#Vatanparvarlik_oyligi
#hamkorlik

🔰Namangan shahridagi Prezident maktabida "Vatanparvarlik oyligi" doirasida  Milliy gvardiya Namangan viloyati bo'yicha boshqarmasi va Namangan viloyati Qo'riqlash boshqarmasi tomonidan kamondan o‘q otish bo‘yicha navbatdagi o‘quv mashg‘uloti hamda texnikalar ko‘rgazmasi tashkil etildi.

📌Bu kabi hamkorlik mashg‘ulotlari vatan ozodligi yo‘lida mardona kurash olib borgan buyuk sarkarda Jaloliddin Manguberdining mardligi va jasorati, shonli hayotini targ‘ib qilish orqali o‘quvchilarda Vatanga sadoqat, shijoat va qat’iyat tuyg‘ularini mustahkamlash maqsadida muntazam tashkil etib kelinmoqda.

✅Namangan shahridagi Prezident maktabi rasmiy sahifalari:
telegram | facebook | instagram| youtube

#sinf_soati

📌Ma'naviyat va ma'rifat darslari -  milliy va umuminsoniy tarbiya asosi

Ixtisoslashtirilgan  ta’lim muassasalari agentligi tizimidagi ta’lim muassasalarida ma’naviy-ma’rifiy
ishlarni tizimli tashkil etish, sinf rahbarlari faoliyati samaradorligini oshirish maqsadida ma'naviyat va ma'rifat soatlari tizimli olib boriladi.

🗓Namangan shahridagi Prezident maktabida sinf rahbarlari ishtirokida turli ma'naviy, tarbiyaviy mavzularda navbatdagi sinf soatlari tashkil etildi.

📋Bu galgi sinf soatlarida "Vatan sajdagoh kabi muqaddasdir", "Mardlar qo‘riqlaydi Vatanni", "Tinchlik va osoyishtalik garovi", "Yangi yilga yangicha qadam" kabi tarbiyaviy ahamiyatga ega mavzularda sinf rahbarlari va o'quvchilar ishtirokida davra suhbatlari, multimedia mahsulotlari taqdimoti va o'yinlar o'tkazildi.

✅Namangan shahridagi Prezident maktabi rasmiy sahifalari:
telegram | facebook | instagram| youtube

#Vatanparvarlik_oyligi
#Vatan_himoyachilari_kuni
#Uch_avlod_uchrashuvi

Namangan shahridagi Prezident maktabida O‘zbekiston Respublikasi Qurolli Kuchlari tashkil etilganligining 33 yilligi munosabati bilan "Uch avlod" uchrashuvi tashkil etildi.

🎺 Tadbir 07648-sonli harbiy qismning orkestr jamoasi chiqishi bilan boshlandi.

♻️Uchrashuvda Namangan viloyati Mudofaa ishlari bo‘limi Faxriylar ishlari kengashi raisi, iste'fodagi polkovnik Xidirov Xasanjon Inomovich, Namangan viloyati Yoshlar Ittifoqi harbiy bo‘lim boshlig‘i mayor Sarvarbek Abdullayev, Namangan viloyati "Nuroniy" jamg‘armasi Davlatobod tumani boshlig‘i Ahmadjon Mavlanov hamda maorif faxriysi Tohirjon Dadaxanovlar ishtirok etdi.

📚 Tadbir o‘quvchilarda Vatanga muhabbat, yurtga sadoqat, kasbga mehr va mas’uliyat xislatlarini tarbiyalashda muhim ahamiyat kasb etdi.

✅Namangan shahridagi Prezident maktabi rasmiy sahifalari:
telegram | facebook | instagram| youtube