#dayjest #talabalar_sporti

🗣Talabalar bahor mavsumini sport bilan boshlashdi

“Talabalar ligasi” sport musobaqalarining 2-bosqichi o‘tkazildi. Jumladan:

🔹Shahrisabz davlat pedagogika instituti talaba-qizlari jamoasi musobaqaning basketbol sport turi boʻyicha viloyat bosqichi g‘olibi bo‘ldi.

🔸Xorazm viloyatida sportning shaxmat turi bo‘yicha o‘tkazilgan musobaqada Toshkent axborot texnologiyalari universiteti Urganch filiali (erkaklar o‘rtasida) va Urganch davlat universiteti (ayollar o‘rtasida) g‘oliblikni qo‘lga kiritdi.

🔹Navoiy viloyatidagi futbol (futzal) bo‘yicha o‘tkazilgan o‘yinlar yakuniga ko‘ra Navoiy davlat pedagogika instituti jamoasi 1-o‘rinni egalladi.

🔸Stol tennisi sport turi bo‘yicha Toshkent shahar bosqichida O‘zbekiston davlat jahon tillari universiteti talaba-qizlaridan tarkib topgan jamoa 1-o‘rinni egallab, liganing navbatdagi respublika bosqichiga yo‘llanmani qo‘lga kiritdi.

🔹Farg‘ona viloyatida futbol sport turi bo‘yicha o‘tkazilgan yarim final va final bahslari natijalariga ko‘ra Farg‘ona davlat universitetining “FarDU” jamoasi g‘olib bo‘ldi.

🔸Stol tennisi turi bo‘yicha Namangan viloyat bosqichida yigitlar va qizlar o‘rtasidagi bahslar Namangan davlat universitetining g‘alabasi bilan yakunlandi.

🔹Qarshi muhandislik-iqtisodiyot institutida sportning voleybol turi bo‘yicha o‘g‘il bolalar o‘rtasida bo‘lib o‘tgan musobaqada Qarshi davlat universiteti jamoasi g‘olib bo‘ldi.

🔸“Talabalar ligasi” futbol sport turining Toshkent shahar bosqichida poytaxtimizdagi 50 ta oliy ta’lim muassasasi jamoalari 8 ta guruhga bo‘lingan holda bahslarda ishtirok etmoqda.

Ma’lumot uchun, “Talabalar ligasi” musobaqasi 2-bosqichi 10-martga qadar o‘tkazilib, 5 ta sport turi bo‘yicha jami 947 ta jamoaning 21 084 nafar talaba-o‘quvchilari ishtirok etdi.

👉 Rasmiy sahifalarimiz: Telegram | YouTube