Шавкат Мирзиёев:

“Ҳурматли тиббиёт ходимлари, ўз ҳаёти ва соғлиғини гаровга қўйиб, пандемия билан курашаётган шифокорлар, ҳамширалар, санитар ходимларга бутун Ўзбекистон халқи номидан чексиз миннатдорлик билдираман”

@navoiy_viloyat_axborot_xizmati

​​
РАСМИЙ ХАБАР

27 мартдан Бухоро шаҳрига кириш ва чиқиш тўхтатилади

Вилоят аҳолисининг санитария-эпидемиологик осойишталиги ва хавфсизлигини таъминлаш, фуқароларнинг ҳаёти ва соғлиғини ҳимоя қилиш ҳамда коронавирус инфекциясининг вилоят ҳудуди бўйлаб тарқалишини олдини олиш мақсадида махсус комиссия қарорига кўра, 2020 йил 27 март куни соат 00:01 дан бошлаб, Бухоро шаҳрига вилоятнинг барча ҳудудларидан кириш ва Бухоро шаҳридан республиканинг барча ҳудудларига, шу жумладан вилоят туманларига чиқиш ҳар қандай транспорт воситаларида (автобус, микроавтобус ва енгил автотранспорт) тўхтатилади.

Бухоро шаҳрига кириш ва чиқишдаги чекловлар юк ташиш билан боғлиқ ҳолларга, шунингдек, Бухоро шаҳрида доимий яшовчи (рўйхатдан ўтган) шахсларга Бухоро шаҳрига кириш учун, вилоят туманларидан Бухоро шаҳридаги маҳаллий давлат ҳокимияти органлари, ҳуқуқ-тартибот идоралари, бошқарма, идора ва ташкилот (нодавлат ташкилот)ларда меҳнат (хизмат) фаолиятини амалга ошираётган раҳбар ва ходимлар, шифокор ва ҳамширалар, давлат санитария ва эпидемиологик осойишталик маркази ходимлари ҳамда вилоят ҳокимининг алоҳида топшириғига асосан вилоят туманларига бириктирилган масъул ходимларига нисбатан татбиқ этилмайди.
Манба: Buxoro.uz

@navoiy_viloyat_axborot_xizmati

Ўзбекистонда коронавирус инфекцияси билан касалланганлар сони 75 нафарга етди

Соғлиқни сақлаш вазирлигининг телеграмдаги расмий каналида маълум қилинишича, айни вақтгача Ўзбекистонда коронавирус инфекцияси билан касалланганлар сони 10 тага ошиб, 75 нафарни ташкил этмоқда. Вирусни юқтириб олганлар 26 март куни соат 11:00 да 65 нафарга етгани эълон қилинган эди. Ўтган 12 соат давомида улар сони 10 тага ортди.
Қадрли юртдошлар, карантин даврида зарурат бўлмаса, кўчага чиқманг. Вақтни оилангиз, фарзандларингиз даврасида ўтказинг. @navoiy_viloyat_axborot_xizmati

Ўртасаройдаги (Тошкент вилояти) янги тиббиёт клиникасининг даволанувчилари учун қурилган "палата"ларнинг биринчи партияси кетишга тайёр

🛏Контейнерларни тайёрлаш жараёнига 2 300 киши жалб қилинган бўлиб, ҳар бир контейнер уч кишига мўлжалланган. Ҳозирда 1600 та контейнердан иборат биринчи партия жўнатилишга тайёр. Битта контейнернинг ишлаб чиқарилишига тахминан 6-7 соат талаб этилади. @navoiy_viloyat_axborot_xizmati

