🙌🏼 Алтынньы ый 12-13 күннэригэр "Айыы кыһата" национальнай гимназияҕа СӨ үөрэҕин уонна наукатын, СӨ култууратын уонна духуобунай сайдыытын министиэристибэлэрэ, СӨ култууратын уонна духуобунай сайдыытын министиэристибэлэрэ, Өрөспүүбүлүкэтээҕи Олоҥхо Ассоциацията, Олоҥхо Тыйаатыра, научнай-методическэй уонна тас сибээскэ үлэҕэ Олоҥхо Киинэ көҕүлээһиннэринэн "Сыл бастыҥ уһуйааччыта-2023" Өрөспүүбүлүкэтээҕи бастакы маастар-педагогтар икки ардыларыгар күөн-күрэстэрэ буолан ааста.

✨ Күөн күрэс сыала-соруга:
-Олоҥхону толоруу үгэһин оҕоҕо иҥэрэр уһуйааччылар үлэлэрин билиһиннэрии, киэҥ эйгэҕэ таһаарыы;
-Олоҥхону толорууга уһуйар мындыр идэҕэ култуура уонна уонна үөрэх үлэһиттэрин, идэтийбит тыл үөрэхтээхтэрин, эбии үөрэхтээһин педагогтарын бодҕомтолорун тардыы;
-Олоҥхо оҕо сайдыытыгар тирэх күүс буоларын тириэрдии.

☀️ Күөн-күрэс икки түһүмэҕинэн ыытыллынна: 1 түһүмэх: Кыттааччы аһаҕас дьарык ыытан көрдөрдө; 2 түһүмэх: Кыттааччы үлэтин туоһулуур быыстапканы туруоран, үлэтин ис хоһоонун билиһиннэрдэ. Ону таһынан Ил Дархан иһинэн "Олоҥхо" национальнай комитетын салайааччыта А.Н. Жирковы кытта көрсүһэн, санаа атыстаһыыта, сыллааҕы былааннары кытары билсиһии буолла.

✨ Уопсайа куонкуруска Өрөспүүбүлүкэ араас муннуктарыттан, ол эбэтэр, Нам, Мэҥэ Хаҥалас, Бүлүү, Кэбээйи, Ньурба, Амма, Чурапчы улуустарытьан, Хатас сэлиэнньэтиттэн уонна Дьокуускай куораттан өр сылларга олоҥхону уһуйуунан дьарыктаммыт, 10 бастыҥ маастардар күөн көрүстүлэр

🤗 Биһиги "Одун" народнай ансаамбыл Уус-уран фольклору үөрэтэр уһуйааччыбыт Аммосова Марфа Федотовна тэрийэр бөлөххө киирсэн "Сыл бастыҥ уһуйааччыта-2023" Өрөспүүбүлүкэтээҕи бастакы маастар-педагогтар икки ардыларыгар күөн-күрэстэрин иилээн ыытта, ону таһынан биир идэҕэ үлэлии сылдьар маастар-педагогтары кытары алтыһан, оҕону төрүт култуураҕа уһуйууга, олоҥхоҕо үөрэтии ньымыларын баһылааһыҥҥа, көдьүүстээх үлэни ыытыыга, олоҥхону тарҕатыыга тус бэйэтигэр сүдү үөрэҕи ылынна.

#odunfamily #одун #олонхо #бастыҥуһуйааччы #үөрэх #күөнкүрэс