#MeniEshiting #BolalarniAsraylik

Oilada farzandni tarbiyalash, unga asosiy e’tiborni qaratish va eshita olish — bolaning kelajakda kamol topishi va rivojlanishidagi muhim omil.

Bola har bir so‘zi va fikrini namoyish etar ekan, o‘z yaqinlari tomonidan uni tinglashayotgani, oilada unga nisbatan befarqlik hissi uyg‘onmaganligini ma’nan his qiladi, natijada undagi bor qobiliyat namoyon bo‘la boshlaydi, maqsadi sari intiladi.

Bolaga beparvolik, uning qadr-qimmatini oyoqosti qilish, salbiy muomala va jazo unga nisbatan zo‘ravonlikdir. Bugun bolalarga nisbatan zo‘ravonlikning har qanday ko‘rinishiga ko‘z yumishni to‘xtatish har qachongidan muhim ahamiyatga ega. Albatta, bolalarning huquq va erkinliklari, ularning manfaatlarini himoya qilish ham davlatimiz tomonidan olib borilayotgan ijtimoiy himoya siyosatining ustuvor yo‘nalishidir.

Aziz ota-onalar, hayotiy turmush va ruhiy holatingizdagi salbiy jarayonlar sabab o‘z farzandingizni umid ovozlarini eshitishni unutmang, murg‘ak qalbini sindirishga yo‘l qo‘ymang.

“Meni eshiting” PR-kampaniyasining ishga tushirilishida zo‘ravonlikka uchragan va undan aziyat chekayotgan bolalarning baralla yangraydigan ovoziga aylanishiga katta umid bog‘ladik. Bu orqali bola hayotida ijobiy o‘zgarishlar yuz berishiga, ular uchun xavfsiz muhit yaratishga sezilarli darajada hissa qo‘shishiga ishonamiz.

Keling, birgalikda har bir farzandimizga xavfsiz o‘sishi va rivojlanishi yo‘lida muhabbat va g‘amxo‘rlikka to‘la dunyoni taqdim etaylik. Bizni qo‘llab-quvvatlang — zo‘ravonliksiz mo‘jizakor bolalikni yarating!

📝 telegram 💻 instagram
📝 facebook 🐧 xcom
🎞 youtube 🎖 ihma.uz