#sayyor_qabul

Sayyor qabullar - inson manfaati uchun

✔️ Bugun Namangan viloyatining aholisi zich hududlardan biri Norin tumani markazida Davlat kadastrlari palatasining Namangan viloyati boshqarmasi boshlig‘i M.Tursunbayev boshchiligida navbatdagi sayyor qabul bo‘lib o‘tdi. Unda Kadastr agentligi va Davlat kadastrlari palatasi viloyat boshqarmalarining korrupsiyaga qarshi kurashish bo‘yicha bosh mutaxassislari M.Nurmatov, A.Obidovlar hamda boshqarmaning tegishli sho‘basi mutaxassislari qatnashdilar.

✔️ Qabulda kadastr xizmati masalalari bo‘yicha murojaat bilan kelgan jami 25 nafar fuqaro va tadbirkorlarning 13 nafar murojaatchilar masalalariga shu joyining o‘zida yechim topildi, 7 nafar murojaatchilarga hujjatlari o‘rganilib, huquqiy tushunchalar berildi, 5 nafar fuqarolarning kadastr hujjatlari joyiga chiqqan holda o‘rganilib, tegishli o‘zgartirishlar kiritilishi rahbariyat tomonidan nazoratga olindi.

✔️ Sayyor qabul davomida murojaatlari ijobiy hal bo‘lgan otaxonlar xursandchilikdan tashkilotchilar xaqqiga duo qildilar.

Matbuot xizmati.
📱 Telegram 📱 Instagram 📱 Facebook

#korrupsiyaga_qarshi_kurashish

Sohani korrupsiyadan holi tizimga aylantiramiz!

🔼Bugun Kadastr agentligi va Davlat kadastrlari palatasi viloyat boshqarmalarining korrupsiyaga qarshi kurashish bo‘yicha bosh mutaxassislari M.Nurmatov va A.Obidovlar, Norin tumani bo‘lim va filial rahbarlari, inspektorlari, mutaxassislari, kadastr muhandislari, hamda topograflari bilan umumiy va yakka tartibdagi profilaktik tadbirlarini o‘tkazdilar.

🔹Tadbirda so‘z olgan M.Nurmatov har bir xodim kadastr idoralari nomiga dog‘ tushirmasligi, xizmat vakolatini suiisteʼmol qilmasligi, korrupsiyaning har qanday ko‘rinishiga yo‘l qo‘ymasligi, o‘z xizmat vazifalarini vijdonan halol bajarib ishlashi lozimligi, binobarin, jamiyatimizda sohaning har-bir xodimiga qarab butun bir kadastr tizimiga baho berilishi haqida ogohlantirdi. So‘zini davom ettirib, maʼruzachi xodimlarga jinoiy huquqda korrupsiyaviy huquqbuzarlik va jinoyat uchun jazo muqarrarligi ko‘rsatib o‘tilganligini tushuntirib berdi.

🔹Yig‘ilishda so‘z olgan A.Obidov bugungi profilaktik yig‘ilishdan ko‘zlangan asosiy maqsad, soha xodimlarining siyosiy va huquqiy ongini oshirish, korrupsiyaga murosasiz bo‘lish, huquqni muhofaza qilish idoralari tomonidan o‘tkazilayotgan tadbirlarda aniqlangan qonun buzilishlar va uni oqibatlari haqida ogohlantirish ekanligiga alohida urg‘u berdi. Korrupsiya balosiga giriftor bo‘lgan xodimlarning achchiq qismati haqida jonli misollar bilan tushuntirishlar berdi. Barcha xodimlarni ayniqsa yoshlarni davlat xizmatchisi sifatida vatanparvar, yurtga va kasbga sadoqatli bo‘lishi zarurligini uqtirib o‘tdi.

🔹Shuningdek, boshqarmaning murojaatlar bilan ishlash sho‘basi bosh mutaxassisi A.Qodirov ham aholi va tadbirkorlar murojaatlari bilan ishlash jarayonida ko‘tarilayotgan asosiy masalalar va ularni yechimi haqida o‘z fikrini bildirdi.

🔹Tadbir yakunida Norin tumani kadastr tizimining barcha xodimlari jamoada korrupsion holatlarni oldini olishga va unga yo‘l qo‘ymaslikga qatʼiy ahd qildilar.

🔹Mazkur profilaktik tadbirda xodimlarni qiziqtirgan savol va takliflari tinglandi hamda ular bo‘yicha fikr mulohazalar bayon etildi. Tadbir ochiq, samimiy, ishchanlik va o‘zaro hurmat ruhida o‘tdi.

🔹Maqsadimiz esa, har doimgidek, kadastr sohasini korrupsiyadan holi tizimga aylantirish va xalqimizga beminnat kadastr xizmati ko‘rsatishdan iboratdir.

Matbuot xizmati.
📱 Telegram 📱 Instagram 📱 Facebook

#siyosiy_maʼrifat_soati

Siyosiy-maʼrifat soati qiziqarli o‘tdi

🔹Bugun Kadastr agentligi va Davlat kadastrlari palatasi Namangan viloyati boshqarmalari xodimlari navbatdagi “Siyosiy-maʼrifiy soat”da ishtirok etdilar.

🔹O‘quv soatida o‘tgan hafta davomida yurtimizda va xorijda sodir bo‘lgan eng muhim voqealar ko‘rsatildi. Ayniqsa Prezident Shavkat Mirziyoyev raisligida kambag‘allikni qisqartirish ishlarini yangi sifat bosqichiga olib chiqish masalalariga bag‘ishlangan videoselektor yig‘ilishda ko‘tarilgan dolzarb masalalar xodimlarda katta qiziqish uyg‘otdi.   
🔹Siyosiy-maʼrifat soati foydali maʼlumotlarga boy bo‘lib, qiziqarli o‘tdi.

Matbuot xizmati.
📱 Telegram 📱 Instagram 📱 Facebook