Самарқандда қандай турдаги жиноятлар кўпайган ва қайси ҳудудларда?

Жиноят ишлари бўйича вилоят суди раисининг қайд этишича, жорий йилнинг 9 ойи давомида қасддан баданга ўртача оғир шикаст етказиш билан судланганлар ўтган йилнинг шу даврига нисбатан 25 тага, қасддан баданга енгил шикаст етказиш 46 тага, транспорт воситалари ҳаракати ёки улардан фойдаланиш хавфсизлиги қоидаларини бузиш 28 тага, гиёҳвандлик воситалари ёки психотроп моддаларни ўтказиш мақсади кўзланган жиноятлар, қонунга хилоф равишда сақлаш ва ҳоказолар 17 тага, безорилик 23 тага, қимор ва таваккалчиликка асосланган бошқа ўйинларни ташкил этиш 14 тага кўпайган.

Батафсил ўқиш 👉 https://zarnews.uz/post/samarqandda-qanday-turdagi-jinoyatlar-kopaygan-va-qaysi-hududlarda

Каналга уланиш 👉@oliysuduz

Тошкентда “ўғри энага”га суд ҳукми ўқилди

Маъмура Собирова (исм-шарифлар ўзгартирилган) 2020 йил 25 январь куни ўзганинг анча миқдордаги мулкини яширин равишда талон-торож қилиш мақсадида, Тошкент шаҳар, Шайхонтоҳур тумани, Жангоҳ маҳалласидаги хонадонлардан бирида энага бўлиб ишлаб келиб, қаровсиз қолдирилган жабрланувчи Баҳора Хурсановага тегишли бўлган жигар рангли аёллар сумкасидан 4.800 АҚШ доллари миқдордаги пул маблағларини яширин равишда ўғирлаб, воқеа жойидан яширинган.

Батафсил ўқиш 👉 https://hudud24.uz/toshkentda-%D1%9E%D2%93ri-enagaga-sud-%D2%B3ukmi-%D1%9E%D2%9Bildi/

Каналга уланиш 👉@oliysuduz

Фуқаролик ишлари бўйича судларда қанча иш кўрилган?

Жорий йилнинг 9 ойида фуқаролик ишлари бўйича Самарқанд вилояти суди биринчи инстанциясида 312 та, шундан даъво тартибида 311 та ва алоҳида тартибда 1 та иш кўриб чиқилган. Кўриб чиқилган ишлар натижасида 290 та даъво, яъни шикоят ва аризалар қаноатлантирилган, 20 та даъво тартибидаги талаб рад қилинган ва 2 та даъво тартибидаги фуқаролик иши иш юритишдан тугатилган.

Батафсил ўқиш 👉 https://zarnews.uz/post/fuqarolik-ishlari-boyicha-sudlarda-qancha-ish-korilgan

Каналга уланиш 👉@oliysuduz

ФУҚАРОЛИК ИШИ АПЕЛЛЯЦИЯ ИНСТАНЦИЯСИДА КЎРИЛАДИ

Ижтимоий тармоқларда Денов тумани ФҲДЁ бўлими мудираси Насиба Нарбоеванинг ишга тиклаш масаласи бўйича тарқалган билдириш ва мурожаатлар юзасидан маълумот

Батафсил

Каналга уланиш 👉@oliysuduz

ОЛИЙ СУД МАТБУОТ ХИЗМАТИ АХБОРОТИ

Бугун, 16 октябрь куни, Тошкент шаҳар маъмурий судида “UzAutoMotors” АЖнинг Ўзбекистон Республикаси Монополияга қарши курашиш қўмитаси махсус комиссиясининг 21/31-сонли ишига оид 2020 йил 19 августдаги қарорини ҳақиқий эмас деб топиш тўғрисидаги шикоят аризасини кўриб чиқиш бўйича ўтказилаётган суд жараёни давом этди.

Ушбу маъмурий иш судья Ғ. Давлатов раислигида кўрилмоқда.

Бугун суд ўз ишини очиқ суд мажлисида давом эттириб, дастлаб аризачи “UzAutoMotors” АЖ вакили томонидан фикр билдирилди, яъни жамиятда ўтказилган текширишга асос бўлган маълумотномани шакллантиришда нархлар нотўғри киритилганлиги, яъни мисол учун “Равон” русумли автомашинанинг бошқа давлатлардаги савдо мажмуаларида 2015-2016 йиллардаги нархлари интернет тармоғидан асос сифатида олинганлигини ҳамда МҚКҚ ҳузурида 3 та Махсус комиссия фаолият кўрсатсада ушбу масала фаолият доирасига кирмайдиган Махсус комиссия томонидан кўриб чиқилганлигини билдирилди.

Ушбу ҳолатга жавобан МҚКҚ вакиллари томонидан ўз эътирозларини билдириб, автомашиналарнинг нархи ҳақиқатдан ҳам интернет тармоқлари орқали олинганлиги, шунингдек, ҳозирги кундаги нархлар ҳам ўрганилганлиги, бугунги кунда ҳам мазкур нархларни солиштириб кўрилиши мумкинлиги маълум қилинди.

МҚКҚда ҳақиқатдан ҳам 3 та Махсус комиссия мавжудлиги ва амалдаги Низом талабига биноан ўз фаолиятини бошлаган комиссия бошқа комиссия фаолиятига боғлиқ масала кўрилганида ҳам ушбу ишни кўришни бошлаган Комиссия томонидан кўриб чиқилиши мумкинлиги белгиланганлигини маълум қилди.

Шу билан бирга, тарафлар томонидан ариза юзасидан ўз фикр-мулоҳазаларини билдирганидан сўнг, суд “UzAutoMotors”акциядорлик жамияти томонидан келтирилган, яъни жамият томонидан ишлаб чиқариладиган маҳсулотларни тан нархи шакллантирилиши методикасини ёпиқ суд мажлисида ўтказиш тўғрисидаги илтимосномани муҳокамасига ўтди.

Мазкур илтимоснома тарафлар ўртасида муҳокама қилинганидан сўнг, суд маслаҳатхонадан чиқиб, суд ажримини ўқиб эшиттирди.

Ушбу ажримга кўра, суд мажлисининг МҚКҚ томонидан ўтказилган текширишда жамиятда ишлаб чиқариладиган маҳсулотларни тан нархи юқори баҳоланганлиги тўғрисида кўрсатилган ҳолатларни муҳокамаси ёпиқ суд мажлисида ўтказиш белгиланди.

Ёпиқ суд мажлисида суд муҳокамаси ўрнатилган тартибда давом этди ва тарафларнинг барча важлари тингланди.

Навбатдаги суд мажлиси 2020 йил 23 октябрь куни соат 10.00 да ўтказилади.

Каналга уланиш 👉@oliysuduz