"Tariximsan, taqdirimsan, kelajagimsan, ona tilim!"
21 oktyabr kuni Olmaliq shahar "Kimyogar" madaniyat markazida Davlat tili qabul qilinganining 30 yilligiga bag'ishlab "Tariximsan, taqdirimsan, kelajagimsan, ona tilim!" shiori ostida katta bayram kechasi bo'lib o'tdi.
Olmaliq shahar hokimligi va shahar Xalq ta'limi bo'limi bilan hamkorlikda o`tkazilgan mazkur tadbir madaniyat markazi foyesida tashkil etilgan ko'rgazmadan bishlandi. Ko'rgazmada shahrimizdagi 25 ta umumta'lim maktablari jamoasi tomonidan davlat tiliga bag'ishlangan turli qo'l mehnati va ko'rgazmalari namoyish etildi.
Shundan so'ng, faollar zalida davom etgan tadbir sahna ko'rinishi bilan boshlandi. Unda hujjatlar yuritishda hali xanuz davlat tiliga e'tiborsizlik bilan qaralayotgani tanqid ostiga olindi.
Sahna ko'rinishidan so'ng katta ekranda O'zbek tilining davlat tili sifatida qonun qabul qilinishida bosib o'tilgan qiyinchiliklar va namoyishlar aks ettirilgan videorolik namoyish etildi.
Tadbirda so'z olgan Olmaliq shahar hokimi Usmon Rahimov Davlat tili to'g'risidagi qonunning qabul qilinganining 30 yilligi munosabati bilan Olmaliq shahrida ham ko'plab tadbirlar bo'lib o'tayotganligini va bu borada erishilayotgan islohatlar xususida aytib o'tdi. Bizga bu haqda OKMK TV muxbiri Munira Nazarova xabar qilmoqda.
@olmaliq7_24

Марказий сайлов комиссияси ахбороти
"Марказий сайлов комиссияси жорий йил 22 декабрда парламент ва маҳаллий кенгашларга бўладиган сайловларда депутатликка номзодларни кўрсатишда сиёсий партиялар ишига маҳаллий ижроия ҳокимияти органлари, ҳокимлар томонидан аралашиш ҳолатлари бўлаётгани тўғрисида ижтимоий тармоқлардаги хабар ва ахборотларга эътибор қаратди.
Марказий сайлов комиссияси қайд этадики, Ўзбекистон Республикаси Сайлов кодексининг 37-моддасига мувофиқ Ўзбекистон Республикаси Олий Мажлиси Қонунчилик палатаси депутатлигига номзод, маҳаллий Кенгашлар депутатлигига номзод кўрсатиш ҳуқуқига сиёсий партиялар эгадир. Бу ҳуқуқ сиёсий партияларнинг мутлақ ваколати ҳисобланади.
Сиёсий партияларнинг депутатликка номзод кўрсатиш ишига ноқонуний аралашиш қонун билан таъқиб қилинади ва жавобгарликка сабаб бўлади.
Марказий сайлов комиссияси юқоридаги каби ҳолатлар мавжуд бўлса, асослантирилган фактлар билан ҳуқуқни муҳофаза қилувчи идораларга мурожаат қилишингизни ва бу тўғрида Марказий сайлов комиссиясини хабардор қилишингизни сўрайди.
Шунингдек, ушбу ҳолатлар юзасидан Марказий сайлов комиссиясининг 1197 рақамли “Ишонч телефони”га ҳам мурожаат қилишингиз мумкин."
Марказий сайлов комиссияси
Халқаро матбуот маркази
@olmaliq7_24

