnashchilariga Chilonzor tumanidagi ikkita mahalla iste’molchilarini elektr va issiqlik energiyasi bilan barqaror ta’minlashga qaratilgan zamonaviy kogeneratsiya qurilmasi haqida ma’lumot berildi.

Ta’kidlash lozimki, mazkur ilg’or tajribalarni respublika miqyosida keng qo’llash bugungi xalqchil islohotlarning borishida xizmat qiladi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|