УХАН КОРОНАВИРУСИНИ ЮҚТИРГАН БИРИНЧИ БЕМОР ТОПИЛДИ

Covid-19 вирусини юқтирган биринчи хитойлик бемор Ухандаги Хуанан денгиз бозорида сотувчилик қиладиган Вей исмли аёл бўлиб чиқди. Таъкидланишича, у қандай қилиб инфекцияни аниқ юқтирганлиги ҳозиргача номаълум.
Нашр, шунингдек, биринчи юқтирганлар рўйхати билан танишишга муваффақ бўлди. Ушбу маълумотларга кўра, Хуанан бозорига 24 киши ташриф буюрган, уларнинг тўрттаси худди шу оиланинг аъзолари.
Маълум бўлишича, Вей узоқ вақт бозор яқинида яшаган. У ўзида юқори ҳароратни сезиб, уйининг биринчи қаватидаги клиникага мурожаат қилган.
Унинг сўзларига кўра, нормал ҳолатларда шамоллашни енгиб тезда тузалиб кетган. Аммо бу сафар хавотирга тушади, чунки ҳатто уколлар ҳам касалликдан халос бўлишга ёрдам бермайди. Aёл бошқа клиникага мурожаат қилганида, у ерда ҳам унга ёрдам бериша олмаган.
16 декабрь куни Вей Хуанжун Фан-Технология Университетининг “Wuhan Union Hospital” касалхонасига етиб келган ва шифокорлар унда коронавирус борлигини тасдиқлашган. @navoiy_viloyat_axborot_xizmati

Россия осмонида "Ўзингни асра - уйингда ўтир" ёзуви чизилди. @navoiy_viloyat_axborot_xizmati

Бугун ахборот маконида маълумотлар ниҳоятда кўп. Бироқ синовли кунларда аҳолига ишончли ва расмий ахборот тарқатадиган манбалар, афсуски, кам.

Президент Администрацияси ҳузуридаги Ахборот ва оммавий коммуникациялар агентлигининг «Расмий хабарлар/Официальные новости» каналида давлат органлари ва барча ташкилотлар томонидан эълон қилинаётган расмий ахборотлар бериб борилади.

Агар Сизни расмий ахборотлар қизиқтирса, https://t.iss.one/axborot_xizmatlariAOKA каналини кузатиб боринг!

@navoiy_viloyat_axborot_xizmati

​​ЎЗИНГИЗНИ АСРАНГ: МАСОФАВИЙ ХИЗМАТ ТУРЛАРИДАН ФОЙДАЛАНИНГ

Ҳурматли истеъмолчилар, азиз навоийликлар!

Барчамизга маълумки айни кунларда коронавирус тарқалишини олдини олиш мақсадида кўрилаётган тегишли чора-тадбирларга мувофиқ, эҳтиёт чораси сифатида аҳолининг уйда қолиши ва зарур бўлмаган ҳолатларда одамлар кўп тўпланадиган жойларга чиқмаслиги тавсия этилмоқда.
Барча юртдошларимизга мустаҳкам соғлик тилаган ҳолда, электр таъминоти юзасидан бир қатор масофавий хизмат турлари ва истеъмол қилинган электр энергияси учун тўловни амалга ошириш имкониятлари борлигини эслатиб ўтамиз.
Хусусан, www.het.uz веб-сайти орқали зарур маълумотларни олишлари мумкин. Жумладан, ўз шахсий ҳисоб рақамлари орқали истеъмол қилинган электр энергияси миқдори, қолдиқ ва бошқа маълумотларни мисол қилиш мумкин.
Фойдаланилган электр энергияси учун мамлакатимизда мавжуд барча тўлов тизимлари ҳамда банкларнинг мобил иловалари орқали уйдан чиқмасдан туриб тўловларни амалга ошириш тизими яратилган.
Навоий вилоятида электр энергияси билан боғлиқ муаммо, камчилик ва таклифлар билан “Navoiy hududiy elektr tarmoqlari korxonasi” AJ телеграммдаги https://t.iss.one/https://t.iss.one/navoienergo каналига, шунингдек туну-кун ишлайдиган 1154 рақамли Call-марказга мурожаат қилишлари мумкин.
Бундан ташқари, фавқулотда ўчиш холатлари ва электр тармоқлардаги узилиш сабабларини билиш учун вилоят ва туман электр таъминоти корхоналари тезкор чиқиш бригадаларни рақамларига кунғироқ қилинг:
79-224-66-86 ва 79-224-30-21.
Юридик шахслар www.het.uz сайтида шахсий кабинет орқали тегишли маълумотларни олишлари ҳамда фойдаланилган электр энергияси учун маълумотларни ҳисобот шаклида юборишлари мумкин. Шунингдек, корхонамизга ёзма мурожаатлар йўллаш учун [email protected] электрон почтамиз мавжуд.

“Навоий ҳудудий электр тармоқлари корхонаси” АЖ Матбуот хизмати.

@navoiy_viloyat_axborot_xizmati

Айни дақиқаларда коронавирус инфекцияси тарқалиши бўйича АҚШ Хитойдан ўтиб кетди.

Жон Хопкинс университети маълумотларига кўра, АҚШда 82 404 киши коронавирус инфекциясини юқтириб олган.
New York Times маълумотига кўра эса мамлакатда вирус билан боғлиқ 81 321 ҳолат қайд этилган.

@navoiy_viloyat_axborot_xizmati

Соғлиқни сақлаш вазирлиги:

КЕЧА КОРОНАВИРУС ИНФЕКЦИЯСИ ТАСДИҚЛАНГАН БЕМОР БУГУН МИОКАРД ИНФАРКТИДАН ВАФОТ ЭТДИ

Шу йилнинг 26 март куни сурункали касалликлари билан диспансер назоратида бўлган наманганлик 72 ёшли Р. коронавирус инфекцияси ташхиси билан вилоят юқумли касалликлар шифохонасига ётқизилган эди. Шу куни соат 23:00 лар атрофида махсус лаборатор таҳлиллар натижасида унда ушбу инфекция аниқланган. Беморга ушбу инфекция 12 март куни Туркия сафаридан қайтган ва касаллиги тасдиқланиб, карантинга олинган қизи М.дан юққанлиги далилланган.

Бемор узоқ йиллар давомида қандли диабет, сурункали ўткир юрак етишмовчилиги ва бошқа касалликлар билан даволаниб келган. Бугун тонгда соат 4:30 да шифокорларнинг реанимацион муолажаларига қарамасдан ўткир миокард инфарктидан вафот этган.

Соғлиқни сақлаш вазирлиги
Жамоатчилик билан алоқалар бўлими.

@navoiy_viloyat_axborot_xizmati

Навоийда карантин талабларига риоя қилмаган ҳамда ҳимоя ниқобларини тақмаган фуқароларга маъмурий чоралар кўрилмоқда
(26-март ҳолатига кўра)

@navoiy_viloyat_axborot_xizmati

Мутолаа завқидан баҳра олишни, газета ва журналларда чоп этилган мақола ва хабарлардан доимий бохабар бўлишни, уларда эълон қилинган энг сара материалларни ўқишни истайсизми?

У ҳолда Газеталар шарҳи (https://t.iss.one/gazetalar_sharhi) телеграм каналига аъзо бўлинг.
Бу каналда республика ва ҳудудий нашрларда чоп этилган материаллар, газета ва журналларнинг эътибор-марказидаги мавзулар ҳақида маълумот бериб борилади.
https://t.iss.one/gazetalar_sharhi

Расмий каналимизга аъзо бўлинг👇👇👇
@navoiy_viloyat_axborot_xizmati

РАСМИЙ ХАБАР

Навоий вилояти аҳолисининг санитария-эпидемиологик осойишталиги ва хавфсизлигини таъминлаш, фуқароларнинг ҳаёти ва соғлиғини ҳимоя қилиш ҳамда коронавирус инфекциясининг вилоят ҳудуди бўйлаб тарқалишининг олдини олиш мақсадида махсус комиссия қарорига кўра, 2020 йил 27 март куни соат 12.00 дан бошлаб, Навоий ва Зарафшон шаҳарлари, шунингдек, Учқудуқ, Томди, Конимех ва Хатирчи туманларига вилоятнинг барча ҳудудларидан кириш ва чиқиш ҳар қандай транспорт воситаларида (автобус, микроавтобус ва енгил автотранспорт) тўхтатилади.

