#Rektor_hám_jaslar

◾️Rektor studentler turaq jayında jasaytuǵın jaslar menen sáwbetlesti

Ájiniyaz atındaǵı Nókis mámleketlik pedagogikalıq institutı rektorı Quvondiq Qodirov 1-sanlı studentler turaq jayında jasaytuǵın studentlerdiń jaǵdayların kózden ótkerdi.

Bul jerde ulıwma 570 ten aslam student-qızlar jasap atırǵan bolıp, jaslardıń sabaqtan bos waqıtların mazmunlı ótkeriwi ushın dógerekler shólkemlestirilgen, sonday-aq, kitap oqıwı, Internet tarmaqlarınan paydalanıwı, «Bes baslama» sheńberinde ózleriniń qábiletlerin jetilistirip barıwı ushın barlıq sharayatlar jaratılǵan.

Rektor jaslar menen sáwbetlesiw barısında olardıń pikir-usınısların tıńladı.

Studentler bul jerdegi kitapxanada kórkem ádebiyatlardı ele de kóbeytiw, shet tillerin úyreniw boyınsha kurslar shólkemlestiriw, sport dógereklerinde jarıslardı turaqlı ótkeriw boyınsha óz usınısların berdi.

Institut rektorı studentlerdiń usınıslarınan kelip shıǵıp juwapkerlerge tiyisli tapsırmalar berdi.

©️NMPI baspasóz xızmeti.

Tolıq maǵlıwmat 👇👇👇
https://ndpi.uz/qq/2024/12/12/34226/

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube

#Universiada_2024
#Rektor_hám_jaslar

◾️NMPI rektorı «Universiada-2024» sport jarıslarınıń qatnasıwshıları menen sáwbetlesti

Xabarıńız bar, paytaxtımız Nókis qalasında joqarı oqıw orınlarında oqıp atırǵan er studentler arasında «Universiada-2024» sport jarıslarınıń qol tobı (gandbol) boyınsha final basqıshı oyınları bolıp ótpekte.

Jarısqa barlıq wálayatlar hám Tashkent qalasınan kelgen 180 nen aslam sportshı studentlerdi turaq jay hám azıq-awqat penen támiyinlewde Ájiniyaz atındaǵı Nókis mámleketlik pedagogikalıq institutı ámeliy jumıslardı alıp bardı.

Institut rektorı Quvondiq Qodirov instituttıń studentler turaq jayında bolıp, «Universiada-2024» sport jarısları qatnasıwshıları hám trenerleri menen sáwbetlesti.

Sportshı jaslar hám olardıń trenerleri rektorǵa jaratıp bergen sharayatları hám qolaylıqlar ushın minnetdarshılıǵın bildirdi.

Rektor final basqıshı oyınlarınıń barısı haqqında sáwbetlesip, sportshılarǵa aldaǵı jarıslarda áwmet tiledi.

©️NMPI baspasóz xızmeti.

Tolıq maǵlıwmat 👇👇👇
https://ndpi.uz/qq/2024/12/14/34251/

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube

#Rektor_hám_jaslar

◾️Rektor studentler turaq jayında jasaytuǵın studentlerdiń jaǵdayların úyrendi

Ájiniyaz atındaǵı Nókis mámleketlik pedagogikalıq institutı rektorı Quvondiq Qodirov 2-sanlı studentler turaq jayı hám «Argoniya» juwapkershiligi sheklengen jámiyeti menen birgelikte mámleketlik-jeke sheriklik tiykarında shólkemlestirilgen studentler turaq jayında bolıp, ol jerlerde jasap atırǵan student-jaslardıń jaǵdayların úyrendi.

Xabarıńız bar, qıs máwsimi baslanıwı menen hawa rayı suwıtıp, sociallıq imaratlardı jılıtıwǵa bolǵan talap artpaqta. Usınday jaǵdayda birinshi gezekte studentler turaq jaylarında jıllılıqtı támiyinlew baslı wazıypalardıń biri bolıp tabıladı. Rektor dáslep juwapker qánigeler menen sáwbetlesip, bul boyınsha tiyisli tapsırmalardı berdi.

Sońınan studentler menen sáwbetlesip, olardıń pikir-usınısların tıńladı. Jasaw sharayatların kózden ótkerip, oqıw, ilimiy-izertlew jumısları menen shuǵıllanıw, qábiletlerin arttırıp barıw boyınsha óz másláhátlerin berdi.

Institut rektorı Quvondiq Qodirovtıń jaslar menen sáwbetlesiwleri dawam etedi.

©️NMPI baspasóz xızmeti.

Tolıq maǵlıwmat 👇👇👇
https://ndpi.uz/qq/2024/12/14/34274/

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube

#Rektor_hám_jaslar

◾️Rektor ijara úylerinde jasap atırǵan studentlerdiń halınan xabar aldı

Ájiniyaz atındaǵı Nókis mámleketlik pedagogikalıq institutı rektorı Quvondiq Qodirov jaslar menen pikirlesiw, olardıń pikir-usınısların tıńlaw hám jaǵdayların úyreniw maqsetinde ijara úylerinde jasap atırǵan studentlerdiń halınan xabar aldı.

Rektor dáslep paytaxtımızdaǵı «Kók ózek» mákan puqaralar jıyını 26-kishi rayonı aymaǵındaǵı kóp qabatlı turaq jaylarda jasap atırǵan studentlerdiń ijara úylerinde bolıp, jaslar menen sáwbetlesti.

Qıs máwsiminde jılıtıw qazanlarınan durıs paydalanıw, olardıń morıların tazalatıw boyınsha instituttıń tiyisli juwapkerleri tárepinen alıp barılǵan jumıslardı kózden ótkerip, jaslardı órt qáwipsizligi qaǵıydalarına qatań ámel etiwge shaqırdı.

Sonday-aq, «Qumbız awıl» mákan puqaralar jıyını aymaǵındaǵı turaq jaylarda ijarada jasap atırǵan institut studentleriniń jaǵdayların barıp kórip, olardıń oqıwı, bos waqıtların mazmunlı ótkeriwi menen baylanıslı usınısların tıńladı.

Bunnan soń institut rektorı «Zor Hotel» studentler turaq jayına barıp, ol jerde jasaytuǵın studentler menen sáwbetlesti. Olardıń jasaw sharayatları menen tanıstı.

Úyreniwler barısında jaslar tárepinen bildirilgen usınıslar boyınsha juwapkerlerge tiyisli tapsırmalar berildi.

Institut rektorınıń studentlerdiń jasaw sharayatların úyreniwi hám olar menen sáwbetlesiwleri dawam etedi.

©️NMPI baspasóz xızmeti.

Tolıq maǵlıwmat 👇👇👇
https://ndpi.uz/qq/2024/12/17/34316/

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube

#Rektor_hám_jaslar

◾️NMPI rektorı Ellikqala pedagogika fakultetinde studentler menen sáwbetlesti

Búgin, 9-yanvar kúni Ájiniyaz atındaǵı Nókis mámleketlik pedagogikalıq institutı rektorı Quvondiq Qodirov Ellikqala pedagogika fakultetine bardı.

Házirgi waqıtta fakultette oqıw semestriniń juwmaqları boyınsha imtixanlar dawam etip atırǵan bolıp, rektor usı processlerdi kózden ótkerdi.

Sonday-aq, fakultet studentleri menen sáwbetlesip, olardıń pikir-usınısların tıńladı.

Jaslar institut rektorına málimleme-resurs hám málimleme texnologiyaları oraylarınıń jumısların jetilistiriw, jańa oqıw ádebiyatları menen támiyinlew, mámleketlik stipendiyalar tańlawları hám olarǵa qatnasıw boyınsha seminar-treningler shólkemlestiriw, ilimiy-izertlew jumıslarına jaslardı ele de keńnen qamtıw, materiallıq-texnikalıq bazanı bekkemlew boyınsha óz usınısların bildirdi.

Institut rektorı student-jaslardıń usınısları boyınsha juwapkerlerge tiyisli tapsırmalar berdi hám fakultet jaslarınıń sapalı bilim alıwı ushın ámelge asırılatuǵın jumıslar haqqında atap ótti.

©️NMPI baspasóz xızmeti.

Tolıq maǵlıwmat 👇👇👇
https://ndpi.uz/qq/2025/01/09/35459/

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube

#Rektor_hám_jaslar
#NMPI

◾️Rektor hám jaslar ushırasıwı: NMPI rektorı eki fakultettiń studentleri menen ashıq sáwbetlesti

Búgin, 15-yanvar kúni Ájiniyaz atındaǵı Nókis mámleketlik pedagogikalıq institutı rektorı Quvondiq Qodirov Dene mádeniyatı jáne Súwretlew óneri hám texnologiyalıq tálim fakultetleriniń student-jasları menen ushırasıw ótkerdi.

