Муаммолар тингланиб, ечимлари изланди

Шу йилнинг 23 январь куни Тошкент шаҳар суди Иқтисодий ишлар бўйича судлов ҳайъатининг судьялари, шунингдек Тошкент туманлараро иқтисодий судининг судьялари томонидан Тошкент шаҳридаги бир қатор маҳаллаларда “Аёллар дафтари”га киритилган хотин-қизлар билан суҳбатлар ўтказилди.

Хусусан, Тошкент шаҳар судининг Иқтисодий ишлар бўйича судлов ҳайъатининг судьялари А.Усмонов, М.Султонов ва И.Хакимова Чилонзор туманидаги “Оқ тепа” МФЙ, судья А.Нарзуллаев Мирзо Улуғбек туманидаги “Оқибат” МФЙ, судья Р.Сагатов Юнусобод туманидаги “Шаҳристон” МФЙ, судья Ғ.Машкуров Яккасарой туманидаги “Яккасарой” ва “Ракат” МФЙ, судья Б.Кеунимжаева Учтепа туманидаги “Абдулла Қодирий” МФЙ, судья Т.Аннаева Янги ҳаёт туманидаги “Гулшанобод” МФЙ, судья А.Ибрагимов Учтепа тумани “Қўрғонтепа” МФЙ, судья Б.Исрайлов Янги ҳаёт туманидаги “Янги Чоштепа” МФЙларда, шунингдек Тошкент туманлараро иқтисодий судининг судьялари Ф.Ёдгоров ва В.Ли Учтепа туманидаги “Абдулла Қодирий” МФЙ, судья Н.Абдурахмонова Сергели туманидаги “Эзгулик” МФЙ, судья О.Исмоилов Яшнобод туманидаги “Чашма” МФЙ, судьялар М.Эргашев, О.Гулямова, Н.Хамидовлар Яшнобод туманидаги “Тўйтепа” МФЙ, судья И.Ражабов Сергели туманидаги “Ёрқин ҳаёт” ва “Йўлдош” МФЙларда давра суҳбатлари ва сайёр қабуллар ташкил этишди.

Хотин-қизлар, маҳалла фаоллари иштирок этган мазкур учрашувлар “Аёллар дафтари”да рўйхатда турган хотин-қизларнинг мурожаатлари ва мавжуд муаммолари ўрганиб чиқилди.
Ўзбекистон Республикаси Вазирлар Маҳкамасининг 2021 йил 8 январдаги “Хотин-қизларни ижтимоий қўллаб-қувватлаш бўйича қўшимча чора-тадбирлар тўғрисида”ги қарори билан тасдиқланган “Аёллар дафтари”ни юритиш бўйича вақтинчалик Тартибнинг мазмун ва моҳиятини тушунтириш билан бирга, оила ва жамият ҳаётида хотин-қизлар муҳим ўрин ва мавқега эга эканлиги таъкидлаб ўтилди, мамлакатимизда аёлларга, хусусан тадбиркор аёлларга берилган эътибор ҳамда қонун ҳужжатларида уларга берилаётган имтиёзлар халқчил тилда тушунтириб ўтилди.
Учрашувларда Тошкент шаҳар судлари учун тасдиқланган “Йўл харита”сининг ижроси, “Менинг маҳаллам – менинг судьям” ғояси, тадбиркорлик субъектларининг ҳуқуқлари ҳамда қонуний манфаатларининг бузилиши ҳолатларини олдини олиш юзасидан ҳам маърузалар қилиниб, иштирокчиларга ўзларини қизиқтирган масалалар юзасидан тегишли ҳуқуқий тушунтиришлар берилди.

Йиғилишлар сўнгида келгусида нафақат “Аёллар дафтари”да рўйхатда турган хотин-қизлар, балки маҳаллаларда яшовчи барча хотин-қизларни ҳам қийнаб келаётган, узоқ вақтдан буён ҳуқуқий ечимини топмаётган муаммоларни ечишда ҳуқуқни муҳофаза қилувчи органлар билан самарали фаолият ва ҳамкорликда ёқиндан ёрдам бериш, муаммоларни тизимли ҳал этиш орқали хотин-қизларни қўллаб-қувватлаш бўйича келишиб олинди.

Тошкент туманларо иқтисодий суди

Каналга уланиш 👉@oliysuduz

Ҳуқуқингизни биласизми?

Каналга уланиш 👉@oliysuduz

Аёлларнинг муаммоларини ўрганиш, уларга ҳуқуқий жиҳатдан кўмак бериш мақсадида жорий йил 23 январб куни "Аёллар дафтари”га киритилган хотин қизлар билан очиқ мулоқот ўтказиш мақсадида, “Менинг маҳаллам-менинг судьям” ғояси асосида фуқаролик ишлари бўйича Тошкент шаҳар Учтепа туманлараро суди раиси М. Имомов, раис ўринбосари Г. Абдурахмонова, судьялар Х. Эргашева, Л.Утанбоева, Б.Гадоев, Д. Хасанов, Н.Мирзакаримова, Н. Муротов томонидан Чилонзор ва Учтепа туманларидаги маҳалла фуқаролари йиғинларида САЙЁР ҚАБУЛлар ташкил этилиб, унда хотин-қизларго оид ижтимоий муаммолар ўрганилди ва ҳуқуқий тушунтиришлар берилди.

