#yer_hisobi

🌐 Yerlarni davlat ro‘yxatidan o‘tkazish – taraqqiyotga xizmat qiladi

🇺🇿 O‘zbekiston Respublikasi Prezidenti Sh.Mirziyoyev tomonidan 2023-yilning 21-noyabrida “Yer resurslaridan oqilona foydalanish, yer hisobini yuritish hamda kadastr xizmatlari sifatini yaxshilash bo‘yicha kelgusidagi ustuvor vazifalar to‘g‘risida” o‘tkazilgan yig‘ilishda kadastr sohasiga belgilab bergan vazifalarni ijrosini vaqtida va sifatli bajarish uchun Kadastr agentligi va Davlat kadastrlari palatasining Namangan viloyati boshqarmalari xodimlari ishga astoydil kirishganlar. Dastlabki tezkor ma’lumotlarga qaraganda rejadagi mavjud 202,9 ming gektar yerlarni 82% davlat ro‘yxatidan o‘tkazildi.

✔️ Barcha ishlar Kadastr agentligi va Davlat kadastrlari palatasi Namangan viloyati boshqarmalari boshliqlari boshchiligida tuzilgan Ishchi guruhlar va Davlat kadastrlari palatasi tomonidan biriktirilgan mas’ul xodim F.Niyozov tomonidan doimiy nazorat qilib borilmoqda.

✔️ Jarayonlarga Kadastr agentligi Namangan viloyati boshqarmasi tuman, shahar bo‘limlari inspektorlari ham jalb qilingan bo‘lib, ular joylarda yerlarni davlat ro‘yxatidan o‘tkazishda amaliy yordam bermoqdalar. Viloyatning barcha, 14 ta tumanlariga boshqarmaning malakali mutaxassislari biriktirilgan.

✔️Tumanlarda Ishchi guruhlar fermer va dehqon xo‘jaliklariga, bog‘zorlarga chiqib joyida shartnomalar tuzish yuzasidan ommaviy ish tashkil qilib, ogohlantirish xatlari tarqatish, davlat ro‘yxatidan o‘tkazish bo‘yicha tushuntirish ishlarini olib bormoqdalar.

✔️ Maqsadimiz muhtaram Prezidentimiz tomonlaridan kadastr sohasi oldiga qo‘yilgan yer resurslaridan oqilona foydalanish, yer hisobini yuritish hamda kadastr xizmatlari sifatini yaxshilash bo‘yicha vazifalarni viloyatimizda vaqtida va sifatli bajarishdir.

Matbuot xizmati.
📱 Telegram 📱 Instagram 📱 Facebook

#kadastr #arxiv

Arxivlar soha poydevori

📃 Kadastr agentligi Davlat kadastrlari palatasi raisining “Davlat kadastrlari palatasining tuman, shahar filiallari idoraviy arxivlarida saqlanayotgan kadastr yig‘majildlarini raqamlashtirish va ularning hisobini yuritish” to‘g‘risidagi tegishli buyrug‘iga ko‘ra, 2024-yil tizimda “Arxiv hujjatlarini raqamlashtirish va ularning hisobini to‘g‘ri yuritishni yo‘lga qo‘yish yili” deb e’lon qilindi.

🇺🇿 Namangan viloyat boshqarmasining 12 ta filiallarida idoraviy arxivlar mavjud bo‘lib, jami 611 252 ta hujjatlar saqlanib kelinmoqda, ulardan 572 171 ta turar joylar va 39081 tasi noturar joylar ko‘chmas mulk obyektlarining kadastr yig‘ma jildlaridir.

🫥 Tasdiqlangan reja-grafikka asosida Mingbuloq, Namangan, Chortoq hamda Uchqo‘rg‘on tuman filiallari saqlanayotgan kadastr yig‘ma jildlarini raqamlashtirish va ularni hisobini to‘g‘ri hisobga olish bo‘yicha ishchi guruhlar tuzilib, buyruqqa muvofiq uslubiy qo‘llanma talablariga asosan ish tashkil qilindi.

😄 Filiallar idoraviy arxivlarida saqlanayotgan kadastr yig‘ma jildlarini raqamlashtirish, ularni to‘g‘ri hisobga olish bo‘yicha va hujjatlarning holati bo‘yicha arxiv ishi muhandislari uchun joyiga chiqqan holda 4 marta o‘quv-seminar mashg‘ulotlari o‘tkazildi.

😄 Hozirga qadar Uchqo‘rg‘on tuman filialida hujjatlarning to‘g‘ri saqlanishi va holati, ya’ni 33 933 ta turar joy va 2357 ta noturar joy obyektlarning kadastr yig‘ma jildlarini hisobi yuritilib, arxivida saqlanayotgan hujjatlar to‘liq o‘rganib chiqildi.

😄 Bundan tashqari, Mingbuloq tuman filiali 9594 ta turar joy, Namangan tuman filialida 4907 ta turar joy va Chortoq tuman filialida 12567 ta turar joy obyektlarining kadastr yig‘ma jildlari hisobga olindi.

😄 Shuningdek, Davlat kadastrlari palatasi Raisi tomonidan tasdiqlangan “Namunaviy idoraviy arxiv” loyihasiga asosan To‘raqo‘rg‘on tuman filiali tanlanib, arxiv xonasiga maxsus temir eshik o‘rnatildi, kirish-chiqishni nazorat qilish maqsadida feys kontrol tizimi joriy qilindi. Arxiv xonalarini masofadan kuzatish imkonini beruvchi kuzatuv kameralar o‘rnatildi. Arxiv xonasidagi harorat va namlikni avtomatik ravishda o‘lchovchi vositalar bilan jihozlandi. Hujjatlarni tizimli va tartibli joylashtirish uchun yangi stellajlar o‘rnatildi. “Namunaviy arxiv” loyihasi Namanganda o‘z muddatida yakuniga yetkazildi.

😄 Joriy yilning 8 oyi davomida yuqori turuvchi organlar hamda yuridik va jismoniy shaxslar tomonidan qilingan jami 144 ta murojaatlar ijrosi o‘z vaqtida sifatli to‘liq ta’minlandi.

Matbuot xizmati.
📱 Telegram 📱 Instagram 📱 Facebook