Ushırasıwda rektor jaslardıń jámiyettegi ornı hám olardıń keleshekke bolǵan umtılısları haqqında sóz etip, jaslardı óz qábiletlerin rawajlandırıwǵa shaqırdı hám olarǵa barlıq zárúr imkaniyatlardı jaratıwǵa tayar ekenligin bildirdi. Sonıń menen birge, rektor bilimlendiriwdiń sapasın arttırıw, jańa innovaciyalıq joybarlar hám ilimiy-izertlewlerdi ámelge asırıw boyınsha institut tárepinen ámelge asırılıp atırǵan reformalar haqqında maǵlıwmat berdi.

Ushırasıw dawamında studentler ózleriniń oqıw procesinde dus kelip atırǵan mashqalaları, bos waqıtların mazmunlı ótkeriw maqsetinde qosımsha ilimiy, psixologiyalıq hám sport dógerekleriniń jumısların jolǵa qoyıw, jaslar arasında kitapqumarlıqtı zamanagóy usıllarda úgit-násiyatlaw, jınayatshılıq hám huqıqbuzarlıqlardıń aldın alıw, qábiletli jaslardıń ilimge bolǵan umtılısların qollap-quwatlaw boyınsha sorawlar berdi hám pikir-usınısların bildirdi. Rektor hár bir sorawǵa tolıq juwaplar berdi.

Ilaj sońında jaslardı jańa baslamalardı ámelge asırıwǵa baǵdarlaw, ózlerin rawajlandırıw jolında tuwrı qararlardı qabıl etiwge xoshametlewge ayrıqsha dıqqat qaratıldı. Jańa imkaniyatlar hám joybarlar tuwralı da sóz etilip, jaslar ushın qosımsha xızmetler hám baǵdarlamalar usınıs etildi.

Jaslardıń alǵa qaray isenimli qádem taslawı, bilim hám tájiriybe almasıwı ushın ayrıqsha áhmiyetke iye bolǵan, institut keleshegi ushın úlken úmitler payda etetuǵın bunday ushırasıwlar barlıq fakultetler kesiminde dawam etedi.

©️NMPI baspasóz xızmeti.

Tolıq maǵlıwmat 👇👇👇
https://ndpi.uz/qq/2025/01/15/36245/

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube

#Rektor_hám_jaslar
#NMPI

◾️Rektor hám jaslar ushırasıwı: Jaslardıń pikir-usınısları hám baslamaları qollap-quwatlanbaqta

Búgin, 16-yanvar kúni Ájiniyaz atındaǵı Nókis mámleketlik pedagogikalıq institutı rektorı Quvondiq Qodirov Túrkiy tiller fakultetiniń student-jasları menen ushırasıw ótkerdi. Ushırasıwda studentlerdiń oqıw procesi, ilimiy hám jámiyetlik belsendiligi, sonday-aq, jaslardı sociallıq jaqtan qollap-quwatlaw, olarǵa qosımsha imkaniyatlar jaratıw máseleleri dodalandı.

Dáslep rektor studentlerge instituttaǵı imkaniyatlar, jańadan jolǵa qoyılatuǵın joybarlar haqqında maǵlıwmat berip, jaslardı óz pikirlerin erkin bildiriwge, jámiyette óz ornın tabıwǵa, respublikalıq hám xalıqaralıq dárejede joqarı nátiyjelerge erisiwge shaqırdı.

Óz gezeginde, jaslar oqıw hám ámeliyat procesindegi ayırım máseleler, ilimiy hám ádebiy kitaplar menen támiyinleniw dárejesin arttırıw, dóretiwshi jaslardıń baslamaların qollap-quwatlaw hám shıǵarmaların baspadan shıǵarıwǵa kómeklesiw, jazıwshı hám shayırlar menen ushırasıwlar shólkemlestiriw, psixologiyalıq seminarlardı ótkeriw, sport dógerekleriniń jumısların jetilistiriw, jaslardı kitapqumarlıqqa baǵdarlaw maqsetinde hár qıylı úgit-násiyat akciyaların shólkemlestiriw boyınsha óz usınısların bildirdi.

Rektor studentlerdiń hár bir pikirine dıqqat awdarıp, olardıń mashqalaların sheshiw jolları haqqın aytıp, instituttı rawajlandırıw boyınsha joybarları menen bólisti.