Каналга уланиш 👉@oliysuduz

Қорақалпоғистонда судьялар аёллар учун қабул ўтказдилар

Каналга уланиш 👉@oliysuduz

Хотин-қизларни қўллаб-қувватлаш мақсадида сайёр қабул ўтказилди

Аёлни эъзозлаш, унга эҳтиром кўрсатиш ўзбек халқига хос олижаноб хусусиятлардан биридир. Шу маънода Ўзбекистонда хотин-қизларнинг жамиятдаги ўрни ва мавқеини мустаҳкамлаш борасида давлат аҳамиятига молик тарихий ишлар амалга оширилмоқда. Зеро, жамиятда сиёсий, ижтимоий-маънавий муҳит барқарорлиги ва тараққиёти аёлларга, оилага бўлган муносабат ва эътибор билан боғлиқ.

Ўзбекистон Республикаси Президенти Ш. Мирзиёевнинг “Аёллар дафтари”ни шакллантириш ишларини янада жадаллаштириш ва аёллар билан ишлаш тизими самарадорлигини ошириш бўйича берган топшириқлари ҳамда Ўзбекистон Республикаси Вазирлар Маҳкамасининг 2021 йил 8 январдаги “Хотин-қизларни ижтимоий-қўллаб-қувватлаш бўйича қўшимча чора-тадбирлар тўғрисида”ги 2-сон қарори ижросини таъминлаш мақсадида, аёллар муаммоларини тизимли равишда ҳал этиш, уларни ижтимоий қўллаб-қувватлаш бўйича Республика комиссиясининг 2020 йил 21 декабрдаги кенгайтирилган йиғилишининг 2-сонли баёнига кўра, Чирчиқ шаҳри ва Оққўрғон туманида амалга оширилган тажриба-синов натижаларидан келиб чиқиб, барча туман ва шаҳарларда “Аёллар дафтари”га киритилган хотин-қизлар, муаммолари мавжуд аёллар, шунингдек, тадбиркор аёлларга ҳуқуқий маслаҳатлар бериб бориш тизимини самарали жорий этиш, Ахборот ва оммавий коммуникациялар агентлиги билан биргаликда оммавий ахборот воситалари орқали хотин-қизларга ҳуқуқий тавсиялар бериб бориш, уларга самарали тушунтиришга қаратилган роликларни тайёрлаш, шунингдек, давлат органларининг расмий саҳифаларида ҳамда ижтимоий тармоқларда алоҳида саҳифалар ташкил қилиш орқали аёлларга ҳуқуқий маслаҳатлар ва хотин-қизларни қўллаб-қувватлаш, тадбиркорликка оид қонунчиликдаги янгиликларни бериб бориш тизимини йўлга қўйиш бўйича идоралараро ишчи гуруҳини тузиш, жойларда хотин-қизларнинг ҳуқуқлари, эркинликлари ҳамда қонуний манфаатларини ҳимоя қилишда суд ва прокуратура органларининг самарали фаолиятини ва ҳамкорлигини таъминлаш тавсия этилган.

Юқоридагиларни инобатга олиб, Сурхондарё вилоятининг барча шаҳар ва туманларида хотин-қизларнинг муаммоларини тизимли ҳал этиш ва уларни қўллаб-қувватлаш мақсадида комиссиянинг жойлардаги ҳудудий ишчи гуруҳи билан ўзаро ҳамкорликни йўлга қўйиб, Сурхондарё вилоятининг барча шаҳар ва туманлари кесимида “Аёллар дафтари”га киритилган хотин-қизларга самарали ва ҳуқуқий ёрдам кўрсатилишини таъминлаш мақсадида 2021 йил 23-январь куни Термиз шаҳар, Ангор, Бойсун, Шеробод, Олтинсой, Шўрчи, Термиз, Сариосиё, Денов, Қумқўрғон, Жарқўрғон, Узун, Музработ, Қизириқ ва Бандихон туманларининг тегишли маҳалла ва оилани қўллаб-қувватлаш бўлимлари ва сектор бинолари ҳудудларида Сурхондарё вилояти ва Сурхондарё вилояти маъмурий судлари, жиноят ишлари бўйича, фуқаролик ишлари бўйича туман (шаҳар) ва туманлараро судлари ва туман иқтисодий судлари судьялари томонидан сайёр қабул ўтказилиб, мазкур ҳудудлардаги “Аёллар дафтари”га киритилган ва суд -ҳуқуқ соҳасига оид масалалар юзасидан ҳуқуқий ёрдамга муҳтож 206 нафар хотин-қизларга ҳуқуқий ёрдам кўрсатилиб, уларнинг ҳуқуқий, ижтимоий-иқтисодий масаладаги муаммолари тизимли равишда ҳал этилди.

Қабул қилинган хотин-қизларнинг аксарияти яъни 147 нафари суд-ҳуқуқ масалаларида, 59 нафари эса ижтимоий-иқтисодий ва бошқа масалалар бўйича мурожаат қилишган.
Суд-ҳуқуқ масалаларидаги 147 та мурожаатлардан 104 таси бўйича ҳуқуқий тушунтиришлар берилди, 43 та мурожаат эса жойида ижобий ҳал этилиб, қаноатлантирилди.
Ижобий ҳал этилган суд-ҳуқуқ соҳасидаги 43 та мурожаатлар юзасидан; 15 нафар аёлнинг мурожаати бўйича 15 нафар фуқаро жазони ўташдан муддатидан илгари шартли озод этилди; 20 нафар аёлнинг алимент ундириш ҳақидаги мурожаатлари ижро қилиш учун МИБ бўлимига юборилиб, ижроси назоратга олинди; 4 нафар аёлнинг юридик ахамиятга эга бўлган фактларни белгилаш ҳақидаги мурожаати ўрганилиб қаноатлантирилди; 4 нафар аёлнинг мурожаати ўрганилиб, ажрим ёқасига келиб қолган 4 та оила яраштирилди.

Каналга уланиш 👉@oliysuduz