#премьера

ҲАМ АНОНС, ҲАМ...

(ШУНЧАКИ ФУТБОЛНИНГ ГЎЗАЛЛИГИДАН БАҲРА ОЛАЙЛИК!)

⚽️Навоий вилояти бўйлаб Кибермаданиятни юксалтириш ойлиги ўтказилмоқда.

Бу ойликка футбол ишқибозлари ҳам бугуннинг ўзида ўзларининг ҳиссаларини қўшишлари мумкин.

Қандай қилиб?

👟Евро-2024 турнири доирасида бугун финал олдидан финаллар деб баҳоланаётган Испания ва Германия ҳамда Франция ва Португалия терма жамоалари иштирокида ўйинлар ўтказилади. Бу ўйинларда қандай воқеалар бўлиши ва кимлар ярим финалга чиқишини ҳеч ким билмайдии.

⚽️Аммо бир нарса аниқ:
- Сиз Ямал, Кросс, Мбаппе ёки Роналдуга ишонмасангиз;
- пешана терингиз билан топган пулингизни ҳар хил букмекерлик контораларига тикмасангиз;
- пластик рақам ва бошқа маълумотларингизни ҳеч кимга бермасангиз, энг катта ютуққа эга бўлган одамга айланасиз.

Биринчидан, пулингиз ўзингизда қолади.

Иккинчидан, ўйинлар қандай ҳисобда тугашидан қатъий назар Сиз ҳеч нарса ютқазмайсиз ва ўйинни маза қилиб томоша қиласиз.

ва учинчидан, пластигингиз маълумотларини ҳеч кимга тарқатмаслик орқали, юқорида таъкидлаганимиздек, Кибермаданиятни юксалтириш ойлигига муносиб ҳисса қўшасиз.

Барчангизга футболдан завқ олишни, мароқли хордиқ ва жамоангиз ғалабасини тилайман.

👌Навоий вилояти ҳокимлиги
Ахборот хизмати

🌐Veb Sayt |✅ Telegram | ✅Facebook | 🌐Instagram | 📹 Youtube