Dekan va iqtidorli yoshlar uchrashuvi tashkil etildi.

“Muhandislik oyligi” doirasida Namangan davlat texnika universitetida tashkil etilgan “Oliygoh kubogi” tanlovida ishtirok etish istagini bildirgan “Texnologiya” fakulteti talabalari bilan fakultet dekani Odiljon Mallabayev va mas’ul xodimlar tomonidan uchrashuv tashkil etildi. Uchrashuvda tanlovni o‘tkazish tartibi va nizomi bilan talabalar tanishtirildi.

Bundan tashqari “Mirzo Ulug‘bek vorislari” respublika tanlovini tuman bosqichida g’oliblikni qo’lga kiritgan hamda faol ishtirok etgan talabalar fakultet rahbariyati tomonidan taqdirlandi.

Buyuk Sohibqiron xotirasi yod etildi

Namangan davlat texnika universitetida buyuk sarkarda, dono davlat arbobi Amir Temur tavalludining 689 yilligi munosabati bilan ma’naviy-ma’rifiy tadbir bo‘lib o‘tdi.

Tadbir davomida Sohibqiron bobomizning boy tarixiy merosi, davlat boshqaruvidagi uzoqni ko‘ra bilish salohiyati hamda adolat tamoyillariga asoslangan siyosati haqida atroflicha fikrlar bildirildi.

Shundan so‘ng talabalar ishtirokida sahnalashtirilgan “Kuch – adolatda!” nomli sahna asari namoyish etildi. Unda Amir Temurning hayoti, jasorati va adolatli boshqaruvga asoslangan qarashlari yorqin tasvirlandi.

Bu kabi tadbirlar yoshlarda tarixiy xotirani mustahkamlash, ulug‘ ajdodlarimizga munosib voris bo‘lish tuyg‘usini oshirishda muhim ahamiyat kasb etadi.