Ижтимоий тармоқда хотин-қизлар ва болалар ҳуқуқлари, эркинликлари ҳамда қонуний манфаатларини ишончли ҳимоя қилиш тизимини янада такомиллаштиришга оид қонун лойиҳаси устида айрим тушунмовчиликлар тарқалмоқда

Мавзуга эътибор қаратилганидан хурсанд бўлдик, аммо ёндашув бир ёқлама экани бир мақсадга интилаётганлар тарафларга бўлиниб қолгандек назаримизда.

☝️ Хўш, вазиятга назар солайлик.

Биринчи қадам

Ушбу қонун лойиҳаси ташаббускор сифатида Ҳукумат томонидан Олий Мажлис Қонунчилик палатасига киритилди. Лойиҳада жамиятимиз учун фойдали жуда кўп янгиликлар бор.

Иккинчи қадам

Белгиланган тартибда лойиҳа Қонунчилик палатаси муҳокамасига концептуал жиҳатдан қўйилди. Содда қилиб айтганда: «Бизга шу соҳани тартибга солувчи янги қонун керакми?» тарзида масала депутатлар томонидан муҳокама қилинди. Томонлар ўз фикрини ҳимоя қилишди, кутилаётган натижалар таҳлилга тортилди.

Кўпчиликнинг қўллови билан лойиҳа “Ҳа, соҳани янада ривожлантириш керак” деган қарорга келинди, яъни концептуал жиҳатдан 2023 йил 28 февралда қабул қилинди. Бўлди.

Учинчи қадам

Мана шу босқичдан бошлаб биз қонун ижодкорлиги нуқтаи назаридан ушбу қонун лойиҳасини моддама-модда, сўзма-сўз чиғириқдан ўтказамиз, яъни иккинчи ўқишга тайёрлаймиз. Экспертларимиз маслаҳатига ҳам таянамиз, албатта. Чинакам меҳнат мана шу оралиқда бўлади. Яъни, синчковлик билан қилинадиган ишлаш жараёни энди бошланади.

Лойиҳани ишлаш жараёнида оилавий зўравонлик ҳолатларига тўғридан-тўғри жавобгарлик белгилаш бўйича бизда ҳам аниқ таклифларимиз ва тайёрлаган матнларимиз бор. Экспертлар ва депутатларимиз билан биргаликда лойиҳани маромига етказилишига ишонамиз.

Бу мавзуга қизиқаётган барчани конструктив мулоқотга чақириб қоламиз ва Қонунчилик палатаси фаолияти билан боғлиқ ҳар қандай масала юзасидан доим очиқлигимизни таъкидлаймиз.

Одилжон Тожиев

В социальных сетях распространяется недопонимание законопроекта о дальнейшем совершенствовании системы надежной защиты прав, свобод и законных интересов женщин и детей

Мы рады тому, что теме уделено внимание, но кажется, что подход однобокий и поэтому выходит, будто те, кто стремится к одной цели, поделились на стороны.

Ну что ж, посмотрим на ситуацию поближе.

Шаг первый

Данный законопроект внесен в Законодательную палату Олий Мажлиса Правительством в инициативном порядке. В проекте много полезных для нашего общества нововведений.

Шаг второй

В установленном порядке законопроект концептуально вынесен на обсуждение Законодательной палаты. Проще говоря, депутаты обсудили вопрос в следующем ключе: «Нужен ли нам новый закон для регулирования этой отрасли?» Стороны отстояли свое мнение, проанализированы ожидаемые результаты.

При поддержке большинства проект одобрен с мыслью «Да, необходимо развивать сферу дальше», то есть концептуально 28 февраля 2023 года документ принят. Иными словами, принципиально вопрос решён. Всё.

Шаг третий

С точки зрения процесса законотворчества мы пройдемся по этому законопроекту постатейно, слово за словом, то есть подготовим его ко второму чтению. Мы также, конечно, полагаемся на советы наших экспертов. Работа по-настоящему будет вестись на этом промежутке. Другими словами, основной процесс, творческая работа с должной осмотрительностью ещё только предстоит.

Кроме того, в ходе работы над проектом у нас есть конкретные предложения и подготовленные тексты по установлению прямой ответственности за домашнее (бытовое) насилие. Мы верим, что вместе с экспертами и нашими депутатами проект будет доведен до ума.

Призываем всех, кому интересна эта тема, к конструктивному диалогу и отмечаем, что всегда открыты для любого вопроса, связанного с деятельностью Законодательной палаты.

Одилжон Тожиев

Амалдаги Конституциямизнинг 29-моддасида фикр юритиш ва уни ифодалаш эркинлиги қонун билан чекланиши мумкинлиги белгиланган.

