📺 Ленинградты бүзээлээшкинден долузу-биле хостаанының хүнүнге тураскааткан хаактыг поход.

⛷ “Тайга” станциязынга Ленинградты фашистерниң бүзээлээшкининден долузу-биле хостаанының хүнүнге тураскааткан хаактыг поход болуп эрткен. Ук спортчу болушкуннуң кол сорулгазы – ол дайынчы чылдарның төөгүлүг болуушкуннарының дугайында сагындырары. Хаактыг походтуң чүс хире киржикчилери “Январь диңмирээжи“ деп билдингир операцияның дайынчыларының ролюн күүседирин шенээннер.

#Тыва24 #Тиилелге80 #Медээлер #Спорт

📺 Тываның Чазаанга Аппарат хуралынга Тываның дөрт кожуунунга черлик ыттарга ызырткан 24 таварылга демдеглеттингенин дыңнаткан.

✍️ Тываның Чазаанга ээлчеглиг Аппарат хуралы болуп эрткен. Аңаа эрткен неделяны түңнеп чугаалашкан. Ол хуралга Улуг-Хем, Таңды, Чеди-Хөл болгаш Кызыл кожууннарга черлик ыттарга ызырткан таварылгалар көвүдээнин дыңнаткан. Ол-ла үеде Кызылдың девискээринде калчаа аарыынга удур карантин уламчылавышаан.

#Тыва24 #ТываЧазак #Медээлер

📺 Буянныг болгаш кайгамчык чараш танцы-сам. Тускай шериг операциязының дайынчыларын деткииринче угланган ректор балы Тываның күрүне университединге болуп эрткен.

👩‍🎓👨‍🎓 Российжи студентилер хүнүнде Тываның күрүне университединиң чаңчыл болган кайгамчык чараш, өңгүр-каас болуушкуну – ректор балы болуп эрткен. Национал театрда үш дугаар чыл шак бо чараш болуушкун #КАДЫБИС деп ачы-буян чедирилгезиниң хештэгиниң адаанда эртип турар.

#Тыва24 #ТШО #Медээлер #Өөредилге

📺 Ярыгин кубогунуң делегей чергелиг маргылдааларынга тыва мөгелерниң чайынналчак чедиишкиннери.

🤼‍♀️ 2025 чылдың спортчу календары бүдүн чуртта, харын-даа делегейде ат-сурагжаан маргылдаа-биле ажыттынган. Январь 23-тен 26-га чедир Красноярск хоорайга эр болгаш херээжен мөгелер аразынга 36-гы делегей чергелиг хостуг хүреш маргылдаазы - “Иван Ярыгинниң кубогу” болуп эрткен. Аңаа делегейниң 17 чурттарындан тергиин дээн мөгелер киришкен. “Тыва 24” телеканалдың тырттырар бөлүү маргылдааларның баштайгы хүнүнден эгелээш, улуг дээн видеоматериалды тырттырып алган. Спортчулар биле аарыкчыларның четтикпейн манаары сурагжаан маргылдааның дугайында.

#Тыва24 #Медээлер #Спорт #ЯрыгинКубогу

📢 «Тыва 24». Хүннүң кол болуушкуннары. Башкарыкчызы – Алена Лагбы.

- Тываның Чазаанга Аппарат хуралынга республиканың дөрт кожуунунга черлик ыттарга ызырткан 24 таварылга демдеглеттингенин дыңнаткан.
- Ленинградты бүзээлээшкинден долузу-биле хостаанының хүнүнге тураскааткан хаактыг поход.
- Ярыгин кубогунуң делегей чергелиг маргылдааларынга тыва мөгелерниң чайынналчак чедиишкиннери.
-Буянныг болгаш кайгамчык чараш танцы-сам. Тускай шериг операциязының дайынчыларын деткииринче угланган ректор балы Тываның күрүне университединге болуп эрткен.

#Тыва24 #Медээлер

📢 «Тыва 24». Хүннүң кол болуушкуннары. Башкарыкчызы – Алена Лагбы.

- Тываның Чазаанга Аппарат хуралынга республиканың дөрт кожуунунга черлик ыттарга ызырткан 24 таварылга демдеглеттингенин дыңнаткан.
- Ленинградты бүзээлээшкинден долузу-биле хостаанының хүнүнге тураскааткан хаактыг поход.
- Ярыгин кубогунуң делегей чергелиг маргылдааларынга тыва мөгелерниң чайынналчак чедиишкиннери.
-Буянныг болгаш кайгамчык чараш танцы-сам. Тускай шериг операциязының дайынчыларын деткииринче угланган ректор балы Тываның күрүне университединге болуп эрткен.

#Тыва24 #Медээлер

📺 -«Сүбедей» спорт өргээзинге Бай-Тайга кожууннуң шаңналы дээш хүреш маргылдаазы болуп эрткен.

🥇 “Сүбедей” спорт өргээзинге республиканың шыырак дээн мөгелериниң хүрежи болуп эрткен. Аңаа 74 мөге киришкен. Бо удаада олар Бай-Тайганың шаңналы дээш тудушканнар. Ай санында болуп эртип турар хүреш маргылдаазынга кым шүүлгенил?

#Тыва24 #Медээлер #Хүреш

📺 Кызылдың элээди армейжилери “Блокаданың хлеви” акцияга киришкен.

✍️ Январь 27- Ленинградты бүзээлээшкинден долузу-биле хостаан хүнү. Ол хүн Ленинград-Новгород стратегтиг халдаашкынныг операциязының түңнелинде немец-фашистерниң шериин чылча шапкан. Төөгүлүг бо хүнге тураскааткан “Блокаданың хлеви” деп акцияны элээди армейжилер Кызыл хоорайның төвүнге чоруткан.

#Тыва24 #Медээлер #Тиилелге80

📺 Тываның школаларында кибер айыыл чок чорук кичээлдери эртип турар.

📱 Кылымал интеллект азы кылымал угаан-медерел – келир үе бе азы бо хүннүң болуушкуну бе? Кара сагыштыг кижилерниң холунга киргеш, ол хора чедирип болур бе? Интернет четкизинден келир айыылдан канчаар камгаланып болурул?

#Тыва24 #Медээлер #КиберАйыыл

📺 Найысылалдың 3 дугаар школазынга “Чугула чүүлдер дугайында чугаа” болуп эрткен..

✍️ Дайын халавының уржуктарын шыдажып эрткен кижилерге ханы хүндүткелди чалыы салгалга оттуруп, оларның эрес-дидим, маадырлыг чоруктарын магадаар болгаш сеткил-хөңнүнге кээргелди хайныктырары-биле чурттуң муң-муң өөредилге черлеринге январь 27-де ажык кичээлдер, лекциялар болуп эрткен. 1944 чылдың шак ол хүнүнде Маадыр-хоорай Ленинград фашистерниң бүзээлээшкининден бүрүнү-биле хостаттырган. Кызыл хоорайның 3 дугаар школазы база Бүгү-российжи сактыышкын, эрес-дидим чорук болгаш патриотизм акциязынга киришкен.

#Тыва24 #Тиилелге80 #Медээлер #Өөредилге