🔫 Наманган аэропортида рухсатсиз қурол олиб кириш уриниши фош этилди

🛩Наманган вилояти божхона бошқармаси “Наманган аэропорти” чегара божхона пости ходимлари томонидан фуқаролар хавфсизлигини таъминлаш ва қонунбузарликларнинг олдини олиш мақсадида олиб борилаётган тизимли назорат тадбирлари ўз самарасини бермоқда.

✅️ “Сочи-Наманган” йўналиши бўйича келган Ўзбекистон Республикаси фуқароси “яшил” йўлакдан йўловчи божхона декларацияси тўлдирмасдан ўтишга уринган. Бироқ, унинг ҳатти-ҳаракалари шубҳа уйғотганлиги сабабли ходимлар томонидан фуқаро божхона назоратидан ўтказилди.

✅️ Натижада фуқарога тегишли бўлган сумка ичида хорижда ишлаб чиқарилган, тегишли рухсатномасиз олиб кирилиши тақиқланган пневматик тўппонча ҳамда унинг 2000 дона ўқлар борлиги аниқланди.

⚖️ Ҳозирда ҳолат юзасидан терговга қадар текширув ҳаракатлари олиб борилмоқда.


📱 Telegram  |  📱 Facebook  |  📱 Instagram

❗️ “Коррупция – жамият кушандаси” шиори остида тарғибот тадбири ўтказилди

📍 Коррупция – жамият тараққиётига тўсиқ бўладиган оғир иллатлардан бири ҳисобланади. Унга қарши курашиш ва фуқароларда ҳуқуқий онгни ошириш борасида Наманган вилояти божхона бошқармаси томонидан қатор ишлар олиб борилмоқда.

📍 Жумладан, “Наманган аэропорти” чегара божхона постида “Коррупция – жамият кушандаси” шиори остида профилактик суҳбатлар ташкил этилди.

📍 Ушбу тадбир давомида божхона ходимлари томонидан коррупциянинг зарарли оқибатлари, унинг турлари ва олдини олиш чоралари ҳақида маълумот берилди. Шунингдек, коррупцияга қарши курашнинг муҳимлигини таъкидлаб, барча фуқаролар қонун ҳужжатларига қатъий риоя қилишга чақирилди.

📍 Тарғибот суҳбатлари давомида йўловчиларга махсус тайёрланган буклетлар тарқатилди.

📞 Шу ўринда эслатиб ўтамизки, божхона ходимлари томонидан коррупцион ҳолатлар содир этилган тақдирда Божхона қўмитасининг қисқа 11-08 ҳамда Наманган вилояти божхона бошқармасининг (69) 226-76-00 рақамли ишонч телефонларига мурожаат этилиши мумкин.

📱 Telegram  |  📱 Facebook  |  📱 Instagram

🌎 Тадбиркорлар билан жойларда учрашув ўтказилди

✅ Тадбиркорлик субъектларини қўллаб-қувватлаш, уларнинг ташқи иқтисодий фаолиятида юзага келаётган муаммоларини жойида ҳал этиш, шунингдек, божхона тартиб-қоидалари бўйича аниқ ва тўлиқ маълумот бериш мақсадида Наманган вилояти божхона бошқармаси раҳбарияти томонидан жойларда учрашувлар ўтказилмоқда.

✅ Хусусан, бошқарма бошлиғи У.Кодиров томонидан "Asror Tekstil Sanoat" МЧЖда бўлиб, корхона вакиллари билан учрашув ўтказилди. Таъкидлаш жоизки, мазкур корхона божхона ҳудудида қайта ишлаш режимининг имконият ва имтиёзларидан фаол фойдаланган ҳолда, экспорт кўламини кенгайтириш йўлида самарали иш олиб бормоқда.

ℹ️ "Asror Tekstil Sanoat" МЧЖ томонидан 2024 йил давомида 3,4 млн. АҚШ долларлик, 2025 йил ўтган давр мобайнида 2 млн. АҚШ долларлик тикувчилик маҳсулотлари қайта ишланиб экспорт қилинди.

✅ Учрашув давомида тадбиркорлар фаолиятида учраётган амалий муаммолар тингланди ва уларнинг ечимлари юзасидан аниқ чора-тадбирлар белгилаб олинди.


📱 Telegram  |  📱 Facebook  |  📱 Instagram