ҲУРМАТЛИ ТАДБИРКОРЛАР ВА ФУҚАРОЛАР !

📣 Жорий йилнинг IV-чораги учун тасдиқланган жадвалга асосан Олмазор туманидаги Ўзбекистон Республикаси Бош вазирининг Тадбиркорлар мурожаатларини кўриб чиқиш қабулхонаси ташаббуси билан туманнинг “Гуручариқ” МФЙ ҳудудида фаолият кўрсатаётган тадбиркорлик субъектлари ҳамда тадбиркорлик фаолияти билан шуғулланиш истагида бўлган фуқароларни ташвишлантираётган муаммоли масалаларни ўрганиш ва уларни жойида ҳал қилиш бўйича 2020 йил 18-декабрь куни сайёр қабул ўтказилиши режалаштирилган.

👉 Ушбу тадбир 2020 йил 18-декабрь куни соат 11-00 да тумандаги “Гуручариқ” МФЙ мажлислар залида бўлиб ўтади.

👉 Мазкур тадбирда Олмазор туман ҳокимлиги, ҳуқуқни муҳофаза қилувчи идоралар, банк муассасалари, Кадастр хизмати, Давлат хизматлари маркази, Адлия бўлими, Савдо-саноат палатасининг туман бўлими ва бошқа бир қатор ташкилот ва корхоналарнинг раҳбарлари, шунингдек мурожаатларни кўриб чиқиш буйича ишчи гуруҳи аъзолари иштирок этади.

👉 Шу муносабат билан Сизни ушбу тадбирга таклиф этиш билан бирга, Сиз фаолият юритаётган ҳудудидаги ёки яшаш жойингиз бўйича МФЙ ҳудудидаги мавжуд муаммоли масалалар юзасидан тадбиркорларни ҳамда тадбиркорлик фаолиятини йўлга қўйиш истагида бўлган фуқароларни ушбу тадбирга жалб қилишда амалий ёрдам кўрсатишингизни сўраб қоламиз.

👉 Маълумот учун тел: (+71) 207-77-86; (+99) 814-88-98 Олмазор туманидаги Ўзбекистон Республикаси Бош вазирининг қабулхонаси

👍 Бугун Тошкент шаҳар каналлар бошқармаси ҳамда Олмазор тумани ҳокимлиги томонидан туманнинг “Олимпия” ва Беруний номли маҳаллалари кесишувидан ўтган Сағбон коллекторида тозалаш ишлари бошланди. Коллектор бўйида қад ростлаган ноқонуний қурилмалар бузиб ташаланади, атрофи ободонлаштирилади. Гап шундаки унга яқин худудда замонавий хунармандлик маркази бунёд этилиши режалаштирилган. Атрофи эса обод гўшага айлантирилади. Яқин кунларда Олимпия маҳалласида яна бир ҳам обод ҳам фойдали гўша аҳоли учун хизмат қилишни бошлайди.

🖌 Олмазор тумани ҳокимлиги
Матбуот хизмати

Facebook | Instagram | Telegram

👍 Олмазор туманидаги 24-умумтаълим мактабида “Ёшлар-келажак бунёдкори” шиори остида маънавий-маданий тадбир ташкил этилди. Тадбир доирасида ўқувчиларнинг киноактёрлар, исломшунос олимлар, депутатлар, шоирлар билан учрашуви ташкил этилди. Табдирнинг маданий қисмида эса Ўзбекистон давлат консерваторияси талабалари томонидан миллий ва классик мусиқа ижроси бўйича махорат дарслари ўтказилди. Ёшлар фестивалида таниқли ошпазлар ва қандолатчиларнинг махорат дарслари ҳам ташкил этилганлиги ўқувчиларда зўр қизиқиш уйғотди. Ички ишлар органлари вакиллари эса ёшлар хуқуқлар бўйича тушунчалар беришди. Бир сўз билан айтганда Ёшлар фестивали ҳақиқий байрамга айланди.


🖌 Олмазор тумани ҳокимлиги
Матбуот хизмати

Facebook | Instagram | Telegram

💡Олмазор туманининг Себзор даҳасида жойлашган “Намуна” маҳалласида туман электр тармоқлар корхонаси ишчилари томонидан янги электр устунлари ўрнатилган эди. Эндиликда улар эски устунларни олиб ташлашмоқда. Маҳалла аҳолисини узлуксиз электр токи билан таъминлаш мақсадида эса 1.100 метр узунликдаги замонавий СИП кабеллари ўтуказилди. Аҳоли эса бундан жуда мамнун. Бугунги кунда Олмазор тумани электр тармоқлари корхонаси ишчи ходимлари тумани аҳолисини электр энергияси билан узлуксиз таъминлаш мақсадида барча зарурий чора тадбирларни амалга оширишмоқда.

🖌 Олмазор тумани ҳокимлиги
Матбуот хизмати

Facebook | Instagram | Telegram

🩺 Ўзбекистон Республикаси Президентининг 2020 йил 6 ноябрдаги видеоселекторда берган топшириқлари ҳамда "Бирламчи тиббий-санитария ёрдами муассасалари фаолиятига мутлақо янги механизмларни жорий қилиш ва соғлиқни сақлаш тизимида олиб борилаётган ислоҳотлар самарадорлигини янада ошириш чора-тадбирлари тўғрисида”ги фармони ижросини таъминлаш мақсадида Ўзбекистон Республикаси Соғлиқни сақлаш вазирлиги томонидан Олмазор туман тиббиёт бирлашмаси тизими билан Республика вилоятлари соғлиқни сақлаш бошқармалари ва Фармонда кўрсатилган 26 та туман тиббиёт бирлашмалари бош хамширалари учун семинар ташкил этилди. Унда туман тиббиёт бирлашмасида аҳоли орасида ўтказилаётган хатлов ва антропометрия жараёнлари ҳақида батафсил маълумот берилди. Вилоятлардан ташриф буюрган бош хамширалар ўзларини қизиқтирган барча саволларига жавоблар олишди ва келгусида Олмазор туман тажрибаси билан ҳамкорлик қилишни режалаштиришди.


🖌 Олмазор тумани ҳокимлиги
Матбуот хизмати

Facebook | Instagram | Telegram

✅ Халқ депутатлари Олмазор тумани Кенгашининг
II чақириқ йигирма учинчи сессия бўлиб ўтди

Унда Олмазор туманининг ривожланиш даражасини баҳолашнинг асосий рейтинг кўрсаткичлари юзасидан амалга оширган ишлари, “Саховат ва кўмак” умумхалқ ҳаракати доирасида ташкил топилган “Темир дафтар” рўйхатидан аҳолини босқичма-босқич борасида кўрилаётган чора тадбирлар, эрта турмуш ва эрта туғруқ ҳолатлари ҳамда оилавий ажримлар билан боғлиқ муаммоларни бартараф этиш бўйича Олмазор туманида амалга оширилган ишлар ҳамда 2021 йилда туманда ижтимоий соҳада бажарилиши лозим бўлган вазифалар муҳокама этилди.

🖌 Олмазор тумани ҳокимлиги
Матбуот хизмати

Facebook | Instagram | Telegram