Ushırasıw juwmaǵında rektor jaslardı keleshekte bunnan da joqarı nátiyjeler kútip turǵanlıǵı, olar ózleriniń umtılısları, ilimiy hám jámiyetlik belsendiligin ele de arttırıwı zárúrligin atap ótti.

Rektordıń jaslar menen ushırasıwı studentlerdiń instituttaǵı oqıwı, ilimiy hám dóretiwshilik jumıslarında unamlı ózgerislerdi ámelge asırıwǵa baǵdarlanǵan áhmiyetli qádem boldı.

Institut rektorınıń student-jaslar menen ushırasıwı barlıq fakultetler kesiminde dawam etedi.

©️NMPI baspasóz xızmeti.

Tolıq maǵlıwmat 👇👇👇
https://ndpi.uz/qq/2025/01/16/36290/

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube

#Rektor_hám_jaslar
#NMPI

◾️«Jaslardıń pikir-usınısları – institutımızdı rawajlandırıwdıń tiykarı bolıp xızmet etedi» – NMPI rektorı Quvondiq Qodirov

Búgin, 20-yanvar kúni Ájiniyaz atındaǵı Nókis mámleketlik pedagogikalıq institutı rektorı Quvondiq Qodirov gezektegi «Rektor hám jaslar» ushırasıwı sheńberinde Baslawısh tálim fakultetiniń studentleri menen ashıq sáwbetlesti.

Ilajda rektor student-jaslardıń mashqala hám usınısların tıńlap, olardıń pikirleri, baslamaları tiykarında instituttaǵı bilimlendiriw procesin ele de jetilistiriw boyınsha aldaǵı rejeleri menen bólisti.

Ushırasıwda studentler birneshe usınıslardı bildirip, oqıw hám ámeliyat barısındaǵı mashqalalardı atap ótti. Jaslar ushın kóbirek bos waqıtların mazmunlı ótkeriw, ámeliy kónlikpelerge iye bolıw, stajirovkalar shólkemlestiriw, oqıw procesin zamanagóy texnologiyalar menen támiyinlew, jaslardıń kitapqumarlıq mádeniyatın arttırıw boyınsha tańlawlar shólkemlestiriw, studentlerge hár qıylı tarawlarda qosımsha treningler ótkeriw boyınsha usınıslar bildirildi.

Rektor óz gezeginde, instituttıń bilimlendiriw sapası hám student-jaslar ushın jaratılǵan sharayatlardı turaqlı túrde jańalawǵa ayrıqsha dıqqat qaratılıp atırǵanlıǵın atap ótti. Ushırasıw juwmaǵında studentlerge aldaǵı waqıtlarda da óz pikir hám usınısların bildiriwi ushın imkaniyatlar jaratılıwı hám bul arqalı instituttıń jumısların bunnan bılay da nátiyjeli shólkemlestiriw jobalastırılıp atırǵanlıǵın málim etti.

Sonday-aq, rektor ushırasıw dawamında jaslardıń bilim alıwǵa bolǵan qızıǵıwshılıǵın xoshametlew, olardıń bilim hám kónlikpelerin rawajlandırıw maqsetinde jańa baslamalar islep shıǵılatuǵınlıǵı tuwralı maǵlıwmat berdi. Ushırasıw kóterińki ruwxta ótti hám student-jaslardıń baslamaların ámelge asırıw ushın tiykar boldı.

Rektordıń fakultetler kesimindegi studentler menen ushırasıwları dawam etedi.

©️NMPI baspasóz xızmeti.

Tolıq maǵlıwmat 👇👇👇
https://ndpi.uz/qq/2025/01/20/36533/

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube

#Rektor_hám_jaslar
#NMPI

◾️NMPI rektorı Pedagogika fakultetiniń student-jasları menen ashıq sáwbetlesiw ótkerdi

Rektor hám student-jaslar ushırasıwı – bul oqıw orınlarında bilimlendiriw hám ilimniń rawajlanıwı, studentler turmısı hám institutta ámelge asırılıp atırǵan jańalanıwlar haqqında pikir almasıw ushın oǵada áhmiyetli ilaj bolıp tabıladı. Bunday ushırasıwlar studentlerge basshıǵa óz sorawların beriw, mashqalalardı ashıq-aydın bildiriwi, rektor bolsa óz rejeleri hám instituttaǵı jańa baslamalar haqqında maǵlıwmat beriwi ushın imkaniyat jaratadı.

Usınday iygilikli maqsetler jolında Ájiniyaz atındaǵı Nókis mámleketlik pedagogikalıq institutında barlıq fakultetler kesiminde «Rektor hám jaslar» ushırasıwları shólkemlestirilmekte.

