📺 Чурттаар оран-савазын экижидип алырынга дузаламчы сертификаттарны 30 ажыг өг-бүле алган.

🏡 Байырлал мурнунда Тываның Чазааның бажыңынга тускай шериг операциязының киржикчилериниң аныяк өг-бүлелеринге чурттаар оран-савазын экижидип алырынга дуза болур 30 ажыг сертификатты тывыскан. Ол дугайында дараазында сюжетте.

#Тыва24 #Медээлер #ТываЧазак #Деткимче

📺 Монгуштарның өг-бүлезинде Шагаа: чаңчылдар болгаш чаа идегелдер.

❄️ Тывада ам-даа кышкы сооктуң тыныжы хевээр турар-даа болза, кижи бүрүзүнүң чүрээнде час оттуп, ооң чоокшулап олурарын эскерип турар. Удавас Шагаа - ай санаашкыны-биле Чаа чыл дүжер, чаартылгалар, чаа идегелдер болгаш өгбелерниң ёзу-чаңчылдары-биле харылзаа тудар үе келир. Бо хүнде Монгуштарның өг-бүлезинге чедип, Шагаага кайы-хире белеткенип турарын сонуургаан бис.

#Тыва24 #Медээлер #Шагаа

📺 Тываның школаларында өөреникчилер чемгерер аъш-чем аразынче хой эъдин киирген.

✍️ Тываның школаларында өөреникчилер чемгерер аъш-чем даңзызын чаарткан. Ук эдилгелерни Москва хоорайда Ажыл-агый адырларында чемненилге институдунуң специалистериниң бистиң республикавыска таарыштыр тускай ажылдап кылган сүмелерин барымдаалап тургаш, киирген. Эң-не кол өскерилге – хой эъдинден кылып белеткээн аъш-чем аймаа. Кызыл хоорайның 16 дугаар лицейиниң чемненилге черинде чаа даңзы езугаар белеткеттинген аъш-чемни ада-иелер амзап көрген.

#Тыва24 #Медээлер #Өөредилге

📺 Хууда уруглар садтарының аразынга хөглүг чарыштар болуп эрткен.

👪 Эрткен дыштаныр хүннерде найысылалга Ада-чурт камгалакчыларының хүнүнге тураскааткан республиканың хуу уруглар садтарында бичии оолдарның болгаш оларның ачаларының аразынга хөглүг чарыштар болуп эрткен.

#Тыва24 #Медээлер #Өөредилге #АдаЧуртКамгалакчызы

📺 «Өлчей» – Суг-Аксында ада-иелерниң улусчу уран кылыглар мастерскаязында улусчу ужур-чаңчылдарны диргизер ажыл чоруп турар.

✍️ Сүт-Хөл кожууннуң Суг-Аксы сумузунда ада-иелерниң Өлчей аттыг уран кылыглар мастерскаязы ажыттынган. Шак бо төлевилел Бүгү-российжи ада-иелер эгелээшкиннериниң мөөрейинге тиилекчи болган.

#Тыва24 #Медээлер #ТываЧаңчылдар #СүтХөлКожуун

📺 Онзагай уругларга Шагаа будуузунде байырлал.

✍️ Ай санаашкыны-биле Чаа чыл – Шагаа бүдүүзүнде найысылалдың бир байыр-дой өргээзинге онзагай хемчег болуп эрткен. Ооң кол маадырлары – кадыының байдалы кызыгаарлыг уруглар болгаш оларның ада-иелери.

#Тыва24 #Медээлер #Шагаа #ИеЧашКамгалалы

📺 Тываның эртинези дирткен Тожу кожуунга Ивижилер фестивалы болуп эрткен.

✍️ Февраль 21-де Тываның эң-не ыраккы болгаш чедери берге кожууннарының бирээзи Тожу кожуунга ийи чылда чаңгыс катап демдеглээр чараш байырлал - Ивижилер фестивалы болуп эрткен. Чүгле тожу тываларының эвес, а бүгү Тываның чонунуң болгаш ырак-чооктан келген аян-чорукчуларның база бир сонуургаары онза көрүштүг байырлал ол хүн хөй кижини хаара туткан. Фестивальдың организаторларының чугаазы-биле байырлалга барык ийи муң хире чыглып киришкен.Сибирьниң эвээш санныг үндезин чоннарының төлээлери – тожу тываларының онзагай культуразын, тайга-сынның ивижилериниң чаңчылчаан ус-тывыжын кайы хире кадагалап арттырып алганын чыылганнар сонуургап көрген.

#Тыва24 #Медээлер #Ивижилер #ТожуКожуун

📺 «Тыва 24». Хүннүң кол болуушкуннары. Башкарыкчызы – Буян Ооржак

- Тываның эртинези дирткен Тожу кожуунга Ивижилер фестивалы болуп эрткен.

-«Өлчей» – Суг-Аксында ада-иелерниң улусчу уран кылыглар мастерскаязында улусчу ужур-чаңчылдарны диргизер ажыл чоруп турар.

- Онзагай уругларга Шагаа будуузунде байырлал.

- Эрткен дыштаныр хүннерде хууда уруглар садтарының аразынга Ада-чурт камгалакчыларының хүнүнге тураскааткан хөглүг чарыштар болуп эрткен.

#Тыва24 #Медээлер