#Pitkeriwshi_2024
#NMPI

🫡 «Institutta alǵan bilim hám kónlikpelerim keleshektegi úlken maqsetlerime erisiwde qol-qanat boladı» – Prezident stipendiatı Nursultan Nurniyazov

Ájiniyaz atındaǵı Nókis mámleketlik pedagogikalıq institutında 2023-2024-oqıw jılı juwmaǵı boyınsha pitkeriwshi kurs studentleriniń pitkeriw qánigelik jumısların qorǵaw procesi 10-iyun kúninen baslandı.

Juwmaqlanıw aldında turǵan bıyılǵı oqıw jılında Ózbekstan Respublikası Prezidenti stipendiyasınıń jeńimpazı bolǵan instituttıń Shet tilleri fakulteti inglis tili hám ádebiyatı tálim baǵdarınıń 4-kurs studenti Nursultan Nurniyazov birinshiler qatarında óziniń pitkeriw qánigelik jumısın qorǵap shıqqan jaslardıń biri.

– Búgin «B2 dárejeli klasslarǵa kognitivlik qatnastı engiziw» atamasındaǵı pitkeriw qánigelik jumısımdı tabıslı qorǵadım. Tórt jıl dawamında institutta tájiriybeli ustazlarımızdan tereń bilimlerdi ózlestirip, olar menen birgelikte ilimiy-izertlew hám dóretiwshilik jumıslardı alıp barıwǵa háreket ettim. Men oylayman, bul dárgayda alǵan bilim hám kónlikpelerim keleshekte aldıma qoyǵan joqarı maqsetlerime erisiwde bekkem tiykar hám qol-qanat boladı. Pursattan paydalanıp, meniń usınday jetiskenliklerge erisiwime sebepshi bolǵan ilimiy basshım, docent Aliya Tajievaǵa, fakultetimiz dekanı Ilyusha Dilmanovqa ayrıqsha minnetdarshılıq bildiremen, – deydi ol.

Institutta pitkeriwshi kurs studentleriniń pitkeriw qánigelik jumısların qorǵaw procesi 25-iyunǵa shekem dawam etedi.

Maǵlıwmat ornında atap ótiw kerek, bıyılǵı oqıw jılında Nókis mámleketlik pedagogikalıq institutın ulıwma 3 mıń 854 pitkeriwshi, sonnan bakalavriattıń kúndizgi tálim baǵdarları boyınsha 2 mıń 576, sırtqı tálim baǵdarları boyınsha 1 mıń 259 student, al magistratura qánigelikleri boyınsha 19 magistrant pitkerip shıǵıwı kútilmekte.

©️NMPI baspasóz xızmeti.

Tolıq maǵlıwmat 👇
https://ndpi.uz/qq/2024/06/11/29569/

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube