#korrupsiyaga_qarshi_kurash

Maqsadimiz -sohada korrupsiyani oldini olish

🔹Bugun Kadastr agentligi va Davlat kadastrlari palatasining Namangan viloyati boshqarmalari Chust tumani bo‘limi va filiali kadastr xizmati xodimlari uchun boshqarmalarning korrupsiyaga qarshi kurashish bo‘yicha bosh mutaxassislari M.Nurmatov va A.Obidovlar ishtirokida  “Maqsadimiz -sohada korrupsiyani oldini olish” mavzusida davra suhbati bo‘lib o‘tdi. Unda  agentlik hamda palataning tuman bo‘limi va filiali xodimlari ishtirok etdilar.

🔹Tadbirda so‘z olgan  M.Nurmatov va A.Obidovlar yig‘ilish ishtirokchilariga korrupsiyaga qarshi kurashish yo‘nalishi bo‘yicha mamlakatimizda hozirgacha qabul qilingan qonunlar va qonunosti hujjatlarining mazmun mohiyatini batafsil tushuntirdilar.

🔹Shuningdek yig‘ilish davomida Davlat kadastrlari palatasining raisi M.К.Valiyev tomonidan joriy yilning 2-may kuni ZООM platformasida o‘tkazilgan videoselektor yig‘ilishida berilgan vazifalar ijrosini taʼminlash uchun barcha imkoniyatlarni ishga solish lozimligini uqtirildi.

🔹Asosiy eʼtibor davlat kadastrlari palatasi tuman filiali maʼmuriy binolariga tashrif buyurayotgan jismoniy va yuridik shaxslarni alohida ajratilgan qabulxonalarda qabulini amalga oshirish lozimligi taʼkidlandi. Ishtirokchilarning eʼtibori aholini kadastr sohasidagi huquqiy savodxonligini oshirish, sohada korrupsiyani oldini olish va unga qarshi birgalikda kurashishga qaratildi.   

🔹Yig‘ilish so‘ngida topografik uskunalaridan foydalanishni nazoratga olish jurnali ko‘zdan kechirildi va aniqlangan kamchiliklarni bartaraf etish yuzasidan ko‘rsatmalar berildi.     

🔹Davra suhbatida ishtirokchilar o‘zlarini qiziqtirgan savollariga to‘laqonli javob oldilar.

🔹Bunday qiziqarli va jonli davra suhbatlari viloyatimizning barcha tumanlarida o‘tkazilishi rejalashtirilgan.

Matbuot xizmati.
Telegram | Instagram | Facebook

TAYINLOV

🇺🇿 Tursunbayev Muzaffar Akramjon o‘g‘li Namangan shahar hokimining qurilish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari etib tayinlandi.

🔹Muzaffar Tursunbayev 1989-yilda Namangan shahrida tug‘ilgan. Maʼlumoti oliy, 2011-yil Toshkent Davlat iqtisodiyot universiteti hamda 2019 yil O‘zbekiston Respublikasi Prezidenti huzuridagi Davlat boshqaruvi akademiyasini tamomlagan. Tayinlovga qadar Kadastr agentligi Davlat kadastrlari palatasining Namangan shahar filiali boshlig‘i lavozimida ishlab kelayotgan edi.

🔹Muzaffar Tursunbayev, Namangan shahar hokimining 2023-yil 6-maydagi qarori bilan, qurilish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari lavozimiga tayinlandi.

🔹Viloyat kadastr tizimi xodimlari nomidan Muzaffar Tursunbayevni yangi lavozimga tayinlanganliklari bilan samimiy tabriklaymiz. Sihat-salomatlik, boshlagan ishlariga omad va zafarlar tilaymiz.

Matbuot xizmati.

#korrupsiyaga_qarshi_kurash

Kadastr xizmatini – korrupsiyadan holi tizimga aylantiramiz

🔹Hozirda Kadastr agentligi tizimida fuqarolarimizning farovon yashashlariga, iqtisodiyotimizning va jamiyatimizning rivojlanishiga katta to‘siq bo‘layotgan korrupsiya illatiga qarshi kurashish o‘ta muhim masalaga aylangan.