Конституциянинг янги таҳрирдаги лойиҳасида эса ушбу нормага қуйидагича ўзгартиш ва қўшимча киритиш таклиф этилмоқда:

“Ҳар ким фикрлаш, сўз ва эътиқод эркинлиги ҳуқуқига эга.
Ҳар ким исталган ахборотни излаш, олиш ва тарқатиш ҳуқуқига эга.
Давлат Интернет тармоғидан фойдаланишни таъминлаш учун шарт-шароитлар яратади.
Ахборотни излаш, олиш ва тарқатишга бўлган ҳуқуқни чеклашга фақат қонунга мувофиқ ҳамда фақат конституциявий тузумни, халқнинг соғлиғи ва маънавиятини, бошқа шахсларнинг ҳуқуқ ва эркинликларини ҳимоя қилиш, жамоат хавфсизлигини ҳамда жамоат тартибини таъминлаш, шунингдек давлат сирлари ёки қонун билан қўриқланадиган бошқа сир ошкор этилишининг олдини олиш мақсадида зарур бўлган доирада йўл қўйилади”.

Яъни, фикр юритишни чеклаш мумкинлиги билан боғлиқ ноўрин норма чиқариб ташланмоқда. Масалага реал қаралганида, фикр инсоннинг онгостида юзага келадиган, эгасининг ўзгадан бошқаларга "кўринмас" ғоя.

Уни амалда назорат қилиш, чеклаш ёки таъқиқлашнинг имкони йўқ.

Бу масала ўтган ҳафтада бўлиб ўтган масъул қўмиталар йиғилишида ҳам қизғин муҳокама қилинган ва аксарият депутатлар таклиф этилаётган таҳрирни маъқуллашларини билдирган эди.

Одилжон Тожиев

#Конституция #Референдум

Бугун соат 15:00 да Қонунчилик палатасида бўлиб ўтадиган Ялпи мажлисда Конституциявий қонун лойиҳасини кўриб чиқамиз. Депутатларнинг саволлари, позиция ва хулосалари тингланади. Шу ернинг ўзида масъул қўмита барча саволларга жавоб беради.

Демак, бугун Халқ уйида “Ўзбекистон Республикаси Конституцияси тўғрисида”ги Ўзбекистон Республикаси Конституциявий қонуни лойиҳаси бўйича Ўзбекистон Республикаси референдумини ўтказиш ҳақида”ги қарор қабул қилиниши кутилмоқда.

P.S. Ялпи мажлис “Ўзбекистон 24”, “Ўзбекистон” телерадиоканаллари, "UzReport" телеканали, Олий Мажлис Қонунчилик палатасининг расмий веб-сайти, YouTube'даги саҳифаси орқали тўғридан-тўғри эфирга узатилади.

Спикер ўринбосари
Одилжон Тожиев

#Конституция #Референдум

Бугунги мажлис муҳокама ва баҳслардан иборат бўлди. Лойиҳани такомиллаштириш бўйича кўп таклифлар билдирилгани муносабати билан бугун қарор қабул қилинмади.

Унинг муҳокамаси эртага соат 10:00 га қолдирилди.

Спикер ўринбосари
Одилжон Тожиев

#вақт_керак #Конституция #Референдум

Кечаги мажлисда кўтарилган таклиф ва саволлар билан ишлаш учун масъул қўмита қўшимча вақт сўради.

Шу боис бугун 10.00 да бошланиши режалаштирилган муҳокамалар соат 11.00 га кўчирилди.


Спикер ўринбосари
Одилжон Тожиев

#Конституция #Бир_йиллик_муҳокамалар #Референдум

Тарихий йиғилиш якунига етди.

Депутатлар бугун 3 та муҳим қарорни қабул қилишди:

1. “Ўзбекистон Республикаси Конституцияси тўғрисида”ги Ўзбекистон Республикаси Конституциявий қонуни лойиҳаси маъқулланди.

2. Референдумни 2023 йил 30 апрель - якшанба куни ўтказиш белгиланди.

3. Лойиҳанинг амалдаги Конституцияга мувофиқлигини аниқлаш учун Конституциявий судга юборилди.

P.S. Конституция қабул қилинган кун анъанавий 8 декабрлигича қолади.

Спикер ўринбосари
Одилжон Тожиев

#Конституция #Референдум_олдидан

☝️ Янгиланаётган Конституцияда
ахборотни излаш, олиш ва тарқатишга бўлган ҳуқуқни чеклашга сабаб бўлувчи нормалар қаторида "халқнинг соғлиғи ва маънавияти" тушунчаси ҳам киритилгани ҳақида ёзган эдим (Амалдаги Конституциянинг 29-моддаси).

👨🏻‍💻Жамоатчилик бу янгиликни қизғин муҳокама қилди, жуда кўп фаоллар танқидий мазмунда чиқишлар қилди.

✅Жамоатчилик фикрини инобатга олиб, натижада ушбу тушунчалар “аҳолининг соғлиғини, ижтимоий ахлоқни” деб ўзгартирилди (Янги таҳрирдаги Конституция лойиҳасининг 33-моддаси).

☝️Мазкур тушунча амалдаги қонунчилигимизда ҳам, халқаро ҳужжатларда ҳам мавжуд.
Масалан, БМТнинг “Фуқаровий ва сиёсий ҳуқуқлар тўғрисида”ги халқаро пакти 19-моддасида ҳар ким ўз фикрини эркин ифодалаш, ахборот излаш, олиш ва тарқатиш ҳуқуқига эга эканлиги, ушбу ҳуқуқдан фойдаланиш алоҳида масъулият ва жавобгарлик юклаши белгиланган. Мазкур модданинг 3-бандида эса давлат хавфсизлигини, жамоат тартибини, аҳоли саломатлиги ёки ахлоқини (инглиз тилида “public health or morals”, рус тилида “здоровья или нравственности населения” сўзлари ишлатилган) ёки бошқаларнинг ҳуқуқ ва эркинликларини муҳофаза қилиш учун зарур бўлганда ушбу ҳуқуқлар қонун билан чекланиши мумкинлиги аниқ ёзиб қўйилган.

Спикер ўринбосари
Одилжон Тожиев

#анонс #Конституция #Референдум

Бугун, соат 11:00да Қонунчилик палатаси қарорининг (иловалари билан) Ўзбекистон Республикаси Конституциясига мувофиқлигини аниқлаш бўйича Конституциявий суднинг мажлиси бўлиб ўтади.

Суд мажлиси:
-“O‘zbekiston 24”телерадиоканал;
-“O‘zbekiston” телерадиоканали;
-“Uzreport” телеканали ва унинг фейсбукдаги саҳифаси;
- O'zMTRK'нинг YouTube’даги саҳифаси орқали тўғридан-тўғри эфирга узатилади.

Спикер ўринбосари
Одилжон Тожиев

#Эълон #Конституция #Референдум

☝️ “Ўзбекистон Республикаси Конституцияси тўғрисида"ги Ўзбекистон Республикаси Конституциявий Қонуни лойиҳаси матни билан meningkonstitutsiyam.uz сайти орқали танишиб чиқишингиз мумкин.

Шунингдек, Қонун лойиҳаси "Халқ сўзи" ва "Народное слово" газеталарининг бугунги сонида эълон қилинди.

👉 @odiljon_tojiyev

#бефарқ_эмасман #befarqemasman

Янгиланаётган Конституциянинг ҳар бир моддаси ҳаётий тажрибаларга асосланган ва ҳал қилиниши керак бўлган муаммоларни ечими сифатида лойиҳада ўз аксини топган.
Сиз ҳам бефарқ бўлманг.

Одилжон Тожиев
Спикер ўринбосари

Бугун депутатлар томонидан кейинги вақтларда қизғин муҳокамаларга сабаб бўлган муҳим қонун қабул қилинди ва Сенатга юборилди.

Хотин-қизлар ва болаларни турли хил зўравонлик, таҳдидлардан ҳимоя қилишни кучайтиришга қаратилган қонун лойиҳаси кенг жамоатчилик вакиллари, мутахассис ва экспертлар билан ҳамкорликда маромига етказилди.

Лойиҳа билан киритиладиган биргина янгиликга тўхталсам: Жиноят Кодексида "Оилавий (маиший) зўравонлик", “шаҳвоний шилқимлик” сингари ҳуқуқбузарликлар учун муайян жиноий жавобгарлик жазолари белгиланди.

Назаримда, оила, жамиятимизнинг шаъни, қадрини топтамоқчи бўлганларга қақшаткич зарба бера оладиган кучли қонунларимиз кўп бўлиши керак.

Одилжон Тожиев
Спикер ўринбосари

Ўзбекистон Республикаси Президенти томонидан педагог ходимларнинг хизмат вазифаларини бажаришига тўсқинлик қилганлик учун жавобгарликни кучайтиришни назарда тутувчи қонун имзоланди.

Бу кун ҳаммамизнинг ёдимизда қоладиган тарихий кун бўлиб қолишига ишонаман.

Ҳатто касб байрамлари - “Ўқитувчи ва мураббийлар куни”ни ҳам пахта даласида “нишонлашга" мажбур бўлган устозларимизгагина эмас, балки барчамизга дахлдор муҳим қонун қабул қилинди.

☝️Эндиликда ўқитувчида ўз устида ишлаши, илм-фаннинг сўнгги ютуқлари ҳақида ўз вақтида хабардор бўлиши ва ёш авлодга сифатли таълим бериши учун барча ташкилий-ҳуқуқий асос мавжуд.

