#лохотрон

“Atlas”дан суперакциянинг "мис"и чиқди

Жорий йилнинг 22 апрель куни ижтимоий тармоқларда Учтепа туманидаги “Atlas” савдо мажмуасидаги “Mediapark” дўконида маиший техникалар учун 80 фоизгача чегирма бўлаётгани ҳақида хабарлар тарқалди.

Натижада дўкон атрофида 18 мингга яқин фуқаро тўпланган. Ижтимоий тармоқлардаги видеода дўконга келган харидор “маҳсулотларга белгиланган 50 фоиз чегирма ёзиб қўйишган, ҳатто 60 фоиз. Лекин нарх-наво "бешенный". Ҳеч ким ҳеч нарса олмаяпти. 7 миллион кирмошиналар. Холодилниклар 10 миллион. Лохотрон, кароче келиб ўтирманглар”, дея айтиб ўтган.

Тошкент шаҳар ИИББ расмий телеграм каналида ҳолат бўйича маълумот берилди. "Савдо мажмуаси бир вақтнинг ўзида бу каби кўплаб фуқароларни қабул қилиш имконига эга эмаслиги сабабли, шунингдек фуқароларнинг хавфсизлигини таъминлаш мақсадида савдо мажмуаси ёпилди. Ҳозирда ҳуқуқни муҳофаза қилувчи органлар томонидан савдо мажмуасидаги вазият назоратга олинди", дейилади маълумотда.

🌐 Web site 📩 Facebook 📲 Telegram