🔹Bugun Kadastr agentligi va Davlat kadastrlari palatasining Namangan viloyat boshqarmalarining korrupsiyaga qarshi kurashish bo‘yicha bosh mutaxassislari M.Nurmatov va A.Obidovlar tomonidan Davlat kadastrlari palatasi viloyat boshqarmasining ko‘chmas mulkka bo‘lgan huquqlarni davlat ro‘yxatidan o‘tkazish bo‘limi mutaxassislari uchun o‘quv-seminari tashkil qilindi.

🔹Unda O‘zbekiston Respublikasining 2017-yil 3-yanvardagi  “Korrupsiyaga qarshi kurashish to‘g‘risidagi”  O‘RQ-419-sonli hamda 2022-yil 28-noyabrdagi “Ko‘chmas mulkka bo‘lgan huquqlarni davlat ro‘yxatidan o‘tkazish to‘g‘risida”gi O‘RQ-803-sonli Qonunlarining  mazmun va mohiyati o‘rganildi.

🔹Tadbirni olib borgan M.Nurmatov o‘quv-seminari qatnashchilariga O‘zbekiston Respublikasining Jinoyat hamda Maʼmuriy javobgarlik to‘g‘risidagi kodekslarining kadastr tizimiga tegishli bo‘lgan bandlarini sharhlab berdi. Ko‘chmas mulkka bo‘lgan huquqlarni davlat ro‘yxatidan o‘tkazishda uchrayotgan bir qator muammolarga to‘xtalib o‘z fikr mulohazalarini bildirdi.

🔹“Sohada korrupsiyani oldini olish unga qarshi kurashish uchun albatta har bir kadastr xodimi bilimli, ilmli, vijdonli, tajribali va albatta o‘z ishini ustasi bo‘lishi kerak, aks holda hozirgi shiddatli axborot asrida kompyuter dasturlaridagi ko‘chmas mulkka bo‘lgan huquqlarni davlat ro‘yxatidan o‘tkazishda xatolikka yo‘l qo‘yishi mumkin” – dedi  so‘zga chiqqan A.Obidov.

🔹O‘quv-seminarida so‘zga chiqqan boshqarma bosh yuriskonsulti R.Jo‘rayev yig‘ilish  ishtirokchilariga “Ko‘chmas mulkka bo‘lgan huquqlarni davlat ro‘yxatidan o‘tkazish to‘g‘risida” gi O‘RQ-803-sonli Qonunini va ushbu yo‘nalish bo‘yicha mamlakatimizda hozirgacha qabul qilingan qonunosti hujjatlarining mazmun mohiyatini batafsil tushuntirib berdi.

🔹Tadbirda mutaxassislar o‘zlarini qiziqtirgan va tajribada uchrab turgan muammoli masalalar yuzasidan o‘z savollarini va masalalar bo‘yicha o‘z takliflarini berdilar. 

🔹O'quv-seminarda ishtirokchilar o‘zlarini qiziqtirgan savollariga to‘laqonli javob oldilar.

 Matbuot xizmati.
Telegram | Instagram | Facebook

#Kadastr #Sayyor_qabul

📣 DIQQAT EʼLON!

🔹 Hurmatli Namangan viloyatining Chust tumani fuqarolari hamda tadbirkorlari!

🔹 Aholining kadastr sohasidagi murojaatlarini joyida ko‘rib chiqish maqsadida Namangan viloyatining Chust tumanida Davlat kadastrlari palatasining Namangan viloyati boshqarmasi boshlig'i Gapparov Qodirxon Sattarovich boshchiligida sayyor qabul o‘tkaziladi.

Vaqti: 13-may, soat 10-00 da boshlanadi.
Manzil: Chust tumani, Qayirma mahalla fuqarolar yig'ini, 54-maktab binosida.

🔹 Kadastr hujjatlarini rasmiylashtirish, davlat ro‘yxatidan o‘tkazish va kadastr bilan bog‘liq boshqa muammolaringiz bo‘lsa sayyor qabulda ishtirok etishingiz mumkin.

‼️Sayyor qabulga kelish istagida bo‘lgan yurtdoshlarimizdan shaxsni tasdiqlovchi hujjatlar bilan tashrif buyurishlarini so‘rab qolamiz.

Matbuot xizmati.
Telegram | Instagram | Facebook