Наманган вилоятида туризм мавсуми бошланди!

Жорий йил 23 март куни Туркия давлатидан ташриф буюрган 15 нафар сайёҳлар тантанали тарзда кутиб олинди.

Меҳмонларни вилоят ҳокимининг ўринбосари Б.Нуритдинов кутиб олиб, уларга Наманганнинг бой тарихи ва маданий мероси ҳақида қисқача маълумот берди.

Сайёҳлар вилоятнинг энг диққатга сазовор жойларига ташриф буюришди.
Улар орасида:
✅ Ўн бир Аҳмад зиёратгоҳ – тарихий аҳамиятга эга муқаддас маскан;
✅ Афсоналар водийси парки – Наманганнинг замонавий ва сермазмун дам олиш ҳудуди;
✅ Ахсикент археология парки – қадимий шаҳар вайроналари, Наманганнинг тарихий илдизларини акс эттирадиган муҳим объектлардан бири;
✅ Гул бозори – Наманганни “Гуллар шаҳри” сифатида дунёга танитган энг машҳур жойлардан бири;
✅ Драма театри – маданий-маърифий ҳаётни бойитишга хизмат қилувчи санъат маскани.
Сайёҳлар Наманганнинг табиати, тарихи ва меҳмондўст халқидан катта таассурот олганликларини таъкидлашди.

Айниқса, шаҳарнинг мусаффо ҳавоси, бетакрор гуллари ва миллий таомлари меҳмонлар қалбида ўчмас из қолдирди.

Шунингдек, сайёҳлар 64 Халқаро гуллар фестивалида яна Наманганга ташриф буюриш ниятида эканликларини билдиришди. Бу фестиваль нафақат Ўзбекистон, балки бутун дунё гулсеварлари учун муҳим тадбирлардан бири ҳисобланади.

Наманган вилоятида туризмни ривожлантириш бўйича олиб борилаётган ишлар ва сайёҳлар оқимининг тобора ортиши ҳудуднинг иқтисодий салоҳиятини ошириш билан бирга, уни халқаро майдондаги нуфузини ҳам мустаҳкамлаб бормоқда.

Наманган вилояти Туризм бошқармаси.

Наманган делегацияси Туркияда қатор учрашувлар ўтказди

Машҳур адиб, 20 ортиқ китоблар муаллифи Наманганнинг Туркиядаги фахрий элчиси Собир Сайхон билан учрашувда келгуси тарғибот тадбирлари белгилаб олинди.

«Гуллар байрамида кўп қатнашганман. Бу гўзал фестивални тарғиб этиб келаман. Бу асарларимда ҳам ўз ифодасини топмоқда», - дейди 95 ёшли адиб.

Туркиянинг жаҳонга машҳур Liv Hospital компанияси кузатув кенгаши бош маслаҳатчиси, жамоат ва давлат арбоби Моник Ипекел хоним билан учрашувда ижтимоий-тиббий ҳамкорлик муҳокама марказида бўлди.

«Ўзбекистон қадим буюк ўлка, гўзал Наманган ҳам ривожланишда. Гуллар шаҳрида ҳам бир ижтимоий объект очишни режалаштирамиз», - деди Ипекел хоним.

Туркиялик санъат арбоби Ахмет Чоктан билан учрашувда Абрў санъатини Наманганда ривожлантириш орқали ҳудуд жозибардорлигини орттириш масалалари муҳокома этилди.

«Абрўнинг келиб чиқиши Ўзбекистондандир. Мен эса Намангандан келган атласчи-ипакчилар авлодиданман. Наманган учун буюк бир иш қилиш бурчимдир», - деди Ахмет Чоктан