#Ноёб_фотолар

🗣1-Қурултой иштирокчилари

📄 1943 йил 15 октябрь, Тошкент

💬 Суратда Эшон Бобохон ибн Абдулмажидхон, Зиёвуддинхон ибн Эшон Бобохон, Фозилхўжа Содиқхўжаев, Шаҳобиддин Мўминов, Исмоил махдум Соттиев, Муродхўжа Солиҳий, Камолиддин Шобдонов, Абдулғаффор Шамсутдинов, Луқмон Турсунов, Кина Эшон Ҳазратқулов, Мулла Солиҳ Бобокалонов, Абдураҳмон Расули, Халил Раҳмон Насретдинов каби уламоларни кўриш мумкин.

🔽Эшон Бобохоннинг Қорасарой кўчаси Бежинский ҳозирги Зиёвуддин Бобохонов проездида жойлашган уйида 1-қурултой чақирилди. Унда беш қардош республикадан 160 дан ортиқ вакил қатнашди.

🔽Қурултойда “Ўрта Осиё ва Қозоғистон мусулмонлари диния назорати” номи билан янги диний марказ ташкил этилганлиги ҳақида қарор ҳамда уч бўлим, 28 моддадан иборат Устав қабул қилинди.

🔽Ўрта Осиё ва Қозоғистон мусулмонлари диний назоратига раис этиб бир овоздан Шайх Эшон Бобохон ибн Абдулмажидхон сайланди ва унга минтақадаги беш иттифоқдош жумҳурият муфтийси унвони берилди.

🔽Муродхўжа Солиҳхўжаев раис муовини, Зиёвуддинхон ибн Эшон Бобохон масъул котиб қилиб тайинланади. Қурултой бешала жумҳуриятда диний назоратнинг қози бошчилигидаги ваколатхонасини тузиш ҳақида қарор қабул қилди.

🔽Қарорга кўра Зиёвуддинхон ибн Эшон Бобохон Ўзбекистон, Шайх Абдулғаффор Шамсутдинов Қозоғистон, Муҳаммад Солиҳ Бобокалон ўғли Тожикистон, Олимхонтўра Шокирхонтўра ўғли Қирғизистон, Шайх Анна Эшон Туркманистон жумҳуриятларининг қозилари этиб сайландилар.

✈️ t.iss.one/muftiylaruz

Саҳифаларимиз:🔅

🌐 Сайт |🎬 Youtube |🔵 Facebook |📷 Instagram

#Ноёб_фотолар

🗣Битирув тадбири

🔽Тошкент ислом институти ректори Шамсиддинхон Бобохонов Абдурашид Баҳромовга диплом топширмоқда, 1979 йил.

🔽Ёнларида 1975-1997 йилларда Ўрта Осиё ва Қозоғистон мусулмонлари диний назорати раиси ўринбосари Юсуфхон Тўра Шокиров.

🔽Шамсиддинхон Бобохонов Тошкент ислом институтида 1975-1982 йилларда ректорлик қилган.

🔽Муфтий Абдурашид қори Баҳромов 1997-2006 йилларда Ўзбекистон мусулмонлари идораси раиси бўлган.

✈️ t.iss.one/muftiylaruz

Саҳифаларимиз:🔅

🌐 Сайт |🎬 Youtube |🔵 Facebook |📷 Instagram

#Ноёб_фотолар

🌙 Усмон мусҳафи зиёрати

• Беш республика муфтийси Эшон Бобохон ибн Абдулмажидхон, диний назорат масъул котиби Зиёвуддинхон ибн Эшон Бобохон ҳамроҳлигида Ўрта Осиё ва Қозоғистон мусулмонлари II қурултойи делегатлари ҳамда Россия, Шимолий Кавказ ва Озарбайжондан келган уламолар Усмон мусҳафини зиёрат қилмоқда.

🗺1948 йил, Тошкент

•Усмон ибн Аффон розияллоҳу анҳу халифалиги даврларида милодий 651 йили, ҳижрий 24 йили Қуръони Карим кийик терисига бир неча нусхада ёзилиб, Ислом оламининг марказий шаҳарларига юборилди. Мусҳафнинг расмда тасвирланган ўша қадимий табаррук нусхаларидан бири ҳозирги пайтда Ўзбекистон мусулмонлари идораси кутубхонасида сақланмоқда.

• Ҳазрати Усмон Мусҳафининг юртимизга келиб қолиши тарихи ҳақида турли ривоятлар бор. Ҳазрати Усмон мусҳафи дастлаб Самарқандга олиб келинган. Уни Амир Темур, Қаффол Шоший, Ҳазрати Усмоннинг куёвлари Саид олиб келган деган ривоятлар машҳур. Бу ҳақда Ўрта Осиё ва Қозоғистон мусулмонлари диний назорати раиси ўринбосарлари, таниқли олимлар Шайх Исмоил Махдум Саттиев, Шайх Юсуфхон Шокиров, шунингдек, Ҳамид Зиёев, Ҳабибуллоҳ Солиҳ ва бошқаларнинг фикрлари эътиборга лойиқ.

• Усмон мусҳафи руслар бостириб келгунга қадар ҳижрий 1285 йилгача Самарқандда турди.

•1869 йилнинг майида Туркистон бош губернатори Фон Кауфман буйруғи билан Самарқанд шаҳри ҳокими Серов воситачилигида ерли мусулмон уламолари розилиги билан Мусҳаф Санкт-Петербургга жўнатилди ва 1917 йилга қадар ўша ердаги кутубхонада сақланади.

• Ҳукуматнинг 1923 йил 25 июндаги қарорига кўра Усмон Мусҳафи Туркистон мусулмонларига 1924 йилда қайтарилди.

Мусҳафи шариф бирмунча вақт Тошкент масжидларида сақланди, сўнг Ўзбекистон халқлари тарихи музейига кўчирилди. 1989 йил 14 март куни Тошкентда бўлган мусулмонларнинг IV қурултойида Ўзбекистон ҳукумати қарори билан Мусҳафи Усмон Ўрта Осиё ва Қозоғистон мусулмонлари диний назорати ихтиёрига қайтариб берилди.

• Ҳозирда Мусҳаф Ҳазрати Имом мажмуасининг Мўйи муборак мадрасасидаги Ўзбекистон мусулмонлари идораси кутубхонасида сақланмоқда.

• Мусҳафни мўътадил табиий иқлим шароитида асрашга мўлжалланган махсус мослама Германиядан келтирилган. Ҳар йили бу нодир Мусҳафни минглаб ватандошларимиз ва хорижий меҳмонлар зиёрат қилишади.

👉 t.iss.one/muftiylaruz

Саҳифаларимиз:👇

Сайт | Youtube | Facebook | Instagram | X