Búgin, 21-yanvar kúni institut rektorı Quvondiq Qodirovtıń Pedagogika fakulteti student-jasları menen ushırasıwı bolıp ótti.

Ushırasıwda rektor institutta oqıw procesiniń sapasın arttırıw, ilimiy-izertlew jumısların rawajlandırıw hám studentler ushın jańa imkaniyatlar jaratıw boyınsha ámelge asırılıp atırǵan jumıslar tuwralı sóz etti.

Studentler ózlerin qızıqtırǵan sorawlardı berip, instituttaǵı oqıw sharayatların jaqsılaw, jámiyetlik jumıslarǵa belsene qatnasıw, qosımsha pán dógereklerin shólkemlestiriw, shet tilleri hám málimleme texnologiyaları boyınsha oqıtıwdı jolǵa qoyıw, oqıw procesine zamanagóy texnologiyalardı engiziw boyınsha pikir-usınısların bildirdi.

Rektor hám studentler arasındaǵı sáwbetlesiw kóterińki ruwxta, ashıq-aydın tárizde dawam etti. Sonday-aq, ushırasıwda studentlerdiń innovaciyalıq ideyaları, jańa baslamaları tıńlandı hám aldaǵı waqıtlarda usı pikir-usınıslardı ámelge asırıw imkaniyatları dodalandı.

©️NMPI baspasóz xızmeti.

Tolıq maǵlıwmat 👇👇👇
https://ndpi.uz/qq/2025/01/21/36585/

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube

#Rektor_hám_jaslar
#NMPI

◾️Rektor hám jaslar ushırasıwı: Tábiyiy pánler fakulteti jasları óz pikir-usınısların bildirdi

Xabarıńız bar, Ájiniyaz atındaǵı Nókis mámleketlik pedagogikalıq institutında barlıq fakultetler kesiminde «Rektor hám jaslar» ushırasıwları shólkemlestirilip, jaslardıń baslamaları, pikir hám usınısları úyrenilmekte.

Búgin, 10-fevral kúni institut rektorı Quvondiq Qodirov Tábiyiy pánler fakultetiniń studentleri menen ushırastı hám jaslar menen ashıq sáwbetlesiw ótkerdi.

Ushırasıwda rektor jaslardı ilim hám bilimlendiriw baǵdarlarında joqarı tabıslarǵa erisiwge shaqırdı.

Ushırasıw dawamında jaslar ózleriniń oqıw procesinde dus kelip atırǵan qıyınshılıqlar hám instituttaǵı imkaniyatlar haqqında sóz etip, oqıw hám ilimiy laboratoriyalardan nátiyjeli paydalanıw, ıssıxanalar shólkemlestiriw arqalı biogumus islep shıǵarıw hám institutqa qosımsha dáramatlar alıp keliw, startap hám innovaciyalıq ideyalardı ámeliyatqa engiziw, oqıwdan bos waqıtlarda sport hám shet tilleri boyınsha qosımsha sabaqlardı shólkemlestiriw, «Jasıl mákan» ulıwma milliy joybarı ushın qosımsha haqı tólenetuǵın jaslar otryadlarınıń jumısların jolǵa qoyıw, stipendiat jaslardıń qatarın kóbeytiw maqsetinde seminar-treninglerdi ótkeriw boyınsha pikir-usınısların bildirdi.

Óz gezeginde, institut rektorı jaslar ushın jańa ilimiy-dóretiwshilik platformalardı jaratıw, studentler menen turaqlı baylanısta bolıp, olardıń mútájliklerin esapqa alıw arqalı jumıslardı nátiyjeli jolǵa qoyıwdı maqset etkenligin atap ótti.

Ushırasıwda institutta jumıs alıp barıp atırǵan hár qıylı dógerekler, klub hám shólkemler haqqında sóz etilip, jaslardı usı imkaniyatlardan belsene paydalanıwǵa shaqırdı.

Ilaj sońında rektor jaslardı hár tárepleme qollap-quwatlawǵa hám olardıń baslamaların xoshametlewge tayın ekenligin bildirdi. Jaslardıń úlken tabıslarǵa erisiwi ushın barlıq sharayatlardı jaratıwǵa bel baylaǵanbız, dep qosımsha etti.

Ushırasıw jaslardıń keleshekte óz tarawı boyınsha jańalıqlardı engiziwge bolǵan umtılısların kúsheytetuǵın hám ele de nátiyjeli bilim alıwǵa ilhamlandıratuǵın ilaj boldı.

©️NMPI baspasóz xızmeti.

Tolıq maǵlıwmat 👇👇👇
https://ndpi.uz/qq/2025/02/10/37644/

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube

#Rektor_hám_jaslar
#NMPI

◾️Jaslardıń pikir hám usınısları – instituttı hár tárepleme rawajlandırıwǵa xızmet etedi

Búgin, 11-fevral kúni Ájiniyaz atındaǵı Nókis mámleketlik pedagogikalıq institutı rektorı Quvondiq Qodirov «Rektor hám jaslar» ushırasıwı sheńberinde Mektepke shekemgi tálim fakultetiniń student-jasları menen ushırasıw ótkerdi.

Ushırasıwdan gózlengen baslı maqset jaslardıń mashqalaların úyreniw, pikir-usınısların tıńlaw hám baslamaların qollap-quwatlaw, sonıń menen birge, institutta oqıw jáne ilimiyi-izertlew baǵdarında ámelge asırılıp atırǵan jańalanıwlar haqqında maǵlıwmat beriwden ibarat.

Ilajda rektor sózge shıǵıp, instituttıń ilimiy-texnikalıq potencialın arttırıw, jaslardıń bilim hám kónlikpelerin, qábiletlerin rawajlandırıw ushın jaratılıp atırǵan sharayatlar haqqında aytıp ótti. Sonday-aq, jaslardıń jámiyettegi ornı, olardıń innovaciyalıq baslamaların qollap-quwatlaw hám nátiyjeli jumıs alıp barıwı ushın qosımsha imkaniyatlardı jaratıw zárúrligi atap ótildi.

Ushırasıw dawamında studentler ózleriniń pikir-usınısların bildirdi hám oqıw hám ámeliyat procesindegi mashqalalardı dodaladı. Sonday-aq, olar oqıw procesiniń bunnan bılay da nátiyjeliligin arttırıw, sport hám mádeniy ilajlardı ótkeriw, studentler turaq jayında qosımsha dógereklerdi shólkemlestiriw, sırt ellerdegi joqarı oqıw orınlarınan professor-oqıtıwshılardıń sabaqların jolǵa qoyıw, jaslar isbilermenligin rawajlandırıw maqsetinde seminarlar ótkeriw, logopediya qánigeligi boyınsha oqıw hám ilimiy laboratoriyalardı ashıw, oqıw ádebiyatlarınıń sanın kóbeytiw boyınsha usınıslar bildirdi.

Rektor barlıq usınıslardı tıńlap, olarǵa juwap berdi hám aldaǵı waqıtlarda bildirilgen usınıslar tiykarında ámelge asırılatuǵın jumıslar haqqında maǵlıwmat berdi.

Ilaj jaslar arasında bekkem baylanıslar ornatıw hám olar menen nátiyjeli pikirlesiwdi támiyinlewge baǵdarlanǵan áhmiyetli qádem boldı.

©️NMPI baspasóz xızmeti.

Tolıq maǵlıwmat 👇👇👇
https://ndpi.uz/qq/2025/02/11/37683/

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube

#Rektor_hám_jaslar
#NMPI

◾️Rektor jaslardıń pikir hám usınısların tıńladı

Ájiniyaz atındaǵı Nókis mámleketlik pedagogikalıq institutı rektorı Quvondiq Qodirovtıń «Rektor hám jaslar» formatındaǵı ushırasıwları fakultetler kesiminde dawam etpekte.

Fizika-matematika fakulteti studentleri menen bolıp ótken ashıq sáwbetlesiwde instituttı hár tárepleme rawajlandırıw, studentlerdiń oqıwı, ámeliyat procesi, bos waqıtların nátiyjeli jumıslarǵa sarplaw, ilimiy-izertlew jumısları hám innovaciyalıq ideyaları boyınsha pikir almasıldı.

Dáslep rektor jaslarǵa institutta jaratılıp atırǵan sharayatlar, ámelge asırılıp atırǵan reformalardıń ámeliy nátiyjeleri, jaslar ushın jańa imkaniyatlar, joybarlar hám baǵdarlamalar haqqında maǵlıwmat berip, student-jaslardan bul baǵdardaǵı jumıslardı bunnan bılay da jetilistiriw maqsetinde pikir-usınısların bildiriwin soradı.

Studentler oqıw hám ámeliyat procesindegi orın alıp atırǵan mashqalalardı atap ótip, «ustaz-shákirt» baǵdarındaǵı jumıslardı ele de jetilistiriw, ataqlı mámleketlik stipendiyalar, jaslardıń innovaciyalıq hám startap joybarların ámelge asırıw boyınsha seminar-treningler shólkemlestiriw hám usı sıyaqlı ilimiy-pedagogikalıq baǵdardaǵı usınısların bildirdi.

Ushırasıw juwmaǵında rektor jaslardı zamanagóy bilim hám kásiplerdi ózlestiriwge, zamanagóy texnologiyalardan nátiyjeli paydalanıw arqalı joqarı nátiyjelerge erisiwge shaqırdı. Sonday-aq, jaslardıń pikir-usınısları hám baslamaların bárqulla qolla-quwatlawǵa tayar ekenligin atap ótti.

Tolıq maǵlıwmat 👇👇👇
https://ndpi.uz/qq/2025/02/18/37883/

**************

#Rektor_va_yoshlar
#NukusDPI

◾️Rektor yoshlarning fikrlari va takliflarini tingladi

Ajiniyoz nomidagi Nukus davlat pedagogika instituti rektori Quvondiq Qodirovning “Rektor va yoshlar” formatidagi uchrashuvlari fakultetlar kesimida davom etmoqda.

Fizika-matematika fakulteti talabalari bilan bo‘lib o‘tgan ochiq muloqotda institutni har tomonlama rivojlantirish, talabalarning o‘qish, amaliyot jarayoni, bo‘sh vaqtlarini samarali o‘tkazish, ilmiy-tadqiqot ishlari va innovatsion g‘oyalar bo‘yicha fikr almashildi.

Dastlab rektor yoshlarga institutda yaratilayotgan sharoitlar, amalga oshirilayotgan islohotlarning amaliy natijalari, yoshlar uchun yangi imkoniyatlar, loyiha va dasturlar haqida ma’lumot berib, talaba-yoshlardan bu boradagi ishlarni yanada takomillashtirish maqsadida fikr-mulohazalarini bildirishlarini so‘radi.

Talabalar o‘quv va amaliyot jarayonidagi mavjud muammolarni ta’kidlab, “ustoz-shogird” yo‘nalishidagi ishlarni yanada takomillashtirish, nomdor davlat stipendiyalari, yoshlarning innovatsion va startap loyihalarini amalga oshirish bo‘yicha seminar-treninglar tashkil etish va shu kabi ilmiy-pedagogik yo‘nalishdagi takliflarini bildirdi.

Uchrashuv yakunida rektor yoshlarni zamonaviy bilim va kasblarni o‘zlashtirishga, zamonaviy texnologiyalardan samarali foydalanish orqali yuqori natijalarga erishishga chaqirdi. Shuningdek, yoshlarning taklif va tashabbuslarini doimo qo‘llab-quvvatlashga tayyorligini ta’kidladi.

Batafsil ma’lumot 👇👇👇
https://ndpi.uz/uz/2025/02/18/37883/

©️NMPI baspasóz xızmeti.

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube

#Rektor_hám_jaslar
#NMPI

◾️NMPI rektorı Tariyx fakultetiniń studentleri menen ashıq sáwbetlesti

Ájiniyaz atındaǵı Nókis mámleketlik pedagogikalıq institutı rektorı Quvondiq Qodirov «Rektor hám jaslar» ushırasıwı sheńberinde instituttıń Tariyx fakulteti studentleri menen ashıq sáwbetlesiw ótkerdi.

Rektor dáslep mámleketimizde jaslardıń bilim alıwı, kásip-óner úyreniwi hám óz qábiletlerin júzege shıǵarıwı ushın jaratılıp atırǵan sharayatlar, usınday imkaniyatlardan nátiyjeli paydalanıp atırǵan jaslardıń qolǵa kirgizip atırǵan tabısları haqqında aytıp ótip, 90 jıllıq tariyxına iye bolǵan institutta jaslardıń tálim-tárbiyası, olarǵa qosımsha qolaylıqlar jaratıw baǵdarındaǵı orınlanıp atırǵan jumıslar haqqında maǵlıwmat berdi.

Sonıń menen birge, instituttı hár tárepleme rawajlandırıw maqsetinde islep shıǵılǵan jol kartasınıń tiykarǵı bántlerin jaslardıń pikir-usınısları tiykarında qáliplestiriw maqsetinde usı formattaǵı ushırasıwlardı barlıq fakultetler kesiminde ótkerip atırǵanın aytıp ótip, jaslardıń bul baǵdardaǵı baslamaların tıńlaw hám qollap-quwatlawǵa tayar ekenligin bildirdi.

