#ijro_va_nazorat

Dolzarb vazifalar muhokama etildi

🔹Bugun Kadastr agentligi Namangan viloyati boshqarmasida Kadastr agentligi direktori boshchiligida o‘tkazilgan yig‘ilishda berilgan dolzarb topshiriq va vazifalardan kelib chiqib tuman, shahar bo‘limlari hamda filiallari rahbarlari uchun yig‘ilish o‘tkazildi.

🔹Yig‘ilishni boshqarma boshlig‘i B.Pazilov olib bordi va Davlatimiz rahbari raisligida yer resurslaridan oqilona foydalanish, yer hisobini yuritish hamda kadastr xizmatlarining sifatini yaxshilash masalalari yuzasidan o‘tkazilgan videoselektor yig‘ilishida berilgan topshiriqlar ijrosini o‘z vaqtida va sifatli ta’minlash bo‘yicha Agentlik direktori tomonidan tasdiqlangan Chora tadbirlar dasturi asosida ishlarni tashkillashtirish bo‘yicha tegishli ko‘rsatma va topshiriqlar berdi.

🔹Kun tartibidagi masalalar bo‘yicha har bir tuman rahbarlari bilan birma-bir tanqidiy muhokama olib borildi hamda jismoniy va yuridik shaxslar murojaatlari bilan ishlash, davlat tilida ish yuritish, ijro intizomini o‘z vaqtida ta’minlash lozimligi ta'kidlandi

🔹Boshqarmaning Korrupsiyaga qarshi kurash bo'yicha bosh mutaxassisi M.Nurmatov har bir xodim korrupsiyaga qarshi mutlaq toqatsiz bo‘lishi, o‘z xizmat vazifasiga mas’uliyat bilan yondashishi kabi mavzularda so'z yuritdi.

🔹Yig'ilish tahliliy va tanqidiy ruhda o'tdi, vazifalar belgilab berildi.


Matbuot xizmati.
Telegram | Instagram | Facebook