Тускай шериг операциязының киржикчилериниң өг-бүлелериниң херээжен кежигүннеринге “Ногаан коридор” акциязы эгелээн.
 
Республиканың Перинаталдыг төвүнде Аныяк эмчилер чөвүлели Тываның девискээринде бүгү кадык-камгалал албан черлеринге тускай шериг операциязының киржикчилериниң өг-бүлелериниң херээжен кежигүннеринге эмчи консультацияларын чорударын планнап турар. Амгы үеде ук эгелекчи саналды амыдыралга боттандырар талазы-биле белеткел ажылдары чоруп турар. Ол дугайында бистиң сюжедивисте.

#Тыва24 #ТШО #Медээлер #Кадыкшыл

Диспансеризация кадыкшыл экижидеринге– келир үе дээш сагыш-салыышкын.

Чырык чер кырынга күзенчиг ажы-төл төрүттүнзүн дээр болза, ада-ие болурунуң харыысалгазын билип, кижи бүрүзү боттарының кадыын быжыглаар ужурлуг. Россияга, ооң иштинде Тывага база эрткен чылдан тура 18-тен 49 харга чедир эр, херээжен улуска диспансеризация үезинде, оларның кадыынче улуг кичээнгей салган элээн шинчилелдер ажылын чоруткан. Шак ындыг диспансеризацияже чүү кирип турарының дугайында бистиң корреспондентивис сонуургап четкен.

#Тыва24 #Диспансеризация #Медээлер #Кадыкшыл

📺 Республиканың “Тыва кадет корпузу” школа-интернадында диш эмнээр чаа кабинет ажыттынган.

🦷 : Республиканың “Тыва кадет корпузу” школа-интернадында диш эмнээр чаа кабинет ажыттынган. Ам чалыы кадеттер поликлиника барып, хөй үезин чарып турбас, боттарының өөренип турар черинге ниити эмчи камгаладылгазының полизи-биле диштерин эмнедип алыр аргалыг.

#Тыва24 #Медээлер #Кадыкшыл

📺 Тывада рак аарыглары-биле демиселдиң чоруттунуп турары.

👩‍⚕️ Чылдың-на февраль 4-те бүгү делегейде рак аарыглары-биле демисел хүнүн демдеглеп эрттирип турар. Бистиң тырттырар бөлүүвүс Республиканың онкология диспансеринге чедип, эмчилерден бо талазы-биле бөгүнгү байдал Тывада кандыг турарын билип алган.

#Тыва24 #Медээлер #Онкология #Кадыкшыл

📺 Кызылда бичии уруглар аразында чидиг респираторлуг вирустуг инфекциялар азы ОРВИ өөскүп эгелээн.

💊 Бо неделяның эгезинден тура март 2-ге чедир Россияда Иммунитет быжыктырар неделя чарлаттынган. Ындыг турбуже Кызылда чидиг респираторлуг вирустуг инфекциялар азы ОРВИ биле грипптен аараан бичии уругларның саны хүнден-хүнче көвүдеп турар. Халдавырлыг аарыгга удур алдынып турар хемчеглер болгаш өске байдалдар дугайында Кызылдың 3 дугаарлыг уруглар эмнелгезиниң эмчизи бистиң корреспондентивиске чугаалап берген.

#Тыва24 #Медээлер #Кадыкшыл