​​#OTM_янгиликлари

Нукус ДПИ волейбол қизлар жамоаси - Ўзбекистон чемпиони!

Жорий йилнинг 19–24 май кунлари Тошкент шаҳрида спортнинг волейбол тури бўйича хотин-қизлар ўртасида Олий лига жамоаларининг ХXVI Ўзбекистон чемпионати ўтказилди

Мусобақаларда Ажиниёз номидаги Нукус давлат педагогика институтининг Нукус ДПИ волейбол қизлар жамоаси ғолиб бўлди.

Мазкур ғалаба муносабати билан жамонанинг ҳар бир аъзоси «Ўзбекистон спорт устаси» унвонига эга бўлди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.iss.one/joinchat/AAAAAEX5-As9g1WrZzvANA

​​#OTM_янгиликлари

Қорақалпоғистондаги ОТМлари масъуллари жонли эфирда телетомашабинлар саволларига жавоб берадилар

Бугун, 4 июнь куни «Қорақалпоғистон» телеканали орқали ЎзР Президентининг 2019 йил 14 майдаги «Олий таълим муассасаларига тест синовлари орқали қабул қилиш тизимини такомиллаштириш бўйича қўшимча чора-тадбирлар тўғрисида»ги қарори асосида соҳадаги янгиликлар ва ўзгаришлар ҳақида жонли эфирда «Очиқ микрофон» кўрсатуви орқали кенг оммага маълумотлар бериш, уларни қизиқтирган саволларга жавоб бериш режалаштирилган.

Кўрсатув соат 21:15да жонли эфирда олиб борилади. Дастурда ЎзР ВМ ҳузуридаги Давлат тест маркази Қорақалпоғистон Республикаси бўлими ҳамда Қорақалпоғистонда фаолият юритаётган ОТМлари масъул ходимлари иштирок этиб, телетомашабинларни қизиқтирган саволларга жавоб берадилар.

Савол, таклиф ва мурожаатлар учун: +99861 2265311, +99861 2265314, +99861 2265315

Олий ва ўрта махсус таълим вазирлигининг расмий телеграм каналига уланиш👇👇👇
https://t.iss.one/joinchat/AAAAAEX5-As9g1WrZzvANA

​​#OTM_янгиликлари

Нукус ДПИнинг «Турон» жамоаси «Қувноқлар ва зукколар» танлови ғолиби бўлди

Кеча, 22 ноябрь куни Тошкент шаҳридаги «Халқлар дўстлиги» саройида «Қувноқлар ва зукколар: чемпионлар кубоги-2020» бўлиб ўтди.

«Қувноқлар ва зукколар» республика танловининг финал босқичида сўнгги тўрт йилда чемпионликни қўлга киритган жамоалар иштирок этиб, энг сара бадиий ва кўнгилочар дастурларини йиғилганлар эътиборига ҳавола этилди.

Жумладан, Нукус давлат педагогика институтининг «Турон» (2015 йил), Андижон қишлоқ хўжалиги ва агротехнологиялар институтининг «Оғалар» (2016 йил), Навоий давлат кончилик институтининг «ТБТ» (2017 йил), Тошкент молия институтининг «Молиячи» (2018 йил) ҳамда 2019 йилги мавсум чемпиони Тошкент давлат аграр университетининг «Янги юлдузлар» жамоалари қатнашди.

Танлов якунларига кўра, Нукус давлат педагогика институтининг «Турон» жамоаси ғолиб деб топилди ва 2020 йилги Ўзбекистон чемпиони сифатида суперкубок эгаси бўлди.

Ғолиб жамоага 30 миллион сўмлик сертификат топширилди.

Вазирлик телеграм каналига уланиш👇👇👇
https://t.iss.one/joinchat/AAAAAEX5-AsADEDumdCB6g

​​#OTM_янгиликлари

Покистоннинг машҳур нашрларидан бирида Нукус ДПИ билан ҳамкорлик бўйича материал чоп этилди

Ажиниёз номидаги Нукус давлат педагогика институтида Ўзбекистоннинг Покистон Ислом Республикасидаги фавқулодда ва мухтор элчиси Ойбек Усмонов билан учрашувда Панжоб университети билан ҳамкорлик бўйича музокаралар бўлиб ўтган эди.

Покистон Глобал ва стратегик тадқиқотлар маркази раҳбари Холид Акром ва Панжоб университети вице-канцлери, профессор Муҳаммад Салим Мажар билан элчи Ойбек Усмонов ҳамда институт ректори Байрамбай Отемуратов, илмий ишлар ва инновациялар бўйича проректор Полатбек Калхановлар онлайн форматда ўтказилган учрашувда келгусида илмий-педагогик фаолиятда ҳамкорлик масалаларини муҳокама қилди.

Бу ҳақда Покистон Ислом Республикаси «National Herald Tribune» газетасининг 2020 йил 25 декабрь кунги сонида материал чоп этилди.

Учрашувда Панжоб университети вакиллари талабалар, докторантлар ва профессор-ўқитувчиларни ўзаро алмашиш, 6 ойдан 1 йилгача бепул ва барча харажатлари қопланадиган ўқув сафарларини ташкил этиш бўйича ҳамкорлик қилишга тайёр эканлигини билдириб, келгусида амалга ошириладиган ишларни келишиб олган эди.

Вазирлик телеграм каналига уланиш👇👇👇
https://t.iss.one/joinchat/AAAAAEX5-AsADEDumdCB6g

​​#OTM_янгиликлари

Президент қарори асосида Нукус ДПИ ҳузурида математикага ихтисослаштирилган мактаб ташкил этилди

Иқтидорли ёшларни саралаб олиш тизимини ривожлантириш, уларни қўллаб-қувватлаш учун зарур шароитлар яратиш, ёшларнинг илм-фанга бўлган интилишларини рағбатлантириш, интеллектуал ва ижодий салоҳиятини рўёбга чиқариш борасидаги ислоҳотларни тизимли амалга ошириш мақсадида 2020 йил 3 декабрь куни Ўзбекистон Республикаси Президентининг «Иқтидорли ёшларни саралаб олиш тизими ва академик лицейлар фаолиятини такомиллаштириш чора-тадбирлари тўғрисида»ги қарори қабул қилинган эди.

Қарор асосида, 2020-2021 ўқув йилидан бошлаб Амударё академик лицейи негизида Нукус давлат педагогика институти ҳузуридаги математика фанига ихтисослаштирилган мактаб ташкил этилди.

Математика фанига ихтисослаштирилган мактабга бу йилги ўқув йилида математика, физика ва инглиз тили фанлари бўйича умумтаълим мактабларининг 7-, 8- ва 9-синф ўқувчилари қабул қилинади. Ўқувчилар ётоқхона ва тушлик овқат билан таъминланади.

Ҳозирги вақтда ихтисослаштирилган мактабга ўқувчиларни қабул қилиш давом этмоқда.

Вазирлик телеграм каналига уланиш👇👇👇
https://t.iss.one/joinchat/AAAAAEX5-AsADEDumdCB6g