💪 Бунинг аксини талаб қиладиганлар эса қонун олдида жавобгар бўлишади.

Барча соҳалар бўйича олинадиган билимларнинг пойдеворини мустаҳкамлашга хизмат қиладиган қонун қабул қилингани билан ҳурматли педагоглар ва ўқувчиларни чин қалбимдан табриклайман!

Одилжон Тожиев
Спикер ўринбосари

Қонунчилик палатаси ҳузуридаги Ёшлар парламентига сиёсий партиялар томонидан сайланган номзодлар Республика комиссияси томонидан тасдиқланди.

Кучли рақобат руҳида ўтган сайловларда ғолиб бўлган ва эндиликда расман Ёшлар парламентига аъзо бўлган барча 150 нафар ёшларимизни табриклайман.

Ёшлар парламентининг биринчи чақириқ аъзоларини ҳам муваффақиятли фаолиятлари билан қутлайман. Сизлар тарихда биринчи сайланган аъзолар сифатида барчага намунасиз. Келгуси фаолиятингизга улкан омад ва зафарлар тилайман.

Ишончим комил, навбатдаги чақириқ аъзолари билан ҳам самарали ва сермаҳсул фаолият олиб борамиз.

Одилжон Тожиев
Спикер ўринбосари

#Муносабат

Қисқа қилиб айтганда, халқимизга «Маданият ва маърифат» телеканали керак. Бу борадаги қарор лойиҳаси кенг жамоатчилик, зиёлилар томонидан танқидга учради.

Мен ҳам бир зиёли, ўзбек халқининг оддий бир вакили сифатида руҳониятимизни тўйинтириб турган телеканалнинг "ёпилиши"га қатъиян қаршиман.

Энг чатоқ томони, ҳар бир вазирликка битта телеканал, деган тамойилни ўйлаб топманглар, барака топгурлар.

Одилжон Тожиев
Спикер ўринбосари

#тавсия #қулайлик

Референдум арафасида Демократик жараёнларни таҳлил қилиш маркази томонидан @REFERENDUM2023uzBot ишга туширилибди.
Бот орқали янги Конституция матни, ундаги моддаларнинг мазмун-моҳияти хусусида экспертлар ва жамоатчилик фикри билан танишиш мумкин.

Ботнинг базаси билан танишиб чиқдим. Мураккаб ҳуқуқий терминологияни халқчил ва содда услубда тушунтирилган видео ва аудио контент, инфографика бор экан. Бу тарғибот ва ташвиқот ишларига ўзига хос ранг-баранглик олиб киради.

“Референдум учун расм яратиш ва дўстлар билан улашиш” функцияси эса – қизиқарли, креатив ғоя. Тавсия қиламан.

Одилжон Тожиев

Байрамингиз муборак бўлсин!!!

#Конституциявий_ислоҳот турли соҳа, касб, қизиқиш ва дунёқараш эгаларини ўз атрофида бирлаштирди.

Уларнинг ҳеч бири ўз Ватанининг тақдирига бефарқ эмас.

👨🏻‍💻👩‍💻Кунни тунга улаб, зиммасига юклатилган вазифани сидқидилдан адо этган ҳамюртларимиз билан ҳар қанча фахрлансак, шунча оз.

Тарихий жараёнда бевосита ва билвосита қатнашган ҳар бир иштирокчига миннатдорчилик билдирамиз.

Одилжон Тожиев

Янгиланаётган #Конституция лойиҳаси халқимизнинг ҳаётий таклифлари асосида шакллантирилди.

Лекин бу жараённи ўз соҳасининг усталари, экспертлар, ҳуқуқшуносларнинг профессионал нуқтаи назарисиз амалга ошириб бўлмасди.

Таклифларни “қонун тили”га ўгиришда қатнашган мутахассисларга миннатдорчилик билдирамиз.

Одилжон Тожиев

#Конституция #таклифлар #ёшлар_куч

220 мингта таклифлар қандай воситалар орқали олинди? Буни кимлар амалга оширди?

Бир қарашда оддий механизмлар қўлланилгандек туюлса-да, унинг ортида бир гуруҳ ёшларнинг машаққатли меҳнати бор. 👨🏻‍💻👩‍💻🚀

Уларга миннатдорчилик билдирамиз.

Одилжон Тожиев

#Конституция

Йўл берилса, имконият тақдим этилса, фуқаролар Бош қомусга муаллифлик қила олишини кўрдик.

220 минг таклиф эгаларининг айримлари ўз таассуротлари билан ўртоқлашишди.

Вақт ажратиб, кўнглидаги таклифини йўллаган барча фуқароларга миннатдорчилик билдирамиз.

Одилжон Тожиев