👨‍👩‍👧‍👦🤝😍 Үйэ аҥара үлэнэн, тапталынан кынаттанан бииргэ

Горнай улууһун Маалтааны нэһилиэгин олохтоохторо Розалия, Илья Заровняевтар бу күннэргэ бииргэ олорбуттара 50 сыллара буолла.

1973с. Бүлүү педагогическай училищетын бүтэрбит Розалия Алексеева Горнай оройуонун түгэх нэһилиэгэр учууталынан ананан үлэлии кэлбитэ. Уонна «Горнай» совхозка үлэлии сылдьар, олохтоох суоппар уоллуун Илья Алексеевичтыын тапталларын остуоруйата саҕаланар.

1974 с. олохторун холбоон икки кыыс оҕону төрөтөн, улаатыннаран, үөрэхтээн, үлэттэн дьоллонор холобурдарынан иитэн, дьоһун олохтоотулар. Алта сиэн, икки хос сиэн минньигэс тапталларын биллилэр.

Розалия Романовна Кэптин орто оскуолатыгар 48 сыл утумнаахтык үлэлээн, Россия иитиигэ уонна үөрэхтээһиҥҥэ Бочуоттаах үлэһитэ, «Үөрэнээччилэр билиниилэрэ» бэлиэ хаһаайката буолар.

Илья Алексеевич олоҕун улахан аҥарын «Горнай», «Атамай», «Маалтааны» совхозтарга суоппарынан үлэлээн, «Улуус сайдыытыгар киллэрбит кылаатын иьин», «Горнай совхоз тэриллибитэ 50 сыла» бэлиэ хаһаайына, СӨ тыатын хаһаайыстыбатын бэтэрээнэ буолар.

@nvk_sakha

📚📖👏 Сунтаар улууһугар Кинигэ бэлэхтиир күнү бэлиэтээтилэр

Сунтаар улууһун Күүкэй нэһилиэгэр «Кинигэтэ бэлэхтээ» аахсыйаҕа Күүкэйдээҕи «Матери России» түмсүүтэ көхтөөх кыттыыны ылар.

Саха тылын суругун-бичигин күнүнэн оҕолорго сахалыы кинигэлэри бэлэх ууннулар.

Сунтаардааҕы кииннэммит бибилэтиэкэҕэ Сунтаар улууһун «Матери России»бэрэссэдээтэлэ Дария Григорьева сылын аайы кинигэ бэлэҕин күнүгэр олус интэриэһинэй кинигэлэри бэлэх уунар, бүгүн эмиэ 7 кинигэни аҕалан бэлэх уунна.

@nvk_sakha