#fvb_ogohlantiradi

Ohangaron shahrida “Yong‘in xavfsizligi oyligi”ni o‘tkazmoqda.
Joriy yilning shu davriga qadar shahar hududida 12 ta yonginlar sodir bo'lib, tahlillar shuni ko'rsatmoqdaki, sodir bo‘lgan yong‘inlarning asosiy qismi (75%) aholi yashash uylariga to‘g‘ri kelib, fuqarolar tomonidan yong‘in xavfsizligi qoidalariga rioya qilmasliklari oqibatida kelib chiqmoqda.
Yuqoridagilarni inobatga olib, Ohangaron shahri hududida sodir bo‘lishi mumkin bo‘lgan yong‘in bilan bog‘liq favqulodda vaziyatlarni oldini olish, aholi xavfsizligini ta'minlash va yong‘inlarni oldini olish bo'yicha profilaktik tadbirlarni tizimli tashkil etish hamda O‘zbekiston Respublikasi Bosh vazirining birinchi o'rinbosari-Favqulodda vaziyatlarning oldini olish va ularni bartaraf etish bo'yicha Hukumat komissiyasi raisining 2021-yil 2-noyabrdagi 23-son bayoni ijrosini ta'minlash maqsadida hamda O‘zbekiston Respublikasi “Mahalliy davlat hokimiyati to‘g‘risida ”gi Qonunning 6,25-moddalariga asosan Ohangaron shahrida xududida 2021-yilning 15-noyabr kunidan 15-dekabr kuniga qadar “Yong‘in xavfsizligi oyligi” o'tkaziladi.
Unda shahar hududidagi barcha (mulkchilik shaklidan qat'iy nazar) korxona, tashkilot va muassasalarda yong‘in xavfsizligi qoidalari bo'yicha barcha xodimlar yo'riqnomadan o'tkaziladi. Ulardagi bino va inshoatlarda yong‘in xavfsizligi holati ichki komissiya tomonidan o'rganib chiqilib va aniqlangan kamchiliklarni zudlikda bartaraf etish asosiy maqsad etib belgilangan bo'lib, maskan rahbarlarining ichki buyruqlari asosida, yong‘in sodir bo'lganda ishchi-xodimlarni to'g‘ri harakat qilish bo'yicha maxsus -taktik o'quv mashgulotlari o'tkazish orqali amaliy ko'nikmalari oshirilib, yuzaga kelishi mumkin bo'lgan yong‘inlar bilan bog‘liq favqulodda vaziyatlarda tezkorlik bilan bartaraf etishda hamkorlikdagi rejalariga aniqliklar kiritiladi.
Ohangaron shahri hokimining 2021-yil 15-noyabr kunidagi 61-10-214-Q/21-sonli qarori asosida shahar kesimida tuzilgan ishchi guruhlarining faoliyati jadallashtirilib, tashkil etilgan ishchi guruhlarning ish faoliyatida asosiy e'tibor, xonadonma-xonadon yurib aholi o'rtasida tushuntirish va targ‘ibot ishlarini olib borishga qaratilishi belgilab berilgan. Sodir bo'layotgan yong‘inlarni aksariyati aholining turmushda elektr energiyasidan va gaz ta'minotidan foydalanishda xavfsizlik qoidalariga rioya etilmayotganligi oqibatida kelib chiqayotganligi bois, mahallalarda xonadonbay profilaktik tadbirlarni tizimli tashkil etilishi belgilangan.
“Yongin havfsizligi oyligi” doirasida amalga oshirilgan barcha tadbirlar ommaviy axborot vositalarida keng yoritilshi taminlanishi lozim.
“Yongin havfsizligi oyligi” doirasida barcha amalga oshirilgan chora-tabirlar umumlashtirilib, joriy yilning 15 dekabriga qadar shahar hokimiga axborot kiritiladi.

Adham HAMDAMOV,
Ohangaron shahar FVB boshlig‘i o‘rinbosari mayor

👉каналга уланиш