#Seminar

Yangi qonun mazmun-mohiyatiga bag'ishlangan o'quv-seminar

🟢Bugun Kadastr agentligi Namangan viloyati boshqarmasida, viloyat Adliya boshqarmasi bilan hamkorlikda O'zbekiston Respublikasining 2024-yil 5-avgustdagi "O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida"gi Qonunning mazmun-mohiyatini xodimlarga to'liq tushuntirish, ijrosi yuzasidan amalga oshirilishi rejalashtirilgan vazifalardan xabardor qilish maqsadida o'quv seminar tashkil etildi.

🟢Unda Kadastr agentligining Namangan viloyati boshqarmasi boshlig'i B.Pazilov, Davlat kadastrlari palatasining Namangan viloyati boshqarmasi boshlig'i M.Tursunbayev, viloyat Adliya boshqarmasi mas'ul xodimi N.Xabibullayev, boshqarmalarning bo‘lim boshliqlari hamda ZOOM platformasi orqali tuman va shahar filial rahbarlari, mutaxassislari qatnashdilar.

🟢Seminarni Kadastr agentligi Namangan viloyati boshqarmasi boshlig'i B.Pazilov ochib, so'zni viloyat Adliya boshqarmasi mas'ul xodimi N.Xabibullayevga berdi. U o'z so'zida Qonunning asosiy jihatlari, tartib-taomillari haqida batafsil ma'lumotlar berdi. Har bir tuman bo'yicha savollarga birma-bir javob berilib, o'rtaga tashlangan takliflarni o'rganib chiqish uchun inobatga olindi.

🟢O‘tkazilgan seminarda ishtirokchilar o‘zlarini qiziqtirgan savollariga to‘laqonli javob oldilar. Qonunni ijro qilish jarayonlarida Viloyat Adliya va Kadastr tizimi mas'ullari hamkorlikda ishlashga kelishib oldilar.

Matbuot xizmati.
📱 Telegram 📱 Instagram 📱 Facebook

🇺🇿🇺🇿🇺🇿🇺🇿 🇺🇿🇺🇿🇺🇿🇺🇿

🫥Hududlarda yer nazorati tadbirlari

⏺ Farg‘ona viloyati boshqarmasi Buvayda tumani inspektorlari tomonidan o‘tkazilgan yer va kadastr nazorati tadbirlarida «Ponsod» MFY da fuqaro tomonidan hech qanday huquqiy hujjatlarsiz 35 kv.m yer maydonni o‘zboshimchalik bilan egallab olib noqonuniy ravishda qurilish ishlari olib borilganligi holati aniqlandi. Olib borilgan tushuntirishlar hamda yozma ko‘rsatmadan so‘ng yer maydon fuqaro tomonidan bartaraf etildi.

⏺ Andijon viloyati Shahrixon tumani inspektorlari tomonidan o‘tkazilgan yer va kadastr nazorati tadbirlarida “Tumor” MFY hududida fuqaro tomonidan 300,0 kv.metr yer maydonni o‘zboshimchalik bilan egallab olib noqonuniy ravishda qurilish ishlari olib borilganligi holati aniqlandi. Shundan so‘ng yer qonunbuzarlikni sodir etgan shaxsga tushuntirish ishlari olib borildi hamda uning huquqiy oqibatlari tushuntirildi hamda noqonuniy qurilma fuqaro tomonidan joyning o‘zida bartaraf etildi.

⏺ Namangan viloyati Mingbuloq tumani bo‘limi inspektorlari tomonidan o‘tkazilgan yer va kadastr nazorati tadbirlari davomida “Namangan” massivi hududida“Gultepa oltin balig‘i” xususiy korxonasi tomonidan o‘ziga ajratilgan yerga tutash bo‘lgan davlat zaxirasidagi va boshqa xususiy korxonaga qarashli jami 0,7 gektar yerni o‘zboshimchalik bilan egallash orqali noqonuniy bino va baliq yetishtirish uchun beton to‘siqli sun’iy hovuzlar tashkil qilib olganligi aniqlandi. Oqibatda tuproq unumdorligi jihatidan 68 bonitetga teng sug‘oriladigan ekin yer maydoniga 68 mln. so‘mdan ziyod moddiy zarar keltirilgan. Ushbu holat yuzasidan tuman bo‘limi inspektorlari tomonidan vakolat doirasida choralar ko‘rilib, to‘plangan ish hujjatlari huquqni muhofaza qilish organlariga yuborildi.

⏺ Buxoro viloyati G‘ijduvon tumani bo‘limi inspektorlari tomonidan o‘tkazilgan yer va kadastr nazorati tadbirlari davomida "G‘ovshun" MFY hududida olib borilgan nazorat tadbirlari davomida fuqaro tomonidan M-37 magistral yo‘lining muhofaza zonasida 30 kv.metr yer maydoni o‘zboshimchalik bilan egallab olinib, noqonuniy qurilmalar qurganligi aniqlangan. Ushbu holat yuzasidan Maʼmuriy javobgarlik to‘g‘risidagi kodeksning tegishli moddasi bilan maʼmuriy bayonnoma rasmiylashtirilib, 15 kun muddatda noqonuniy qurilmani ixtiyoriy buzish uchun ogohlantirish xati berildi.

📩Telegram   |  📩 Instagram    |  📩YouTube   
| 📩 Facebook       | 📩 Web-sayt

#siyosiy_maʼrifat_soati

Siyosiy-maʼrifat soati bo‘lib o‘tdi

🔹Kadastr agentligi va Davlat kadastrlari palatasi Namangan viloyati boshqarmalari xodimlari bugungi kunning eng muhim va dolzarb mavzulari haqida maʼlumot berib boruvchi navbatdagi "Siyosiy-maʼrifat soati" da ishtirok etdilar.

🔹O'quv soatidan so‘ng yig‘ilishda so‘z olgan Kadastr agentligi va Davlat kadastrlar palatasi Namangan viloyat boshqarmalari korrupsiyaga qarshi kurashish bo‘yicha bosh mutaxassislari M.Nurmatov, A.Obidovlar maʼnaviy-maʼrifiy ishlarni jonlantirishdan ko‘zlangan asosiy maqsad, soha xodimlarining siyosiy va huquqiy ongini oshirish,  korrupsiyaning oldini olish, yoshlarni davlat xizmatchisi sifatida, o‘z yurtiga, kasbiga  sadoqatli bo‘lishi hamda o‘z ustida ishlashi, ko‘proq kitob o‘qishni targ‘ib qilishdan iborat ekanligini uqtirib o‘tdilar.

Matbuot xizmati.
📱 Telegram 📱 Instagram 📱 Facebook