#Илмий_сафар #Сурхондарё #Имом_Термизий #Талабалар

Буюк муҳаддис Абу Исо Термизий ҳаёти ва илмий фаолияти ёдга олинди

Ҳадис илми бўйича сафарга чиққан Тошкент ислом институтининг 70дан ортиқ устоз ва талабаларидан иборат зиёратчилар Сурхондарё вилояти Шеробод туманида жойлашган Имом Абу Исо Термизий мажмуасига ташриф буюрдилар.

Зиёратчиларни Сурхондарё вилояти бош имом-хатиби Алиакбар Сайфуддинов кутиб олди.

60га яқин 2-3 курс талабаларига Имом Термизийнинг “Сунани Термизий” китобини хатм қилгани учун ижоза шаҳодатномалари берилди.

Шундан сўнг, устоз ва талабалар Абу Исо Термизий мақбарасини зиёрат қилдилар.

ТИИ ректори Уйғун Ғафуров ва ўқитувчи Фахриддин Маманосиров буюк муҳаддис Имом Термизийнинг тақволари, ҳадис илмидаги хизматлари тўғрисида маълумот берди.

Олимлардан бири, Имом Бухорий вафотларидан кейин Хуросонда Абу Исо Термизийдек илмда, зеҳнда, тақвода, зоҳидликда бирор киши топилмас эди, деб айтган.

🔗 t.iss.one/oliymahad - диний маърифий канал!

#Илмий_сафар #Сурхондарё #Имом_Термизий #Талабалар

Сурхондарёдаги сафарнинг иккинчи кунида ТИИ жамоаси Термиз шаҳрида жойлашган, Амударё яқинидаги Ҳаким Термизий мажмуасига ташриф буюрдилар.

Вақф хайрия фондига қарашли меҳмонхонада нонушта қилингач, Имом Термизий мадрасаси Ўқув-услубий бўлим бошлиғи Аббос домла Қосимов ҳамроҳлигида зиёратлар бошланди.

Фақиҳ, тасаввуф муршиди Ҳаким Термизий раҳматуллоҳи алайҳ 120 йил умр кўриб, 869 йили Термизда вафот этган.

Мақбарада Ҳаким Термизий ҳаёти ва илмий фаолияти тўғрисида маълумот берилди. Қуръон тиловат қилиниб, савоби олим ва ўтганлар руҳига бағишланди.

Олимлар ва авлиёлар юрти Термиздаги зиёратнинг навбатдаги манзили "Султон Саодат", яъни "Саййидлар султони" мажмуаси бўлди.

🔗 t.iss.one/oliymahad - диний маърифий канал!

#Илмий_сафар #Сурхондарё #Имом_Термизий #Талабалар

Пайғамбаримиз соллаллоҳу алайҳи васаллам авлодлари - Термизий саййидлар мақбаралари

ТИИ жамоаси Термиз шаҳрида Султон Саодат мажмуасига ташриф буюрдилар.

Мажмуа мақбаралари X асрдан бошлаб 7 аср давомида қурилиб, шакллангани тўғрисида ректор Уйғун Ғафуров ва ўқитувчи Фахриддин Маманосиров маълумот берди.

20 га яқин мақбарани ўз ичига олган мажмуада Пайғамбаримиз соллаллоҳу алайҳи васаллам авлодлари, саййидлар сулоласининг минглаб қабрлари бўлган. Ҳозирда 111 та қабр ўрни сақланган.

Дастлаб, шу жойга Пайғамбаримиз алайҳиссалом авлодларидан бўлмиш Ҳасан Амир ва бошқа бир манбада Амир Саййид Али Акбар мақбараси бунёд этилган.

Халқ орасида Султон саодат номи билан машҳур бўлган мақбаралар Х-ХVII асрларда ёнма-ён қурилиб, узун ҳовлининг 2 томонини эгаллаган.

Айни пайтда, мажмуада илмий марказ, масжид қурилмоқда.

Зиёратчилар сафар якунида Имом Термизий ўрта махсус ислом таълим муассасасига ташриф буюрадилар.

🔗 t.iss.one/oliymahad - диний маърифий канал!

#Илмий_сафар #Сурхондарё #Имом_Термизий #Талабалар

"Имом Термизий авлодлари" билан учрашув

Тошкент ислом институти ректори Уйғун Ғафуров бошчилигидаги ўқитувчи ва талабалар Сурхондарёдаги сафари якунида Имом Термизий халқаро илмий-тадқиқот маркази ва Имом Термизий ўрта махсус ислом таълим муассасасига ташриф буюрдилар.

Меҳмонларга Имом Термизий мадрасаси Ўқув-услубий бўлим бошлиғи Аббос Қосимов ҳамроҳлик қилиб, марказ фаолияти ва таълим муассасасининг ўқув жараёни ҳақида таништирди.

Учрашувда ТИИ ректори Уйғун Ғафуров ва катта ўқитувчиси Фахриддин Маманосиров нутқ сўзлаб, таълим муассасалари ўртасидаги ҳамкорлик, илмга рағбат, улуғ зотлар ҳаёти ҳамда динга холис хизмат қилиш фазилати тўғрисида сўзлади.

ЎМИ Таълим ва илмий-тадқиқот бўлими мутахассиси, ТИИ ўқитувчиси Муҳаммадяҳё Ходжаев диний таълимдаги имкониятлар ҳақида маълумот берди.

Шунингдек, У.Ғафуров Ўзбекистон халқаро ислом академияси малака ошириш маркази Термиз филиали тингловчилари билан ҳам учрашди.

🔗 t.iss.one/oliymahad - диний маърифий канал!

#Хатмона_2021 #Битирувчилар #Талабалар

“Хатмона-2021” битирув тадбири бошланиши учун тайёргарлик кўрилмоқда

Бугун, 2017-2021 йиллар орасида Тошкент ислом институтида таълим олган талабаларнинг “Хатмона-2021” битирув тадбири бўлиб ўтади.

Айни пайтда тайёргарлик жараёнлари кетмоқда.

Тадбирга Ўзбекистон мусулмонлари идораси, Дин ишлари бўйича қўмита ҳамда турдош муассасалардан мартабали меҳмонлар таклиф этилган.

Ўзбекистон мусулмонлари идораси Таълим ва илмий-тадқиқот ҳамда Масжидлар бўлими биргаликда битирувчиларни юртимиздаги масжидларга имом-хатиб, ноиб имом вазифаларига, шунингдек олий ва ўрта махсус ислом таълим муассасаларига ўқитувчи лавозими бўйича ишга тақсимот қиладилар.

Таълимни давом эттирмоқчи бўлган битирувчилар магистратура босқичида ўқиш учун республика олий таълим муассасаларининг бирига ҳужжат топширишлари мумкин.

🔗 t.iss.one/oliymahad – диний-маърифий канал!