uza.uz | Билимли ёшлар - келажак пойдевори

🔷 Ўзбекистон Миллий университетида Ўзбекистон Республикаси мустақиллигининг 30 йиллигига бағишланган «Ўзбекистоннинг мустақил тараққиёт йўли: тарих сабоқлари ва келажак истиқболлари» мавзусида халқаро илмий-амалий конференция бўлиб ўтди.

«Янги Ўзбекистонда эркин ва фаровон яшайлик!» ғояси остида жонажон Ватанимиз мустақиллигининг 30 йиллигини улкан шодиёна сифaтида кенг нишонлаяпмиз. Сизларни халқимизнинг энг улуғ, энг азиз байрами — мамлакатимиз мустақиллигининг 30 йиллик байрами билан чин қалбимдан табриклайман!

ИНОМ МАДЖИДОВ
МИРЗО УЛУҒБЕК НОМИДАГИ ЎЗБЕКИСТОН МИЛЛИЙ УНИВЕРСИТЕТИ РЕКТОРИ, ТЕХНИКА ФАНЛАРИ ДОКТОРИ, ПРОФЕССОР
____________________________
Telegram | Facebook | Instagram

Ассалому алайкум муҳтарам устозлар, азиз талаба ёшлар!
Сизларни халқимизнинг энг улуғ, энг азиз байрами – мамлакатимиз мустақиллигининг 30 йиллик байрами ва янги - 2021-2022 ўқув йилининг бошланиши билан чин қалбимдан табриклайман!
Сизларга тинчлик-омонлик, бахту саодат, хонадонларингизга файзу барака, ишларингизга муваффақиятлар тилайман!
Ҳозирги вақтда мамлакатимизда яна бир муҳим уйғониш жараёни кечмоқда. “Янги Ўзбекистон” ва “Учинчи Ренессанс” сўзлари ҳаётимизда ўзаро уйғун ва ҳамоҳанг бўлиб янграмоқда, халқимизни улуғ мақсадлар сари руҳлантирмоқда.
Бугунги кунда Ўзбекистон демократик ўзгаришлар, кенг имкониятлар ва амалий ишлар мамлакатига айланиб бормоқда. Таълим ва тарбия мамлакат тараққиёти ва унинг келажаги кафолати.

Шундай экан, зиммамиздаги муҳим вазифалардан бири таълим олиш, рақобатбардош кадрлар бўлиб, ўз касбининг устаси бўлиш, фикрлайдиган, кенг дунёқарашли, ватанпарвар инсон бўлиб камол топиш ҳисобланади.
Янги Ўзбекистоннинг эгалари - азиз ўғил-қизларим!
Мамлакатимизда ёшларни олий таълимга қамровини ошириб бориш, замонавий ва рақобатбардош кадрлар тайёрлаш борасида изчил сиёсат олиб борилмоқда. Шу муносабат билан ЎзМУ учун ажратилган қабул квоталари ҳам йил сайин ошиб бормоқда. 2021-2022 ўқув йилида Ўзбекистон Миллий университетига 60 та таълим йўналиш, 79 та мутахассислики бўйича 32543 нафар абитуриент ҳужжат топширди.
Тест синовларидан муваффақиятли ўтган ўғил-қизларимиз ЎзМУ талабаси деган шарафли номга сазовор бўлишади.
Мустақиллигимизнинг 30 йиллик шодиёнасига ЎзМУ ҳам муносиб туҳфалар тортиқ этди.
Ҳар бир соҳага баҳо берилаётганда унинг имкониятлари ёш кадрларининг ҳолати билан белгиланади. Бу борада ҳам университетда фаолият олиб бораётган илмий ва маҳорат мактаблари талабалари эришаётган ютуқлар устозларимизнинг салоҳиятларининг барометри бўлмоқда. Жумладан, куни кеча ёш математик талабаларимизнинг нуфузли халқаро математиклар олимпиадасида қўлга киритган олтин медаллари, 7 нафар талабамизнинг Токио-2020 ёзги олимпиядасидаги муваффақиятли иштироки ва илк бор спортнинг таэквандо йўналишида Олимпияданинг Олтин медалини қўлга киритган талабамиз Улуғбек Рашитовнинг ғалабаси таълим соҳасидаги ислоҳотларимизнинг самараси ва устозларимизнинг меҳнатларининг меваси деб биламиз.
Бугунги кунда Ўзбекистонда бир қанча ОТМлар фаолият олиб бормоқда. Бу ўқув масканларининг ичида ЎзМУ етакчи бундан кейин ҳам биз марраларни катта олишимиз зарур. Зеро, бугунги ўқув юртларининг аксариятига Миллий университет пойдевор ҳисобланади. Ўзбек жадид зиёлилари учун умид ва ишончга айланган, бир асрдан ортиқ тарихга эга бу университетга жадид боболаримиз, хусусан Мунаввар Қори Абдурашидхонов раҳбарлигида асос солинган. Бу биз учун шараф! Азиз ҳамкасбларим!
Ўз устимизда тинимсиз ишлаш, таълимдаги инновацияларни мунтазам ўзлаштириб бориш, юксак инсоний фазилатларни камол топтириш, касбий кўникма, малака ва компетенцияларни ривожлантириш, талабаларимизни Ватанга муҳаббат руҳида тарбиялаш бош мезонимиз бўлиши зарур.
Қадрли ёшлар!
Сизларни яна бир бор янги ўқув йили билан чин қалбдан табриклайман. Барчангизнинг янги ўқув йилида ғайрат ва шижоат билан қиладиган меҳнатларингиз унумли ва самарали бўлишини тилайман!
Атоқли маърифатпарвар аллома, миллат фидоийси Маҳмудхўжа Беҳбудийнинг “Миллат тараққийси хаёлий орзу-ҳавасда эмас, фарзандлар камолотидадир”! Сиз ёшларимизнинг бахту саодати, камолати биз учун энг олий мақсадларимиздан биридир.
Сизларни яна бир бор мустақиллигимизнинг 30 йиллик байрами ва янги 2021-2022 ўқув йили билан табриклайман! Оилангизга тинчлик, хотиржамлик, мустаҳкам соғлиқ тилайман.

