✨Күндү сахалыы саҥарар аналлаах, сахалыы толкуйдуур дьоҕурдаах Сахабыт Сирин олохтоохторо, эһигини барыгытын Одун норуот ансаамбылын аатыттан Ийэ тыл уонна сурук-бичик күнүнэн эҕэрдэлиибит!

☀️Улуу убайбыт Күндэ эппитинии Ийэ тыл алыптаах сүмэтэ сөрүүн сүөгэй курдук сүрэҕи быары сөрүүргэтэр, убаҕас отон уутун курдук улахан куйааска утаҕы аһарар.

⭐️Дьэ, бу курдук төрөөбүт төрүт тылбыт сылаас эйгэтэ оҕо эрдэхпититтэн биһигини арыаллыыр, олохпут устатын тухары бииргэ айанныыр арыалдьыт буолар.

🥰Биһиги ансаамбылбыт оҕолоро, уһуйааччылара барыгытын бу үөрүүлээх күнүнэн эҕэрдэлиир уонна төрүт тылбытынан саҥарыахха диэн ыҥырар

Күөн туттабын сахабынан
Түҥ былыргы саҥабынан:
Олоҥхолоон доллоһутар
Кылааннаах ийэ тылбынан!
Өскө төрүт тылгын умнуоҥ
Өнүйбэккэ ииниэҥ – хатыаҥ,
Силис тардыах сиргин тумнуоҥ –
Симэлийэн сүтэн барыаҥ.

УРУЙ! АЙХАЛ!

#одун #сахатыла #норуоткүүһэ