#Президент_совғаси
#Press_tur

“Prezident sovg‘asi” karvoni yo'lga tushdi

✅ Yangi yil bayrami munosabati bilan yurtimizdagi Mehribonlik uylari tarbiyalanuvchilari, ota-ona qarovisiz qolgan bolalar, ota-onalari Vatan sarhadlarini himoya qilish yo‘lida qurbon bo‘lgan bolalar, ijtimoiy himoyaga muhtoj oilalar farzandlari uchun beriladigan “Prezident sovg‘asi” karvonlari hududlarga jo‘nab ketmoqda.

➖ Bugun poytaxtimizda “Prezident sovg‘asi”ni qadoqlash, hududlarga jo‘natish jarayonlari doir tadbir bo‘lib o‘tdi. Ushbu tadbir doirasida ommaviy axborot vositalari xodimlari uchun press-tur tashkil etilib, jarayonlar bilan yaqindan tanishtirildi.

⚡️Umumiy hisobda 11 000 dona tayyorlangan “Prezident sovg‘asi” tarkibiga O‘zbekiston Respublikasi Prezidentining bolalarga yo‘llangan Yangi yil bayrami tabrigi, 17 turdagi shirinliklar, 2 nomdagi kanselyariya mahsulotlari, smart soat, darts magnit taxtasi va boshqa sovg‘alar kiritilgan.

Shuningdek, 12 yoshdan katta 1600 nafar tarbiyalanuvchilar sovg‘alari tarkibiga planshetlar ham kiritilgan.

❗️“Prezident sovg‘asi” hududiy hokimliklar ishtirokida joriy yilning 29-30-dekabr kunlari tantanali tarzda topshiriladi.

Vazirlikning rasmiy sahifalariga ulanish
Telegram | Youtube | Facebook | Instagram

#Press_tur
#Barkamol_avlod_bolalar_maktabi

✅Navoiy viloyati Maktabgacha va maktab ta’limi boshqarmasi tomonidan “Navoiy viloyati “Barkamol avlod” bolalar maktabi qanday faoliyat ko‘rsatmoqda?” mavzusida press-tur va matbuot anjumani tashkil etildi.

✅O‘zbekiston Jurnalistlar uyushmasi Navoiy viloyati bo‘limi, viloyat Axborot va ommaviy kommunikatsiyalar boshqarmasi hamkorligida tashkil etilgan tadbirda boshqarma mas’ullari hamda ommaviy axborot vositalari xodimlari ishtirok etdi.

✅ Press-tur doirasida qatnashchilar uchun viloyat ”Barkamol avlod” bolalar maktabi misolida:

➖mazkur maktablardagi toʻgaraklar faoliyati bilan tanishuv;
➖iqtidorli o‘quvchilar tomonidan tayyorlangan ijodiy ishlar taqdimoti bo‘lib o‘tdi.

✅ Ma’lumot o‘rnida: bugungi kunda viloyatimiz bo‘ylab 11 ta “Barkamol avlod” bolalar maktabida 7 yo‘nalish, 79 ta nomda to‘garaklar faoliyat ko‘rsatadi. Jami 394 ta to‘garakka 10917 nafar o‘quvchi jalb etilgan.

Navoiy viloyati Maktabgacha va maktab ta’limi boshqarmasi matbuot xizmati.

#Press_tur

“Prezident sovgʻalari” oʻz egalari tomon yoʻl oldi

✅ Bugun Maktabgacha va maktab taʼlimi vazirligi tomonidan 1-sinf oʻquvchilariga beriladigan "Prezident sovgʻalari" ni hududlarga joʻnatish va yangi oʻquv yiliga tayyorgarlik boʻyicha olib borilayotgan jarayonlar targʻibotiga bagʻishlangan press-tur tashkil etildi.

“Taʼminot va logistika xizmati” korxonasi hududidan boshlangan tadbirda vazirlik mutasaddilari, ommaviy axborot vositalari hamda keng jamoatchilik vakillari, pedagoglar ishtirok etdi.

Taʼkidlanganidek, 2024-2025-oʻquv yilida respublikadagi mavjud 10 182 ta umumtaʼlim maktabiga 719 366 nafar maktab yoshidagi bolalar 1-sinfga chiqishi rejalashtirilgan boʻlib, hozirga qadar 586 290 nafar (81,5%) oʻquvchi qabul qilindi.

1-sinfga qabul qilingan oʻquvchilarga 12 nomdagi oʻquv qurollaridan iborat “Prezident sovgʻasi” berilishi koʻzda tutilgan.

Ushbu oʻquv qurollari joriy yilning 10-avgustiga qadar hududlarga, 20-avgustiga qadar qabul qilingan oʻquvchilar soniga mos ravishda barcha maktablarga toʻliq yetkaziladi.

📍 Tadbir ishtirokchilari press-tur davomida Toshkent shahridagi 126-maktabda yangi oʻquv yiliga tayyorgarlik boʻyicha olib borilayotgan ishlar hamda 204-sonli DMTT faoliyati bilan ham yaqindan tanishdi.

👉 Batafsil: https://uzedu.uz/uz/news/1690

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin