#Ташриф #Уламолар #Муфтий_ҳазрат #Вақф #Масжидлар

Муфтий Усмонхон Алимов ҳазратлари Андижон вилояти “Зубайр ибн Аввом” жоме масжидида диний-маърифий соҳадаги ўзгариш ва хушхабарлар ҳақида сўзлаб берди.

ЎМИ раисининг биринчи ўринбосари Ҳомиджон домла Ишматбеков Андижон вилояти Хўжаобод тумани "Етти чинор" жоме масжидида "Ақидада адашмайлик" мавзусида маъруза қилди.

Уламолар Андижондан сўнг фарғоналик мўмин-мусулмонлар билан мулоқот қилдилар.

Ҳомиджон домла Ишматбеков, Муҳаммад Аюб домла Ҳомидов "Тоййиба" ва "Аҳмаджон қори" масжидида, Дин ишлари бўйича қўмита раиси биринчи ўринбосари Музаффар Комилов ва Аброр Мухтор Али эса "Нур" ва "Муҳаммад авлиё" масжиди жамоаси билан илмий суҳбат ўтказдилар.

Уламолар, бугун 14 июндан бошлаб Наманганда меҳмон бўладилар.

Вилоятда мулоқот ва илмий суҳбатлар ўтказилиб, эҳтиёжманд оилалар ҳолидан хабар олинади.

Президент маслаҳатчиси Шоазим Миноваров, ДИҚ раиси Содиқжон Тошбоев ҳам тадбирларда иштирок этади.

🔗 t.iss.one/oliymahad - диний маърифий канал!

#Ташриф #Уламолар #Муфтий_ҳазрат #Вақф #Масжидлар

Уламоларнинг водийдаги сафари доирасида Ўзбекистон мусулмонлари идораси раиси ўринбосари Иброҳимжон домла Иномов Фарғона вилояти Фурқат тумани “Ал-Мадинатул мунаввара” масжидида, ЎМИ раиси маслаҳатчиси Салоҳиддин домла Шарипов “Чилигижийда” масжидида маърифий суҳбат қурдилар.

Домлалар “Томоша” маҳалласида яшовчи бемор Н.Расулова ҳолидан хабар олиб, “Вақф” фондининг 5 миллион сўм, озиқ-овқат маҳсулотлари ва диний-маърифий китобларни бердилар.

Наманган вилояти вакили Абдулҳай домла Турсунов ҳамроҳлигида Усмонхон Алимов ҳазратлари ва Ҳомиджон домла Ишматбеков Наманган шаҳар “Юсуфхон ўғли Қосимхон” ва "Абу Юсуф" жоме масжидларида диний-маърифий соҳага берилаётган эътибор, қурилаётган янги масжидлар ва кутилаётган хушхабарлар тўғрисида, ёшларнинг тарбияси, одоб-ахлоқига оид долзарб мавзуларда маъруза қилдилар.

Шунингдек, Муфтий ҳазратлари Наманган шаҳар “Мирёқуббой-Мирҳакимбой” жоме масжидининг янги биноси пойдеворига тамал тоши қўйдилар.

🔗 t.iss.one/oliymahad

#Қозоғистон #Хотира #Анжуман #Муфтий_ҳазрат

Қозоқ уламолари ёд этилди

Қозоғистоннинг Туркистон вилояти Сариоғоч мадрасасида марҳум Абдусаттор ва Абдуғаффор Самановлар хотирасига бағишланган “Дин руҳониятининг атоқли устозлари” номли халқаро илмий-амалий конференцияда муфтий Усмонхон Алимов ҳазратлари маъруза қилдилар.

Муфтий ҳазратлари, марҳум Абдусаттор ва Абдуғаффор Шокир ўғилларининг баракали умри ва мустақил Қозоғистонда Исломнинг ёйилишидаги хизмати ва умматнинг бирдамлиги йўлидаги ҳиссаси тўғрисида гапирди.

Абдусаттор Шокир ўғли Тошкент ислом институтини имтиёзли диплом билан тамомлаган ва Қозоғистондаги илм даргоҳларида меҳнат қилган ва Қуръони карим маъноларини қозоқ тилига таржима қилган.

Анжуманда ЎМИ раиси ўринбосари Иброҳим Иномов, Тошкент ислом институти катта устози Муҳаммад Аюбхон Ҳомидов, бўлим мудири Муҳаммад Акмалхон Шокиров, Тошкент шаҳар “Убай ибн Каъб” жоме масжиди имом-хатиби Абдуҳаким Матқулов ва Иш бошқарувчи Рустам Жамилов иштирок этди.

🔗 t.iss.one/oliymahad – диний-маърифий канал!

#Шавкат_Мирзиёев #Ҳамдардлик #Муфтий_ҳазрат

Президент муфтий ҳазратлари оиласига таъзия билдирди

Халқимиз оғир жудоликка учради. Ўзбекистон мусулмонлари идораси раиси, муфтий Усмонхон Алимов 15 август куни хасталик туфайли вафот этди.

Давлатимиз раҳбарининг ташрифи, ҳамдардлик сўзлари оғир жудоликка учраган кўнгилларга таскин бўлди.

Марҳумнинг ҳақига дуо қилинди.

Президентимиз муфтий ҳазратнинг эзгу ишларини ёдга олди.

– Ҳаммамиз учун катта йўқотиш бўлди. Улуғ инсон эдилар. Билими, меҳнатсеварлиги, камтаринлиги билан элимизда обрў топган эдилар. Бу бало бутун дунёга азоб олиб келди, қанча йўқотишлар бўлаяпти. Қўлимиздан келган ҳамма ҳаракатни қилдик. Лекин Аллоҳнинг иродаси экан. Илоҳим, жойлари жаннатда бўлсин. У кишини яхши ном билан эслаб, ишларини давом эттириб, руҳларини шод қилайлик, – деди Шавкат Мирзиёев.

👉 t.iss.one/oliymahad