#seminar_trening
#ixtisoslashtirilgan_maktablar

🔰Namangan shahridagi Prezident maktabida viloyatdagi ixtisoslashtirilgan maktablarning tabiiy fanlar hamda matematika o‘qituvchilari uchun “Matematika va tabiiy fanlar: zamonaviy yondashuv” mavzusida seminar-treningi o'tkazildi.

♻️“Tabiiy fanlarni oʻqitishda tadqiqotchilik (Inquiry-based learning) va loyihaga asoslangan taʼlim (Project-based learning)” va “Matematika darslarida raqamli texnologiya resurslaridan foydalanish” mavzularidagi seminar-treningda tadqiqot ishini qanday tartibda olib borish kerak, tadqiqot bosqichlari, tadqiqotga asoslangan ta’lim va loyihaga asoslangan ta’limning afzalliklari jamoalarda ko’rib chiqildi.

📌Shuningdek, raqamli texnologiyalarni matematika o‘qitishda qo‘llashning foydalari hamda matematikada turli mavzularda maxsus raqamli texnologiyalarni qo‘llash borasida amaliy mashg‘ulotlar olib borildi.

✅Namangan shahridagi Prezident maktabi rasmiy sahifalari:
telegram | facebook | instagram| youtube

#alumni_cup
#Zakovat_quiz

🔰Namangan shahridagi Prezident maktabida o‘quv yilining 2-yarim yilligi maktabning avvalgi yillardagi bitiruvchilari tashrifi bilan boshlandi!

♻️Bir necha yillardan buyon tashkil etilayotgan maktab “Zakovat Quiz”ining o‘ziga xos "Alumni Cup" miniturnirini o‘tkazish an'anasi bu yil ham davom ettirildi.

📌Ushbu loyiha "Bitiruvchilar Kengashi" tomonidan tashkil qilinib, unda Kengashning 20 nafar aʼzosi ishtirok etdi.
✨G‘oliblarga tashkilotchi o‘quvchilarning esdalik sovg‘alari topshirildi.

✨Bitiruvchilar tashrifi va suhbatlari maktab jamoasi tomonidan qizg’in kutib olindi. 2-semestrning ilk kuni chinakam diydor bayramiga aylandi.

✅Maqsadimiz - maktab bitiruvchilarining ukalari va singillari uchun o‘z shaxsiy namunalari va tajribalarini ulashib borishlari hamda ularni qo‘llab-quvvatlab turishlarini ta’minlash hamda maktab va bitiruvchilar o‘rtasidagi doimiy aloqani yo‘lga qo’yishdir!

✅Namangan shahridagi Prezident maktabi rasmiy sahifalari:
telegram | facebook | instagram| youtube

#Vatanparvarlik_oyligi
#hamkorlik

🔰Namangan shahridagi Prezident maktabida "Vatanparvarlik oyligi" doirasida  Milliy gvardiya Namangan viloyati bo'yicha boshqarmasi va Namangan viloyati Qo'riqlash boshqarmasi tomonidan kamondan o‘q otish bo‘yicha navbatdagi o‘quv mashg‘uloti hamda texnikalar ko‘rgazmasi tashkil etildi.

📌Bu kabi hamkorlik mashg‘ulotlari vatan ozodligi yo‘lida mardona kurash olib borgan buyuk sarkarda Jaloliddin Manguberdining mardligi va jasorati, shonli hayotini targ‘ib qilish orqali o‘quvchilarda Vatanga sadoqat, shijoat va qat’iyat tuyg‘ularini mustahkamlash maqsadida muntazam tashkil etib kelinmoqda.

✅Namangan shahridagi Prezident maktabi rasmiy sahifalari:
telegram | facebook | instagram| youtube