Ushırasıwda fakultet student-jasları jazǵı demalıs dáwirinde qızıǵıwshı jaslar arasında tariyx baǵdarı boyınsha oqıtıw kursların shólkemlestiriw hám bul boyınsha Qaraqalpaqstan tájiriybesin ámeliyatqa engiziw, tariyxıy-arxeologiyalıq orınlarǵa ámeliyat penen birgelikte mádeniy sayaxatlar shólkemlestiriw, sırt ellerdiń abıroylı joqarı oqıw orınlarınıń professor-oqıtıwshıların oqıw procesine shaqırıw, sonday-aq, studentlerdiń sırt el joqarı oqıw orınlarında bilimin jetilistiriwdi jolǵa qoyıw, oqıw ádebiyatlarınıń sanın kóbeytiw, sport dógerekleriniń jumısları ushın sharayatlar jaratıw hám materiallıq-texnikalıq jaqtan támiyinleniw dárejesin jaqsılaw boyınsha rektorǵa ózleriniń pikir-usınısların bildirdi.

Institut rektorı bildirilgen hár bir usınıs boyınsha tiyisli tártipte ámeliy jumıslar alıp barılatuǵınlıǵın atap ótip, jaslardı bárqulla elimizdiń rawajlanıwına úles qosatuǵın, joqarı potencialǵa iye qánigeler bolıp jetisiwge háreket etiwden toqtamawǵa, óz ústinde izlenip, qábiletlerin, bilim hám kónlikpelerin arttırıp barıwǵa shaqırdı.

©️NMPI baspasóz xızmeti.

Tolıq maǵlıwmat 👇👇👇
https://ndpi.uz/qq/2025/02/19/37961/

🇺🇿MATNNI O‘ZBEK TILIDA O‘QISH

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube

#Rektor_hám_jaslar
#NMPI

✅Ellikqala pedagogika fakultetinde «Rektor hám jaslar ushırasıwı» bolıp ótti

◾️Búgin, 22-mart kúni Ájiniyaz atındaǵı Nókis mámleketlik pedagogikalıq institutı rektorı Quvondiq Qodirov Ellikqala pedagogika fakultetiniń student-jasları menen ushırasıw ótkerdi. Ushırasıwda studentlerdiń oqıw procesi, ilimiy hám jámiyetlik belsendiligi, sonday-aq, jaslardı sociallıq jaqtan qollap-quwatlaw, olarǵa qosımsha imkaniyatlar jaratıw máseleleri dodalandı.

Dáslep rektor studentlerge instituttaǵı imkaniyatlar, jańadan jolǵa qoyılatuǵın joybarlar haqqında maǵlıwmat berip, jaslardı óz pikirlerin erkin bildiriwge, jámiyette óz ornın tabıwǵa, respublikalıq hám xalıqaralıq dárejede joqarı nátiyjelerge erisiwge shaqırdı.

Óz gezeginde, jaslar oqıw hám ámeliyat procesindegi ayırım máseleler, ilimiy hám ádebiy kitaplar menen támiyinleniw dárejesin arttırıw, dóretiwshi jaslardıń baslamaların qollap-quwatlaw, jazıwshı hám shayırlar menen ushırasıwlar shólkemlestiriw, psixologiyalıq seminarlardı ótkeriw, sport dógerekleriniń jumısların jetilistiriw, jaslardı kitapqumarlıqqa baǵdarlaw maqsetinde hár qıylı úgit-násiyat akciyaların shólkemlestiriw boyınsha óz usınısların bildirdi.

Rektor studentlerdiń hár bir pikirine dıqqat awdarıp, olardıń mashqalaların sheshiw jolları haqqında maǵlıwmat berdi hám instituttı rawajlandırıw boyınsha joybarları menen bólisti.

Ushırasıw juwmaǵında rektor jaslardı keleshekte bunnan da joqarı nátiyjeler kútip turǵanlıǵı, olar ózleriniń umtılısları, ilimiy hám jámiyetlik belsendiligin ele de arttırıwı zárúrligin atap ótti.

©️NMPI baspasóz xızmeti.

Tolıq maǵlıwmat 👇👇👇
https://ndpi.uz/qq/2025/03/22/39015/

🇺🇿MATNNI O‘ZBEK TILIDA O‘QISH

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube