Назарбоев калта шим ва қора кийимлар киймасликка чақирди
#ДУНЁ_ЯНГИЛИКЛАРИ

Қозоғистон президенти Нурсултон Назарбоев республика ёшлари орасида “модага кирган” аёлларни қора кийимдан, эркакларни калта иштондан сақланишга даъват этди.

Унинг айтишича, буларнинг барчаси қозоқ халқининг тарихий анъаналарига мос келмайди, буни ёшлар унутмаслиги керак.

“Калта шим кийиш, шундай шим кийган қарияларимизни қаерда кўргансиз? Соқолни кўкракка қадар ўстириб юбориш мусулмонларнинг одатими? Шу ишни қилиш ҳақида Қуръони каримда ёзилганми?.. Булар бизнинг анъаналаримизга путур етказади. Бунинг орқасида қандай хусусият бор? Улар бизнинг кийимларимиз эмас.

Мен бу ҳақда айтганман, мен айтдимми, демак, бажаришга мажбур қиламан. Шунинг учун ёшларга тавсиям бундан эҳтиёт бўлинг, бу ишларнинг келажаги йўқ”, деди Назарбоев.

ᅠ
@muslimuzportal | Muslim.uz
https://telegram.me/joinchat/BO0aAj0jjw0GT5rhPph8OQ

Абу Даби: қадимий Қуръон қўлёзмаси кўргазмада
#ДУНЁ_ЯНГИЛИКЛАРИ

Абу Дабининг Туризм ва маданият идораси бош директори Сайф Саид Гобашнинг хабар беришича, жорий йилнинг 20 сентябридан 2018 йилнинг 19 март кунига қадар “Ҳаж сафари хотиралари” номли кўргазма бўлиб ўтказилади.

Кўргазмада Ҳаж ибодати тарихи билан боғлиқ 180 дан кўп бадиий ва тарихий экспонатлар жой олган. Ушбу кўргазмадаги қадимий ёдорликлар, 15 нафар маҳаллий, халқаро муассаса ва коллекционерлар кўмагида йиғилган.

Кўргазмада кўп йиллар давомида Ҳаж сафарига Амирликдан борган зиёратчилар тарихи фотосуратлар ёрдамида ёритилган. Турли суратлар орқали Амирлик ва бошқа мамлакатлардан Макка ва Мадина шаҳарларига бориш йўллари ва ундаги турли машаққатлар кўрсатиб ўтилган.

Шунингдек, кўргазма доирасида турли кўнгилочар дастур ва илмий семинарлар ҳам ўтказилиши режалаштирилган.

Кўргазма экспонатлари орасидан қимматбаҳо Кўк Қуръон варақлари (Ал-Мусҳаф ал-азрақ) ҳам ўрин олган.

Маълумот учун, Кўк Қуръон – IX аср охири X аср бошларида ёзилган, ноёб Тунис куфий ёзувида ёзилган, вароқлари кўк рангда бўлган Қуръондир. Кўк Қуръонни Туниснинг тарихий Қайрувон туманида топилган. Қўлёзма тилла (хризография) ва кумуш сиёҳлар ёрдамида, пергамент (сув, ёғни ўзига шиммайдиган қилиб ишланган тери)га ёзилган. Қуръон вароқлари индиго (тўқ кўк) рангга бўялган.

Халқаро алоқалар бўлими
Моҳира Зуфарова
ᅠ
@muslimuzportal | Muslim.uz
https://telegram.me/joinchat/BO0aAj0jjw0GT5rhPph8OQ

БАА дунё бўйича энг катта қуёш электростанциясини ишга туширади
#ДУНЁ_ЯНГИЛИКЛАРИ

Бирлашган Араб Амирликларида 700 мегаватт қувватга эга бўлган дунё бўйича энг катта қуёш электростанцияси ишга туширилади.

Лойиҳа Дубайда амалга оширилади.

Улкан электростанцияни қуришга Саудия Арабистони ва Хитой Халқ Республикасининг бирлашган пудратчилари жалб этилган. Лойиҳани амалга ошириш қиймати – 3,8 миллиард доллар деб баҳоланмоқда. Электростанциянинг қуёш коллекторининг баландлиги 260 метрдан баланд бўлади.

Робия ЖЎРАҚУЛОВА тайёрлади.
ᅠ
@muslimuzportal | Muslim.uz
https://telegram.me/joinchat/BO0aAj0jjw0GT5rhPph8OQ

​Самарада масжид қурилишига рухсат берилмади
#ДУНЁ_ЯНГИЛИКЛАРИ

Самара маъмурияти мусулмонлар диний-маърифий бошқармасига Мехзавод ҳудудида масжид қуриш учун рухсат бермагани хабар қилинди.

Бу ҳақдаги қарор матни Самара шаҳар маъмуриятининг расмий сайтида оммага эълон қилинди. Шаҳар маъмурияти қурилишга “йўқ” дейилишига шаҳар аҳолисининг кўпчилик қисмининг фикрига асосланганини айтиб ўтган.

Самаралик фаоллар томонидан шаҳар раҳбари Олег Фурсовга мурожаатнома ёзилган ва бу расмий таъқиқнинг сабаби экани айтилган. Шу сингари масжидлар қурилишига қаршиликлар Россия Федерациясининг бир нечта шаҳарларида юз берган эди.

#Самара

@muslimuzportal | Muslim.uz
https://telegram.me/joinchat/BO0aAj0jjw0GT5rhPph8OQ

​Ҳиндистон олий суди мусулмонлар никоҳини ҳимоя қилди
#ДУНЁ_ЯНГИЛИКЛАРИ

Ҳиндистон Олий суди икки дин вакиллари никоҳини бекор қилиш тўғрисидаги қуйи инстанция қарорини бекор қилди. Суд ушбу қарори билан мусулмон оиласини сақлаб қолишга ҳукм чиқарди.

Ҳиндистонда бир қанча ойлардан буён можароларга сабаб бўлиб келаётган мусулмон йигит ва ҳинд қизининг никоҳга киришиши воқеаси юзасидан иш судга қадар бориб етди. Аввалроқ штат суди келин томоннинг қариндошлари талаби билан никоҳни бекор қилиш ҳақида қарор чиқарган эди. Келиннинг ислом динига мажбур қилиб қабул қилгани суд қарорига асос дейилган эди.

Бироқ Ҳиндистон Олий суди ушбу иш юзасидан ўрганишлар натижасида қуйи турувчи интанция қарорини бекор қилиш ҳақида ҳукмни қабул қилди.

24 ёшли Акхила Акошаннинг отаси Керала штати судига қизининг никоҳини бекор қилиш бўйича арз қилиб мурожаат қилган эди. У ўз арзида қизи куч остида исломни қабул қилганини айтиб ўтган.

Исломни қабул қилгач Ҳадия исмини олган қиз, турмушга чиққунига қадар таълим муассасаси ётоқхонасида дўстларидан ўрганган.

Май ойида никоҳи суд томонидан бекор қилингач, ота-онасининг уйига қайтарилган. Олий судда 27 ноябрь куни Ҳадиянинг кўрсатмалари тингланиши белгиланган бўлиб, қизнинг кўрсатмаларига асосан якуний қарорни қабул қилиши айтиб ўтилган.

#Никоҳ #Ҳиндистон Олий суди
@muslimuzportal | Muslim.uz
https://telegram.me/joinchat/BO0aAj0jjw0GT5rhPph8OQ

​Дунёда қанча одамнинг фуқаролиги йўқлигини биласизми?
#инсоният #дунё #ҳозирги_кун

БМТ берган маълумотга кўра, ҳозирги кунда дунёда 10 миллиондан ортиқ кишининг фуқаролиги йўқ яъни қонуний жиҳатдан қайсидир давлат фуқароси эмас. Фуқаролик ҳуқуқига эга бўлмаслик уларга кўплаб муаммоларни келтириб чиқармоқда.

Мисол учун, виза олиш билан боғлиқ ҳолатлар, ишга жойлашиш масаласи, тиббий ёрдамдан фойдаланиш ва кўплаб давлат хизматларидан фойдаланишни қийинлаштирмоқда. Улар дуч келаётган бу каби муаммо ва қийнчиликлар БМТнинг навбатдаги ҳисоботида келтириб ўтилди.

Фуқаролиги йўқ кўп сонли инсонлар ҳақида гап кетганда, Мьянманинг Ракхайн (Аракан) штатидаги роҳинга мусулмонлари жамоасини айтиб ўтиш лозим. Улар турли тазйиқ ва хўрликларга учрагани тез-тез тилга олинмоқда. БМТ роҳингаларга нисбатан амалга оширилган ҳаракатларни инсониятга қарши жиноятга қиёслади. Ўтган ойларда келгинди деб камситиладиган роҳингаларнинг уйларига ўт қўйилди, айримлари шафқатсизларча қатл қилинди, ҳатто ёш болалар ўлдирилди.

Халқаро ҳамжамиятнинг аралашуви билангина бу ваҳшийликларни тўхтатишга муваффақ бўлинди.

Маълумки, Мьянма ҳукумати роҳингаларни ўз фуқароси сифатида тан олишмагани боис, уларни кўплаб ҳақ-ҳуқуқлардан маҳрум этиб келмоқда. Ҳукумат фикрига кўра, роҳингалар ноқонуний мигрантлар ва улар ўз ватанига қайтиб кетиши керак.

Август ойига қадар Мьянмада тахминан бир миллион роҳинга бор эди, лекин уларнинг ярмидан кўпи нотинчликлар сабаб Бангладешга кўчиб кетишди.

Илҳом Маърупов
тайёрлади.
@muslimuzportal | Muslim.uz
https://telegram.me/joinchat/BO0aAj0jjw0GT5rhPph8OQ

​Шаржада 1350 йиллик Қуръони Карим мусҳафи намойиш этилмоқда
#ДУНЁ_ЯНГИЛИКЛАРИ

БААнинг Шаржа шаҳрида китоблар намойишига бағишланган халқаро кўргазма бўлиб ўтмоқда. Бу йилги кўргазмада дунёнинг 60 мамлакатидан 1650 та нашриёт ва матбаа корхоналари иштирок этишмоқда. Кўргазмада 1,5 миллиондан ортиқ китоб ва рисолалар намойиш этилмоқда.

БАТАФСИЛ

@muslimuzportal | Muslim.uz

​Инсоният тарихида таъсири энг кучли шахс ким?
#ДУНЁ_ЯНГИЛИКЛАРИ

1978 йилда нашр қилинган “Тарихдаги энг таъсирли 100 нафар шахс” китоби жуда катта шов-шувга сабаб бўлган эди. Инсоният бошлангандан токи бугунга қадар 100 та энг таъсирли шахсларнинг рўйхатини тузиб чиққан Майкл Харт Пайғамбаримиз Муҳаммад Мустафо соллалоҳу алайҳи васалламни 1-ўринга жойлаштиргани кўпчилик мусулмон бўлмаган одамларда танқидий норозилик уйғотган эди.

1992 йилда қайта нашр қилиш пайтида Майкл Харт рўйхатдаги баъзи шахсларнинг тартиб рақамини ўзгартирди, баъзиларини олиб ташлаб, ўрнига Горбачёв, Эрнст Рузенфорд ва Генри Фордларни киритди, лекин Пайғамбаримиз Муҳаммад Мустафо соллалоҳу алайҳи васалламнинг ўринлари ўзгармади.

Буни тан олишдан бошқа чора ҳам йўқ, чунки Расулуллоҳ соллалоҳу алайҳи васаллам инсониятнинг энг афзалидирлар. Албатта мусулмон бўлмаган тадқиқотчи Майкл Харт ушбу рўйхатнинг аввалига инсониятнинг энг афзали бўлган Муҳаммад Мустафо соллалоҳу алайҳи васалламни киритгани тадқиқотчи ўзининг олдига қўйган принципларига содиқ қолганидан далолат беради.

Алишер Саттаров
Халқаро алоқалар бўлими ходими
@muslimuzportal | Muslim.uz
https://telegram.me/joinchat/BO0aAj0jjw0GT5rhPph8OQ

#ДУНЁ_ЯНГИЛИКЛАРИ

Владикавказдаги масжидда Қуръон мусобақаси бўлди

Шу кунларда Владикавказ шаҳридаги масжидда қорилар мусобақаси бўлиб ўтди. Мусобақада муфтийлик вакиллари, жумладан, Шимолий Осетия муфтийси Хажимурат Гацалов иштирок этгани ҳақида хабар берилди.

Мусобақада 20 киши иштирок этган. Иштирокчилар Шимолий Осетиянинг турли ҳудудларидан келишган. Қорилар икки гуруҳга ажратилган бўлиб, биринчи гуруҳда мадраса ва ўқув муассасаларида таъълим олганлар ўзаро курашган бўлса, иккинчи гуруҳда ўқишни масжид имоми ёрдамига ўрганганлар беллашган.

Биринчи гуруҳда ардонлик Муҳаммад Гуляев ғолиб бўлган бўлса, иккинчи гуруҳда кизряллик Алихан Абреков энг яхши деб топилди. Бошқа номинациялар бўйича ҳам ғолиблар аниқдангани айтиб ўтилган.

ЎМИ Матбуот хизмати

Манба: www.muslim.uz

@muslimuzportal Дўстларингизга ҳам улашинг.

#ДУНЁ_ЯНГИЛИКЛАРИ

Халқаро конференциясига тайёргарлик
Батафсил: https://muslim.uz/index.php/yangiliklar-2016/dunjo-yangiliklari/item/5002-khal-aro-konferentsiyasiga-tajjorgarlik

@muslimuzportal

#ДУНЁ_ЯНГИЛИКЛАРИ
“Бизнинг масжидларимиз – бизнинг келажагимиз”
https://muslim.uz/index.php/yangiliklar-2016/dunjo-yangiliklari/item/5301

https://telegram.me/joinchat/BO0aAj0jjw0GT5rhPph8OQ

​Дунё талабгори бўлманг
#Дунё #Мўмин #ибодат #умидворлик

Мўмин доимо Аллоҳнинг ибодати ила банд бўлиши, Унинг раҳматидан умидворлик ва азобидан хавфда яшамоғи лозим.

Хадиси қудсийда Расулуллоҳ соллаллоҳу алайҳи васаллам айтдилар. Аллоҳ таоло деди: “Эй дунё менга хизмат қилганга сен ҳам хизмат қил, сени орқангдан чопганни чарчатиб ҳалдан тойдир”.

Ким дунё билан банд бўлиб, охиратдан ғафлатда бўлса, унинг ортидан зир югуриб, охир оқибат ҳолдан тойиб чарчайди. Кимки Аллоҳнинг тоати билан машғул бўлса, тақвони лозим тутса, вафотидан кейин унга тайёрлаб қўйилган мукофотларни кўриб мамнун бўлади. Аллоҳ таоло бундай марҳамат қилади: «Ким Аллоҳга тақво қилса, У Зот унинг йўлини очиб қўюр. Ва унга ўзи ўйламаган тарафдан ризқ берур» (Талоқ сураси, 2-3-оят).

Абу Ҳурайра розияллоҳу анҳу Набий соллаллоҳу алайҳи ва салламдан ривоят қиладилар: Аллоҳ таоло айтади: “Эй Одам боласи, ибодатда бўл. Шунда қалбингни бойликка тўлдираман ва фақирлигингни кетказаман. Акс ҳолда қўлингни иш билан банд қилиб қўяман ва фақирлигингни кетказмайман!” (Имом Термизий ривояти).

Ҳасан Басрий раҳматуллоҳи алайҳ айтадилар: “Дунё севгисини кабира гуноҳлар қатори кўрмаган кишидан ҳайрон бўлганимчалик бошқалардан ҳайрон бўлмаганман. Аллоҳга қасамки, дунё севгиси гуноҳи кабиралардан ҳам каттароғидир. Ахир барча катта гуноҳлар дунёга муҳаббат туфайли эмасми?!

Авазхўжа Бахромов
Тошкент тумани “Холмуҳаммад ота” жоме масжиди имом-хатиби
ЎМИ Матбуот хизмати

#ДУНЁ ЯНГИЛИКЛАРИ

Ўшдаги Имом ал-Бухорий мадрасасида хатмона ўтказилди

Ўқиш учун манзил:⤵️
https://goo.gl/m22K4Z

https://telegram.me/joinchat/BO0aAj0jjw0GT5rhPph8OQ

Доғистонда ноодатий Қуръон мусобақаси ўтказилди

Ислом олами робитасининг Китоб ва суннатга хизмат қилиш ҳайъати ва Доғистон мусулмонлар идораси имом Нававий номли мадрасада Қуръон мусобақасини ташкил этишди...
ᅠ
➡️БАТАФСИЛ ЎҚИШ

#ДУНЁ_ЯНГИЛИКЛАРИ
@muslimuzportal обуна бўлинг

80 ёшли аёл болаларга Қуръони каримни ўргатиб келмоқда

Хассина Мисрнинг шимолий-шарқий Дакалия губернаторлигининг Дикирнис шаҳри яқинидаги Кафр Абдул Мўмин номли қишлоқда яшайди...
ᅠ
➡️БАТАФСИЛ ЎҚИШ

#ДУНЁ_ЯНГИЛИКЛАРИ
@muslimuzportal обуна бўлинг

Германиялик ярим ҳимоячи суриялик болаларга жарроҳлик амалиёти учун ёрдам беради

Машҳур футболчи Месут Озил ўзининг Twitterдаги саҳифасида «Биз 1000 га яқин суриялик болаларнинг жарроҳлик амалиёти харажатларини тўлаймиз», дея маълумот ёзиб қолдирган...
ᅠ
➡️БАТАФСИЛ ЎҚИШ

#ДУНЁ_ЯНГИЛИКЛАРИ
@muslimuzportal обуна бўлинг

Адлия вазирлиги вакиллари иштирокида семинар ўтказилди

8-август куни Ўзбекистон мусулмонлари идораси Қорақалпоғистон вакиллиги тизимидаги масжид имом-хатиб ва имом-ноиблари иштирокида семинар бўлиб ўтди...
ᅠ
➡️БАТАФСИЛ ЎҚИШ

#ДУНЁ_ЯНГИЛИКЛАРИ
@muslimuzportal обуна бўлинг

#Видео
#неъмат #дунё

“Неъматларни ҳис қилиш учун нима қилиш керак”

Саидаҳмад домла Сайдаралиев

Ўзбекистон мусулмонлари идораси
Фатво маркази бош мутахассиси

YouTube | Instagram | Facebook

🔗 Улашинг: @diniysavollar |@muslimuzportal | @shayx_nuriddinxoliqnazar