Лотин ёзувига асосланган ўзбек алифбосини тўлиқ жорий этиш борасидаги ишлар жадаллаштирилади
«Ўзбек тилининг давлат тили сифатидаги нуфузи ва мавқеини тубдан ошириш чора-тадбирлари тўғрисида»ги Президент фармони имзоланди.
Унга кўра:
👉 Вазирлар Маҳкамаси тузилмасида Давлат тилини ривожлантириш департаменти ташкил этилади;
Департаментнинг асосий вазифалари:
• давлат тилини ривожлантириш, давлат тили тўғрисидаги қонун ҳужжатларига риоя этилиши устидан мониторингни амалга ошириш, ушбу соҳада жамоатчилик назоратининг самарали шаклларини жорий этиш;
• давлат органлари ва ташкилотлари, жумладан, маҳаллий ижро этувчи ҳокимият органларининг давлат тили тўғрисидаги қонун ҳужжатларига риоя этилиши устидан давлат назоратини ташкил қилиш;
• давлат тилининг амал қилиши билан боғлиқ муаммоларни аниқлаш ва бартараф этиш юзасидан таклифлар тайёрлаш;
• ўзбек тилининг ёзма нутқи меъёр ва қоидаларини ишлаб чиқиш бўйича ҳамда лотин ёзувига асосланган ўзбек алифбосини тўлиқ жорий этиш борасидаги ишларни жадаллаштириш;
• илмий асосланган янги сўз ва атамаларни истеъмолга киритиш, замонавий атамаларнинг ўзбекона муқобилларини яратиш ва бир хилда қўлланишини таъминлаш;
• географик ва бошқа топонимик объектларга ном берилиши борасидаги фаолиятни мониторинг қилиш ва мувофиқлаштириш;
• давлат тилини ривожлантиришга оид илмий-тадқиқот ишларини қўллаб-қувватлаш, бу соҳада халқаро ҳамкорликни амалга ошириш.
👉 «Ўзбек тили байрами куни»ни белгилаш бўйича қонун лойиҳаси ва «Давлат тили ҳақида»ги Қонуннинг янги таҳрирдаги лойиҳаси ишлаб чиқилади;
👉 хорижий давлатлар тажрибасини чуқур ўрганган ҳолда илмий асосланган янги сўз ва атамаларни расмий истеъмолга киритиш бўйича Атамалар комиссияси ташкил этилади;
👉 2020-2030 йилларда ўзбек тилини ривожлантириш ҳамда тил сиёсатини такомиллаштириш концепцияси ва давлат дастури ишлаб чиқилади.
@olmaliq7_24

Ҳурматли ҳамшаҳарлар! Азиз тадбиркор ва ишбилармонлар! Бизнесингиз ривожи учун катта имконият!
18 соат узлуксиз эфирга чиқувчи, 150 000 кишидан ортиқ аудиторияга эга бўлган ОКМК ТВ ДАСТЛАБКИ тижорат таклифларига тайёр. Мақсадимиз - биргаликда юксалишдир.
ОКМК ТВ - Яқинлар билан яхшироқ.
Реклама бўлими: 93 112 1050

«Олмалиқ КМК» АЖнинг 70 йиллиги тантаналари: Нима? Қачон? Қаерда?
2019 йил 24 октябрь куни “Олмалиқ КМК” АЖнинг 70 йиллиги тантаналари кенг нишонланади.
Шу куни соат 10.00да байрам тадбири меҳмонлари комбинат тарих музейига ташриф буюришлари мумкин бўлади.
Соат 11.00да эса “Металлург” МС қутлуғ айём муносабати билан тантанали йиғилиш ўтказилади. Ушбу йиғилишида Ўзбекистон Республикаси ҳукумати вакиллари ҳам иштирок этиши кутилмоқда. Тантанали йиғилишда комбинатнинг бир гуруҳ фаол ишчи-ходимларига ҳукумат мукофотлари ҳам топширилади.
Соат 15.00да “Олтин олма” ҳиёбони ҳамда “Дельфин” аква парки атрофида комбинат корхоналарида томонидан тайёрланган ишлаб чиқариш жараёнини акс эттирувчи экспонатлар, моделлар ва макетлар кўргазмаси ташкил этилади.
Комбинат 70 йиллиги учун тайёрланган махсус дошқозонда Ўзбекистон ошпазлар уюшмасининг моҳир ошпазлари томонидан 5 тонналик ош дамланади. Миллий таомимиз бўлган ош комбинат меҳнат аҳлига, Олмалиқ шаҳри аҳолисига, тадбир меҳмонларига ҳамда Болалар уйларига тарқатилади.
Соат 17.00да эса ОКМК спорт мажмуасида ўзбек эстрада юлдузлари иштирокида катта байрам концерти ўтказилади. Байрам тадбири соат 19.00да мушакбозлик билан якунланади.
ОКМК Ахборот хизмати
@olmaliq7_24