Мирзо Улуғбек номидаги Ўзбекистон Миллий университети ректори, техника фанлари доктори, профессор Ином Маджидов

Шавкат Мирзиёев Паралимпия ўйинларида қатнашаётган спортчиларимизга омад тилади

Жумладан, давлатимиз раҳбари шундай деди:

“Айни кунларда Токиода ёзги Паралимпия ўйинлари қизғин давом этмоқда. Унда иштирок этаётган Ўзбекистон жамоаси аъзолари бугунги кунга қадар 5 та олтин, 4 та кумуш, 6 та бронза медалларини қўлга киритиб, ўзларининг тенгсиз матонатини намоён этмоқдалар.

Келинглар, юртимиз шарафини муносиб ҳимоя қилаётган мана шу жасоратли ўғил-қизларимизга янги муваффақиятлар ёр бўлишини тилайлик”.

Битирувчиларни олий таълим билан қамраб олиш даражасини 50-60 фоизга етказиш мўлжалланмоқда — президент

Сўнгги 5 йилда 64та янги олий таълим муассасаси ташкил этилиб, уларнинг сони 141 тага етказилган, қабул квотаси 3 баробар оширилган.

#Mustaqilligimiz_30_yoshda

«Yangi Oʻzbekistonda erkin va farovon yashaylik!» gʻoyasi ostida jonajon vatanimiz mustaqilligining 30-yilligini ulkan shodiyona sifatida keng nishonlayapmiz. Sizlarni xalqimizning eng ulugʻ, eng aziz bayrami — mamlakatimiz mustaqilligining 30-yillik bayrami bilan chin qalbimdan tabriklayman!

INOM MADJIDOV,
Mirzo Ulugʻbek nomidagi Oʻzbekiston milliy universiteti rektori, texnika fanlari doktori, professor
_________
Vazirlikning rasmiy sahifalari:
Telegram | Instagram | Facebook | YouTube

​​📌 Tanlov natijalarini bilish usullari

✅ 2021-2022-o‘quv yili uchun oliy ta’lim muassasalarining bakalavriat ta’lim yo‘nalishlariga kirish test sinovlari bo‘yicha tanlov natijalarini 6 xil usulda bilish mumkin.

1️⃣ my.dtm.uz sayti orqali:

my.dtm.uz saytiga abituriyentning pasport seriyasi va raqami hamda shaxsiy identifikatsiya raqamini kiritgan holda.

2️⃣ mandat.dtm.uz sayti orqali:

mandat.dtm.uz saytining “Bakalavr-2021” bo‘limidan abituriyentning ID raqamini kiritgan holda.

3️⃣ Davlat test markazining quyidagi telegram botlari orqali (abituriyentning ID raqamini yuborgan holda):

👉 @mandat2021bot
👉 @mandat_2021_1_bot
👉 @mandat2021_2_bot
👉 @mandat2021_3_bot
👉 @mandat2021_4_bot

4️⃣ SMS xabarnoma xizmati orqali:

5100 raqamiga abituriyentning ID raqami yuborilganda, mazkur telefon raqamiga tanlov natijalari bo‘yicha SMS xabarnoma yuboriladi (xizmat haqi mavjud).

5️⃣ QR-kod orqali:

Abituriyent ruxsatnomasining quyi qismidagi QR-kod (natijani ko‘rish uchun havola) ni skaner qilgan holda.

6️⃣ Test natijalari qaydnomasi orqali:

Shuningdek, test natijalari qaydnomasi oliy ta’lim muassasalariga taqdim etiladi.