📺 «Тыва 24». Хүннүң кол болуушкуннары. Башкарыкчызы – Оюмаа Монгуш.

✍️ - Чазак бажыңынга неделяның ээлчеглиг аппарат хуралы болуп эрткен. Аңаа чугаалашкан кол айтырыглар.
- Тывада рак аарыглары-биле демиселдиң чоруттунуп турары.
- Республиканың “Тыва кадет корпузу” школа-интернадында диш эмнээр чаа кабинет ажыттынган.
- Эрзин кожууннуң Культура бажыңында тускай шериг операциязының киржикчилеринге тураскааткан делгелгени организастаан.

#Тыва24 #Медээлер

📺 «Тыва 24». Хүннүң кол болуушкуннары. Башкарыкчызы – Буян Ооржак

✍️ - Элээди назылыглар, аныяктар-биле ажыл чорудуп турар специалистерге өөредиглиг семинар Тывада болуп эрткен.
- Кызылдың өөреникчилери эртемденнерниң чүнү кылып турарын боттарының караа-биле көөр аас-кежиктиг болган.
- Тывага тускай шериг операциязының хоочуннарын сайгарлыкчы чорукче хаара тудуп деткиир, оларга ажылчын олуттар тургузар хемчеглерни “төгерик столга” сайгарып чугаалашкан.
- Тывада Шагаа уткуштур ачы-дуза чыылдазы уламчылап турар.

#Тыва24 #Медээлер

📺 Кышкы оюн-тоглаа кезээде онзагай кичээнгейге турар. Кыжын канчаар эки кылдыр дыштанып болурул?

❄️ Бо чылдың кыжы чылыг эртип турары-биле чурттакчы чонга дыка өөрүнчүг. Мурнувуста ам-даа дыка хөй дыштаныр хүннер бар, арыг агаарга шимченгир оюннарга ал-ботту тураскаадыр болза эки. Бир-ле болза хоорайдан дашкаар бир турисчи базага дыштаныр херек, ынчалза-даа эң-не кол чүүл – ол дыштанылга айыыл чок болур ужурлуг. Дыштанып турар үеде багай чүве болбазын дээш чүнү канчаар ужурлуг бис, кандыг дүрүмнерни сагыыр болзувусса, солун дыштанылгавыс чүгле өөрүшкүнү сөңнээрил, допчузу-биле дараазында материалда.

#Тыва24 #Медээлер #Айыылчокчорук

📺 Кайнаар хомудал киирерил, багай аштаан оруктар дээш кымга хемчег онаар ужурлугул?

❄️ Бистиң редакциявысче хоорайның бөдүүн чурттакчылары бо-ла келир. Оларның аразында чолаачылар-даа, оруктарны чадаг кежип турар кижилер-даа бар. Дүвүредип чоруур айтырыы – Кызылдың кудумчуларында хар, тротуарларда болгаш машина халдыр оруктарда дошту аштавайн турары. Чадаг кижилер дошка тайгаш, янзы-бүрү кемдээшкиннерни ап, а чолаачылар орук озал-ондаанга таваржып турар. Бо таварылгада кым буруулугул, кайнаар хомудал киирерил, дараазында сюжетке тайылбырлаар-дыр бис.

#Тыва24 #Медээлер #Орук

📺 Доп-дораан чурукка тырттырары. Социал керээ-биле «Сүбедейде» фотобудка ажыттынган.

📸 Беш минута – ол-ла, чурук белен. «Сүбедей» спортчу комплексте фотобудка ажылдап эгелээн. Биче хемчээлдиг студия социал керээ ачызында ажыттынган. Кызылдың чурттакчылары кайы-даа үеде доп-дораан үнүп кээр чурукка канчаар-даа тырттырып болур аргалыг апарган. допчузу-биле дараазында сюжетте.

#Тыва24 #Медээлер #СоциалКерээ\

📺 Чоннуң үнелели: Тывада Көдээ культура бажыңын Россияның алдарлыг артизи Анзат Кууларның ады-биле адаан.

🎼 Сүт-Хөл кожууннуң Ак-Даш суурнуң Көдээ культура бажыңы ам Анзат Кууларның адын эдилеп эгелээн. Аңаа тураскааткан онза хемчег сураглыг артистиң өскен-төрээн суурунга эрткен дыштаныр хүннерде болган. Тываның Виктор Көк-оол аттыг Национал хөгжүм-шии театрының артистери болган хемчегни болгаш хоочун артизин деткип, ак-дашчыларга “Хайыраан бот” деп шиини бараалгатканнар.

#Тыва24 #Медээлер #Культура #АкДашСуур

📺«Тыва 24». Хүннүң кол болуушкуннары. Башкарыкчызы – Оюмаа Монгуш

✍️ - Кайнаар хомудал киирерил, багай аштаан оруктар дээш кымга хемчег онаар ужурлугул?
- Кышкы оюн-тоглаа кезээде онзагай кичээнгейге турар. Кыжын канчаар эки кылдыр дыштанып болурул?
- Доп-дораан чурукка тырттырары. Социал керээ-биле «Сүбедейде» фотобудка ажыттынган.
- Чоннуң үнелели: Тывада Көдээ культура бажыңын Россияның алдарлыг артизи Анзат Кууларның ады-биле адаан.

#Тыва24 #Медээлер

📺Тываның Баштыңының ажыл-ижинден.

✍️Тываның Баштыңы Улуг-Хем кожуунче ажыл-херекчи сургакчылаашкын үезинде тус чер чурттакчылары-биле огород өстүрер ажыл-иш чорударын база “Өг-бүлениң шыгжамыры” деп төлевилел дугайында чугаалашкан. Оон аңгыда Владислав Ховалыг Чодураа суурда чаа школа тудуунуң чоруттунуп турарын хынап четкен.

#Тыва24 #Медээлер

📺Тывага Российжи эртем хүнүн демдеглеп эрттирген.

✍️Тываның эртемденнери эрткен субботада боттарының профессионал байырлалын демдеглеп эрттирген. Улусчу чогаадылга бажыңынга шак ол онзагай хүнге тураскааткан байырлыг хемчег болуп эрткен.

#Тыва24 #Медээлер

📺Эзирик чолаачы – кем-херек үүлгедикчизи-дир

✍️Эзирик чолаачы – кем-херек үүлгедиикчизи болур. Хоойлу-дүрүм шыңгыыраап, доктаамал сагындырыглар, кичээндириглер чоруттунуп турар-даа бол, арага ижип алгаш машина мунуп, өске улустуң амы-тынын айыылга таварыштырып турар кижилер ам-даа эвээжевейн турар. Бо чылдың январь айдан тура Тываның оруктарынга шагдаа ажылдакчылары 200 ажыг эзирик чолаачыларны туткан.

#Тыва24 #Медээлер