#korrupsiyaga_qarshi_kurashish

Elga beminnat, halol xizmat ko‘rsatish - pirovard maqsadimiz

⏺2024-yilning 25-dekabr sanasida 🌟Kadastr agentligi va 👍Davlat kadastrlari palatasining Pop tuman bo‘limi va filiali xodimlari bilan sohada korrupsiyani oldini olish va unga qarshi kurashishga qaratilgan umumiy profilaktika tadbiri o‘tkazildi. Unda Kadastr agentligi va Davlat kadastrlari palatasi viloyat boshqarmalarining korrupsiyaga qarshi kurashish bo‘yicha bosh mutaxassislari M.Nurmatov va A.Obidovlar, shuningdek tuman bo‘lim va filial rahbarlari, kadastr muhandislari, topograflar ishtirok etdilar.

⏺Tadbir avvalida A.Obidov filial xodimlariga  ijro va mehnat intizomiga rioya etish, mehnat jamoasida sog‘lom muhitni shakllantirish, “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni eʼtirof etish to‘g‘risida”gi 937-sonli Qonun ijrosi yuzasidan olib borilayotgan xatlov ishlarini sidqidildan bajarish, yangi yil bayrami arafasida xizmat ko‘rsatish madaniyatiga va odob-axloq qoidalariga rioya etish hamda korrupsiya illatiga yo‘l qo‘ymaslikka eʼtibor qaratdi. Shuningdek, rahbariyat tomonidan berilgan dolzarb topshiriqlarni o'z vaqtida bajarish bugingi kunning talabi ekanligi alohida ta'kidladi.

 ⏺Tadbirda so‘z olgan M.Nurmatov, ishtirokchilarni kirib kelayotgan Yangi yil bayrami bilan qutlab, 2025-yilni mehnatda munosib yutuqlar bilan kutib olish bilan birga, yangi yil arafasida hayot xavfsizligi qoidalariga eʼtibor qaratish lozimligi haqida fikr bildirdi. Jumladan, bugungi qish-qirovli kunlarda mavsumni talofatsiz o‘tkazishga, xususan nobop isitish vositalaridan foydalanmaslik, is gazidan himoyalanish  va yong‘in xavfsizligi qoidalariga amal qilish, korxona mol-mulkini ko‘z qorachig‘idek asrash masalalariga alohida to‘xtalib o‘tdi. So‘zini davom ettirib, notiq, shuningdek, mamlakatimizdagi tinch osoyishta hayotimizga raxna solish maqsadida, bugungi kunda yuzaga kelgan ijtimoiy iqtisodiy muammolardan foydalanib qolishi mumkin bo‘lgan destruktiv elementlar taʼsiriga tushib qolmaslikka chaqirdi.

⏺Mazkur profilaktika tadbiri samimiylik, ishchanlik va o‘zaro hurmat ruhida o‘tdi. Korrupsiya balosini jilovlash o‘z qo‘limizda. Maqsadimiz esa, kadastr sohasini korrupsiyadan xoli tizimga aylantirish va xalqimizga beminnat kadastr xizmati ko‘rsatishdan iboratdir.

Matbuot xizmati.
📱 Telegram 📱 Instagram 📱 Facebook

#маънавий_маърифий_ишлар

Munosib rag‘bat - kelgusidagi yutuqlar garovi

 ⏺Bugun 🌟Kadastr agentligi Namangan viloyati boshqarmasi boshlig‘i Bahromjon Pazilov raisligida va 👍Davlat kadastrlari palatasining Namangan viloyati boshqarmasi boshlig‘i Muzaffar Tursunbaev ishtirokida, boshqarma hamda uning tuman, shahar filiallarida faoliyat olib borayotgan xodimlar ishtirokida kengaytirilgan tantanali yig‘ilish bo‘lib o‘tdi.

 ⏺Tadbirda boshqarmalar boshliqlari B.Pazilov va M.Tursunbaevlar kirib kelayotgan yangi 2025-yil bayrami bilan barcha ishtirokchilarni qizg‘in muborakbod etib, joriy yil yakunlari hamda kelgusi yilda amalga oshirilishi lozim bo‘lgan dolzarb vazifalarga to‘xtalib o‘tdilar.

 ⏺Yil sarhisobi bo‘yicha viloyat hamda tuman kadastr tizimida fidokorona mehnat qilgan, poyoniga yetayotgan 2024-yil davomida kadastr xizmati ko‘rsatishda yuqori natijalarga erishgan, o‘zining fidoyiligi, intiluvchanligi va mas’uliyat bilan o‘z vazifasini sidqidildan bajarib, boshqalarga o‘rnak ko‘rsatayotgan 42 nafar kadastr xodimlarga boshqarmaning “Tashkurnoma” sini va esdalik sovg‘alar tantanali ravishda topshirildi.

 ⏺Yangi 2025-yil bayrami arafasida taqdirlangan xodimlarni samimiy tabriklaymiz, yangidan yangi zafarlari tilaymiz!

Matbuot xizmati.
📱 Telegram 📱 Instagram 📱 Facebook