📢Регионнуң Хамааты камгалал болгаш онза байдалдар албаны 2024 чылда ажылының түңнелдерин үндүрген.

📺2024 чылда республикага хамааты камгалал болгаш онза байдалдар адырынга чоруттунган ажыл-иштиң түңнелдерин үндүрген коллегия хуралы болуп эрткен.

#Тыва24 #Медээлер

📢Өг-бүле чылының соонда Ада-чурт камгалакчызының чылы келген

📺Ёзу-чаңчылдарын салгалдан салгалче дамчыдып чоруп олурар республикага өг-бүле чылы дээрге канчаар-даа аажок улуг үнелиг чүүл-дүр. Улусчу чогаадылга бажыңынга 2024 чылда эрткен Өг-бүле чылын түңнээш, улаштыр чаа Ада-чурт камгалакчызының чылын ажыткан.

#Тыва24 #Медээлер #ӨгБүле

📢Россияның банкызы чаа 5 муң рубльдиң саазын акшаларын үндүрген

📺Россияның банкызының Тывада салбырынга журналистер-биле ужуражылга болуп эрткен. Аңаа банкының Тывада салбыры чаарттынган чаа саазын акшаларны көргүзүп, кандыг өскерилгелер кылдынганын тайылбырлаан.

#Тыва24 #Медээлер #Банк

📺 Тываның булуң бүрүзүнде чаа медээлер: тыва солун-сеткүүлдер чагыдылгазы чоруп турар.

🗞 «Тывамедиабөлүк» парлалга бажыңының чалгынының адаанда “Тувинская правда”, “Шын”, “Тываның аныяктары” болгаш “Сылдысчыгаш” солуннары чырыкче үнүп, номчукчуларында солун медээлерни, онзагай материалдарны чедирип турар. Электроннуг парлалга чепсектери тергиидеп турар амгы үеде саазын солуннарны чагыдып, номчувушаан кижилер кожуун-суурларда ам-даа арбын.

#Тыва24 #Медээлер #Чагыдылга

📺 2025 чылда Бай-Даг сумузунуң Культура бажыңы чаарттынар.

🎼 “Өг-бүле” национал төлевилелдиң боттанылгазы-биле Тываның девискээринге 3 культурлуг объектини септээри көрдүнген. Эрзин кожууннуң Бай-Даг сумузунда көдээ культура бажыңының чаарттынган оран-савазын бо чылдың төнчүзүнде ажыглалче киирер. Чылыг, чырык, делгем оран-саваны бай-дагжылар четтикпейн манап турарлар.

#Тыва24 #Медээлер #Культура #ЭрзинКожуун

📺 Ат-сураглыг авар чогаалчы Расул Гамзатовтуң шүлүктериниң тыва дылда очулгазының номун чырыкче үндүрген.

✍️ Александр Сергеевич Пушкин аттыг ном саңынга Дагестанның тоолчураан оглу, сая-сая кижилерниң сагыш-сеткилин хөлзедипкен шүлүкчү Расул Гамзатовтуң 100 харлаанынга тураскааткан байырлыг хемчег болуп эрткен. Аңаа ооң кайгамчык шүлүктериниң тыва дылда очулгазының чыынды номун бараалгаткан.

#Тыва24 #Медээлер #ЧогаалДелегейи

📺«Тубтен Шедруб Линг» хүрээзинде чүгле угаан-медерелди эвес, а сагыш-сеткилди база сайзырадыр бир дугаар школа ажыттынган.

🙏 Тываның амыдыралынга база бир чугула болуушкун эрткен дыштаныр хүннерде Кызыл хоорайга болган. Сагыш-сеткилди, угаан-медерелди шажын-чүдүлге билиглери-биле холбап тургаш сайзырадып, өөредир школаны сарыг шажынның «Тубтен Шедруб Линг» хүрээзинде ажыткан. Аңаа улуг-даа улус, бичии чаштар-даа буддизмниң философиязын болгаш практиказын өөренир аргалыг болур.

#Тыва24 #Медээлер #ШажынчыШкола #КультурлугФондШойгу

📺 Тыва салым-чаяанныглар-биле алдаржаан.

💃 Улусчу чогаадылга төвүнге республиканың чогаадыкчы коллективтериниң гала-концерти болуп эрткен. Кайгамчык гала-концерттиң киржикчилери – регион, чурт хамаанчок, делегей чергелиг фестивальдар, мөөрейлерниң киржикчилери. Уран чүүл болгаш салым-чаяанның шак бо байырлалынга “Үлегерлиг чогаадыкчы коллектив”, “Уран чогаадылганың улусчу коллективи”, “Улусчу чогаадылганың хоочуннарының хүндүлүг коллективи” аттарны чаа коллективтерге тыпсып, ооң мурнунда алган коллективтерге бадыткаан.

#Тыва24 #Медээлер #Культура

📺 Танцыда сактыышкын. Тиилелге шөлүнге онзагай акция болуп эрткен.
💥 Кызыл хоорайның Тиилелге шөлүнге “Танцыда сактыышкын. Душ болган вальс” деп Бүгү-российжи акция болуп эрткен. Ук хемчегни Сталинград тулчуушкунунуң 82 чылдаанынга тураскааткан. Хөгжүмнүг флешмобту Улусчу фронтунуң төлээлери организастап эрттирген.
#Тыва24 #Медээлер #УлусчуФронт #Тиилелге80

📺 Шагаа уткуштур тускай шериг операциязынче чорудар ачы-дуза чыылдазы

✍️ Тывада Шагаа уткуштур тускай шериг операциязында киржип турар дайынчыларже чорудар ачы-дуза чыылдазы кидин-түлүк. Улусчу фронтунуң регионда штавынга эрттирген брифинг үезинде дайынчыларже дуза чорударының планнары-биле үлежип, ачы-дуза чыыр сорулга-биле организастап турар концерт дугайында журналистерге дыңнаткан.

#Тыва24 #Медээлер #ТШО #УлусчуФронт