Мазкур ҳудудларга кириш ва чиқишдаги чекловлар юк ташиш билан боғлиқ ҳолларга, шунингдек, шаҳар ва туманларда (Навоий, Зарафшон шаҳарлари, Учқудуқ, Томди, Конимех ва Хатирчи туманлари) доимий яшовчи (рўйхатдан ўтган) шахсларга, шунингдек, маҳаллий давлат ҳокимияти органлари, ҳуқуқ-тартибот идоралари, бошқарма, идора ва ташкилот (нодавлат ташкилот)ларда меҳнат (хизмат) фаолиятини амалга ошираётган раҳбар ва ходимлар, шифокор ва ҳамширалар, давлат санитария ва эпидемиологик осойишталик маркази ходимлари ҳамда вилоят ҳокимининг алоҳида топшириғига асосан вилоят туманларига бириктирилган масъул ходимларига нисбатан татбиқ этилмайди.
Шу билан бир қаторда, 27 март куни соат 12.00 дан бошлаб ушбу ҳудудларда автобуслар ҳаракати тўхтатилади.
Вилоятнинг шаҳар ва туманлари ҳудудларига киришга қўйилган чекловлар ва карантин қоидаларини бузган шахсларни нисбатан қонунчиликда белгиланган тартибда чоралар кўрилиши ҳақида огоҳлантирамиз!
Азиз навоийликлар, Сизларни яна бир бора карантин даврида тартиб-интизом ва амалдаги қонунчилик талабларига қатъий риоя этишга ҳамда зарурат бўлмаса уйда қолишга чақирамиз!

Расмий каналимизга аъзо бўлинг👇👇👇
@navoiy_viloyat_axborot_xizmati

РАСМИЙ ХАБАР:
НАВБАҲОР, НУРОТА, КАРМАНА ва ҚИЗИЛТЕПА туманлари ҳудудларига кириш ва чиқиш тӯхтатилади!

2020 йил 27 март соат 20.00 дан бошлаб вилоят аҳолисининг санитария-эпидемиологик осойишталиги ва хавфсизлигини таъминлаш, фуқароларнинг ҳаёти ва соғлиғини ҳимоя қилиш ҳамда коронавирус инфекциясининг вилоят ҳудуди бўйлаб тарқалишининг олдини олиш мақсадида, махсус комиссия қарорига кўра, Навбаҳор, Нурота, Кармана ва Қизилтепа туманларига вилоятнинг барча ҳудудларидан кириш ва чиқиш тўхтатилади.

Мазкур ҳудудларга кириш ва чиқишдаги чекловлар юк ташиш билан боғлиқ ҳолларга, шунингдек, мазкур туманларда доимий яшовчи (рўйхатдан ўтган) шахсларга, шунингдек, маҳаллий давлат ҳокимияти органлари, ҳуқуқ-тартибот идоралари, бошқарма, идора ва ташкилот (нодавлат ташкилот)ларда меҳнат (хизмат) фаолиятини амалга ошираётган раҳбар ва ходимлар, шифокор ва ҳамширалар, давлат санитария ва эпидемиологик осойишталик маркази ходимлари ҳамда вилоят ҳокимининг алоҳида топшириғига асосан вилоят туманларига бириктирилган масъул ходимларига нисбатан татбиқ этилмайди.

Вилоятнинг шаҳар ва туманлари ҳудудларига киришга қўйилган чекловлар ва карантин қоидаларини бузган шахсларни нисбатан қонунчиликда белгиланган тартибда чоралар кўрилиши ҳақида огоҳлантирамиз!
Ҳурматли юртдошлар, Сизларни яна бир бора карантин даврида тартиб-интизом ва амалдаги қонунчилик талабларига қатъий риоя этишга ҳамда зарурат бўлмаса уйда қолишга чақирамиз!

Эслатиб ӯтамиз, 27 март соат 12.00 дан бошлаб Навоий ва Зарафшон шаҳарлари, Учқудуқ, Томди, Конимех ва Хатирчи туманларига кириб чиқиш тӯхтатилган эди.

Расмий каналимизга аъзо бўлинг👇👇👇
@navoiy_viloyat_axborot_xizmati

Вилоятлараро барча турдаги автотранспорт воситалари ҳаракатланиши тўхтатилди

Ҳурматли фуқаролар! Мамлакатимизда коронавирус инфекцияси кенг миқёсда тарқалишининг олдини олиш мақсадида бугун, 27 март соат 10:00 дан бошлаб вилоятлараро йўналишларда барча турдаги автотранспорт воситаларининг ҳаракатланиши тўхтатилди.

Ушбу чеклов чораси юк ташувлари билан шуғулланаётган автотранспорт воситалари ва уларнинг ҳайдовчиларига нисбатан тадбиқ этилмайди. Бироқ юк автотранспорт воситаларида ҳужжатларда қайд этилмаган шахсларнинг ҳаракатланишига ҳам йўл қўйилмайди.

Барча саъйи-ҳаракатлар – аҳоли саломатлиги ва осойишталиги учун! Уйда қолинг!

Ўзбекистон Транспорт вазирлиги

Расмий каналимизга аъзо бўлинг👇👇👇
@navoiy_viloyat_axborot_xizmati

КИТОБ – ИЛМ МАНБАИ
📚 ЖАҲОН ва ЎЗБЕК адабиётлари
🎓 МАКТАБ ДАРСЛИКЛАРИ
🎶 ЭЛЕКТРОН ва АУДИО китоблар
📥 Юклаб олинг ва фойдаланинг.
👨👨👧👦 УЙДА ҚОЛИНГ

📕https://navoiakm.natlib.uz/
👩💻https://t.iss.one/kitoblar_elektron_navoiakm
📚https://t.iss.one/Elektron_kitoblar_NavoiAKM

Навоий вилоят ахборот-кутубхона маркази

@navoiy_viloyat_axborot_xizmati

Коронавирус касаллиги мавжуд бўлган маййитни дафн этиш тўғрисида

Ҳозирги кунда дунё мусулмон давлатлари тажрибасида маййитни ювиш, кафанлаш ва дафн маросими санитар ходимлар ёрдамида шариатга мувофиқ адо қилинмоқда. Ушбу амалларни бажаришда маййитнинг яқинлари иштирок этаётгани йўқ. Марҳумнинг яқин қариндошлари фақат жаноза ўқишда қатнашмоқда.

Соғлиқни сақлаш вазирлиги билан ўзаро маслаҳат асосида, карантин ҳолатида маййитни имкон қадар шариатимиз кўрсатмаларига мувофиқ ювиш, кафанлаш ва дафн қилишга ҳаракат қилинади. Бу жараёнда Ўзбекистон мусулмонлари идораси вакили иштирок этади.

Мазкур амаллар фарзи кифоя маъносидаги ишлар бўлиб, баъзи мусулмонлар амалга оширишса, қолганларидан соқит бўлади.

Демак, коронавирус касаллиги мавжуд бўлган маййитни дафн маросимини фақат яқин қариндошлари вакиллари иштирокида қилиш лозимдир.

Дафн маросимида иштирок этувчилар тиббий кўрсатмаларга амал қилишлари, жумладан, ниқоблар ва қўлқоплардан фойдаланишлари ҳамда маросимдан сўнг карантин талаблари асосида дезинфекция ва шахсий гигиена амалларини бажаришлари лозим.

Таъкидлаш жоизки, жаноза, дафн ва таъзия маросимларини ихчам тарзда ўтказиш баробарида эпидемия ҳамда карантин давридаги талаблар, хусусан, гигиена қоидаларига жиддий амал қилиш лозим бўлади. Шунингдек, махсус комиссия қарори асосида қатъий чекланган таркибда ўтказилади.

Ўзбекистон мусулмонлари идораси Фатво ҳайъати

@navoiy_viloyat_axborot_xizmati

Россияда коронавирус туфайли спиртли ичимликларни сотишни чеклаш таклиф қилинди

Россия жамоат палатаси аъзоси Султон Хамзаев бош вазир Михаил Мишустинга коронавирус пандемияси сабабли алкоголь сотишни тўхтатишни таклиф қилди.
RT нашрининг ёзишича, Хамзаев ҳар бир кишига 9% дан кучли бўлган бир литрдан ортиқ спиртли ичимликлар сотишни тақиқлашни таклиф қилди. Унинг фикрича, 1 майга қадар бундай чекловлар жорий этилиши керак.
Шу билан бирга, унинг таъкидлашича, Россия ҳукумати спиртли ичимликларни сотишни тўлиқ тақиқлашгача ҳам чекловлар киритишга ҳақли.

Эслатиб ўтамиз, илгари Жаҳон соғлиқни сақлаш ташкилоти (ЖССТ) коронавирус инфекциясига қарши курашда алкоголь ичимликлардан воз кечишга чақирган эди.

@navoiy_viloyat_axborot_xizmati